يا اخوان محتاج لجواب اليوم ضروري
لازم احجز اليوم لسفرة الصيف
تأخر الوقت كثير
والاسبوع القادم راح اكون خارج المملكة عشان كذا مالي الا هاليومين ارتب فيهم هالحجز
انا سبق وان سافرت اوروبا بس كل روحاتي تكون انا وزوجتي بس
بس هالمره غير
بيروحون معي الاهل
يعني بنصير 5 كبار و3 صغار
وكلهم حريم مافيه الا انا رجال
ورحلتي راح تكون 16 يوم فقط في شهر جولاي
يعني اي 16 يوم في شهر جولاي
واحس اني مضطر هالمره اني استأجر سياره مع اني ماقد جربتها ولا افضلها
لأني خايف من موضوع السواقه بصراحه لا اقل ولا اكثر
فياليت لو تساعدوني في بعض الامور وانا ادبر نفسي في الباقي
اول شيء انا ماحجزت الى الأن اي حجز
ولازم وخلال هاليومين بالكثير احجز اذا بغيت اسافر عشان مايروح علي الوقت
بس ابي احد يوجهني عشان احجز
انا يهمني في السفر اني اجمع بين صخب المدن والمقاهي والاسواق وبين الطبيعة والملاهي عشان الاطفال
1- انا كنت اقول ان خط سيري يكون الرياض ميونخ
ومنها استأجر السيارة وابدأ خط الرحلة والهجولة
وارجع من فينا او جنيف او برشلونه الى الرياض
مع العلم اني ودي اروح برشلونه مره لأني ماسبق رحت لها والناس كلها تمدح برشلونه بس كلاً يقول بعيده
وانا ماعندي مشكله لو اروح برشلونه بالطيران الاقتصادي
1-فوش رايكم ؟ ووش ترشحون لو على مخططي ملاحظات؟
2- كم بيكون استئجار السيارة العائلية لعدد 5 كبار و3 صغار للمدة الي احتاج فيها للسيارة؟
3- وهل لو استأجر السيارة من المانيا واسلمها في سويسرا راح يزيد السعر ؟
4- لو استأجرت سيارة يعني اني راح اسكن في احد الارياف فهل راح القى سكن سعره معقول لنا ؟
مبدأياً هذي استفساراتي
وعارف ان طلباتي صعبه شوي
بس قسم بالله اني محتاج الى اجابات
ولازم احجز على الاقل الطيران هاليومين
لأن الوقت بدأ يضيق علي
اتمنى مساعدتكم
والف الف شكر