شدعوه مافي احد يقدر يساعدني باللي يقدر عليه

بماا ان محد قدر يساعدني جمعت معلومات وقريت وبحثت
وهذا اللي طلع معاي
محتاجه بس احد من الخبراء يعقب او يعدل عليه اذا يحتاج
واللي عنده احداثيات اي مكان من اللي كاتبتهم انا يساعدني لو بوحده لان اللي بالتقارير تختلف وبعضها ماتطلع لي بقوقل !!
حاولت اجمع كذا مكان بمشوار واحد يوم واحد اقصد
زيورخ .. شلالات الراين (Schloss Laufen am Rheinfall) .. قريه هايدي .. قريه مولز الروعه ..
نتحرك من انترلاكن متجهين الى قريه لونجرن بعدها لقمه تتلس ومن ثم نمر على لوزرين
زياره البلو سي بعدها كاندرستيج والاوشن سي .. البحيره الزرقاء فيها ااماكن لشواء
اول شي نتجهه للمطل اللي يطل ع انترلاكن http://www.3eyon3rabia.com/vb/showthread.php?t=630
بعده نطلع لشلالاات جس باخ بعدها نطلع لقريه ثون
البرنامج اللي كتبته للحين ماهو بترتيب الايام فقط ترتيب الاماكن القريبه لبعض
ماعدا اليوم الاخير وهو
مصنع الشوكلاته نختار الوجه ل بروك Broc وعند وصولنا للمدينه نحط احداثيه المصنع
1- مصنع كالير في بروك ( مفتوح من 9 ونص الى 4 العصر )
2- مصنع غريير للجبن (أوقات صناعة الجبن وهي الفترة بين:
من 9 إلى 11 صباحا
ثم
من 12:30 إلى 2:30 بعد الظهر
المصنع مفتوح كل يوم من 9 ص الى 7 م)
3- قريه وقلعه غريير( تسكر ابوابها القلعه الساعه 6)
4- مونترو
5- ايفيان
6- وصولا الى جنيف
رايكم تعديلاتكم اقتراحاتكم محتاجتها والله

السلام عليكم ورحمة الله وبركاته
شيء طيب انك طلبتي ولبيتي طلبك ..... لكن الافضل اختيار الاماكن وتقبلي مروري ....... وشكرا

شوفي تقريري ( رحلتي الي سويسرا ) فيه انترلاكن و الاماكن السياحية فيها و جنيف و الاماكن السياحية فيها
شوفي تقريري ( رحلتي الي المانيا ) فيها مدينة زيورخ و شلال الراين و جزيرة الورود و التقرير مستمر فية مدن و اماكن سياحية في انترلاكن بس تو الناس اللايام الجاية

شكرا لك اخوي ع الرد
والحين بتفرج ع تقريرك
الله يجزاك خير

ممكن احد يعطيني احداثيه مطعم الماعز
وموقعه من قوقل ماب
اخذت الاحداثيه من كذا تقرير وماتطلع وياي !!

إذا كنت مستعجل ، فهذا جدولي ربما يناسبك .
علماً بأن تنقلاتي بالمواصلات العامة ، وليست السيارة .
ومدينة آنسي سأنطلق لها بالباص من جنيف
http://www.mediafire.com/?7ceb469d10okfdg
وتفاصيل الرحلة من معلومات وأماكن وساعات عمل واسعار تذاكر
انا مرتبها في ملف ورد تستطيع قرائته وسيختصر لك الوقت الكثير
وفي الملف معلومات عن رحلات ليست موجوده في جدولي
http://www.mediafire.com/?461ck7111dz112b
بالنسبة لأحداثيات المواقع ، ابحث في الموقع ، اتكر ان أحد المسافرين عمل ملف كامل فيه جميع الاحداثيات
اتمنى ان أكون أفدت ، ولا تنساني من دعائك ، فرحلتي يوم الأثنين القادم

بالنسبة لمدينة آنسي ،، فالطريق لها من جنيف أفضل ...
بالنسبة لي فأنا سآتي من باريس عبر القطار الأوربي الى جنيف ، فسأصل بالقطار الساعة 1 الظهر ، لأن استلام الغرفة الساعة 2
فبيكون اليوم الأول استجمام في جنيف . .. المقترحات .
1- جوله بحرية في بحيرة ليمان والتفاصيل في هذا الرابط
https://artravelers.com
2- شارع الرود مارشيه
3- نافورة جنيف
اليوم الثاني ::
الانطلاق الى مدينة آنسي بالباص السياحي والتفاصيل في الملف السابق
،، واذا عندكم سيارة فأنصحك بتقرير بوعزيز مشرف القسم تحصلين الرابط في توقيعه .
اليوم الثالث الانطلاق الى منترو علشان رحلة قطار الشوكولاته
والتفاصيل في ملف الورد .
وبعد الرجوع من رحلة القطار ، سنستمتع بالتمشي على البحر ، وتناول العشاء وبعدها ننطلق الى انترلاكن
فلابد من مراسلة الفندق ان استلام الغرفه سيكون في الليل حتى لا يلغي الحجز
وبالنسبة لجدول انترلاكن فستجدينه بالتفصيل في ملف الأكسل وبالشرح في ملف الورد .
ورحلة سعيدة إن شاءء الله