السلام عليكم ورحمة الله وبركاته
حبيت اشكركم جميعا على كل ما قاعد تقدمونه والله يعطيكم الف عافيه وارجو الافاده
اولا انا عضو قديم بس للاسف خسرت اكاونتي القديم بهالموقع العظيم للسفر والحلو بكل شي ولكن اعود بنك جديد وانشالله ما تبخلون علينا بمساعدتكم
انا طبعا مقرر اني اسافر هالصيف الي اوربا وهذي تجربتي الاولي للسفر الي اوربا
بس وقعدت اتابع تقاريركم من فتره بس والله محتار جدا
في البدايه حبيت اقول ان سفري راح يكون من تاريخ 28-6 الي 19-7
يعني تقريبا 21 يوم
فمحتار بين مخططين
الاول بيكون بين المانيا والنمسا وسويسرا ومناطق في فرنسا
بيكون فرانكفورت وباخذ سياره وبروح بادن بادن او رست وبقعد 3 الي 4 ايام
ومنها زيارة البلاك فورست والزحلاقيه واليورو بارك وستراسبورغ الفرنسيه
بعدين بروح ميونيخ بقعد يوم او يمكن ما اقعد اكمل الي زلمسي واقعد فيها5 ايام
بعدين الي قارميش او فوسن 3 ايام
ومن فوسن الي انترلاكن او اروسا او غيره بقعد 6 ايام
وبعدين جينيف واروح حق انسي وايفيان ويمكن اقعد يومين فيها وارجع الكويت
الثاني
بيكون بين المانيا وسويسرا وايطاليا وبعض ضواحي فرنسا
كبدايه فرانكفورت بعدين رست 3 الي 4 ايام
ومن رست الي انترلاكن بقعد فيها 5 ايام
ومن انترلاكن بروح ميلان وبقعد يوم فيها
ومن انترلاكن الي فيرونا بقعد يومين
وفينيسا يا مرور يا اقعد يوم
وبعدها بروح لوغانو واقعد يومين وارجع جينيف يومين وزيارة اينسي وايفيان
الموضوع من اهل الخبره يرجي المساعده وعدم البخل بمعلوماتهم
ثانيا ابي اعرف شنو اسوي بحجز الفنادق الفنادق الناس حاجزه من الحين ولا الاسعار ما انزلت وبالنسبه لي انترلاكن وزلمسي الاسعار ناار وغاليه
بنظركم اقعد بانترلاكن ولا تعطوني نصيحه بمكان قريب او مكان حلو قريب انا سمعت مونترو او لويرن مادري فحبيت تفهموني الوضع بمكان ارخص وان ما احس بملله ويكون ريفي ؟؟
الفنادق هل ارتب من الحين ولا اخلي التنقلات مفتوحه وكل منطقه قبل لا اروحلها احجز فندق قبلها بيوم عن طريق النت ؟؟؟
ارجو المساعده لاني مخي نفجر