اقتراحي لكم.. وبماان مدتكم الحقيقية بماليزيا 15ليلة صافية
2سلانقور ..فندق صنواي
3لنكاوي فندق وستن او بلانجي
3بينانغ فندق بارك رويال او هوليدي ان
3كاميرون فندق كاميرون هايلاندز
4كوالا فندق امبيانا او رويال شولان او تريدرز
كازامي

كازامي
كذا بتكون الرحله كلها تنقلات
مدري عن الكاميرون هل تستحق 3 أيام
والافضل أني أقتصرها على أربع (
3سلانقور
4 لنكاوي
4 بيانج
5 كوالا
أن كان حسبتي صح
جنتق سمعت أنها مقفله الملاهي الخارجيه
هل فيه منتزهات ومدن ترفيهيه غيرها ؟
محتار في الاختيارات !!

المده كبيره ماشاءالله.. يعني التنقلات ماراح تكون متعبه وبالعكس بتكون ممتعه لان البقاء في بعض المدن لاكثر من 3قد يكون ممل.يعني لو مدتكم 12 يوم واقل بيكون غلط نحط خمس اماكن.
رحلتي الماضية اكتوبر كانت13 يوم وخمس مدن. عموما تقسيمكم جيد وبراحتكم بس كاميرون عشق بشكل مغاير وحرام ماتشوفوه.
كاميرون كجولات يكفيها يومين لكن كمنطقه وجو ومتعه وراحه واسترخاء وروقان ثلاث بالكاد تكفيها.
اذا كنتم تبون العاب وملاهي جافة فهي منعدمه في ماليزيا بعد اغلاق جنتق ولاعندكم الا التايم سكوير وملاهيه روعه وكل سفرية لازم اجربها.
اما الملاهي عموما سواء جافة او مائية فعندكم الصن واي وعندكم العالم المفقود بايبوه وبامكانكم زيارته من كاميرون.اما متنزهات فكوالا مليانه مليانه مليانه متنزهات واسواق.
عندكم افموسا وفيه جزء العاب وملاهي. وعندكم زونياقرا وعندكم عالم تحت البحار
وعندكم حديقة الطيور والفراشات والبرجين والمناره وبالمناره يتبعها العاب وحدائق.
وعندكم مرتفعات فريزرهيل والتايم سكوير وسوقو وبافليون وشارع العرب وميقا مول.
و ارجو لكم التوفيق
كازامي

مشكور أخوي كازامي
شوقتني أزور الكاميرون مدة يومين
طيب أبي أسئلك عن التنقلات
طبعا من سلانقور الى لنكاوي طيران
ومن لنكاوي الى بيانج طبعا فيه فيري وطيران الافضل !! وكذلك السعر !!
الكاميرون أذا طلعت لها من بيانج عن طريق أيش !!
أول مره أروح ماليزيا وأطلعت على تقارير بعض الاعضاء
لكن يجهلني الكثير
ويعطيك العافيه

حبيبي انا وبقية الاعضاء في خدمتك.. التنقلات مثل ماقلتمن سلانقور الى لنكاوي طيران.. والطيران عندك اربع خطوط (الطيران الماليزي- ايراسيا- ماليندو-فايرفلاي)
قارن بينها وشوف الارخص كل وحده لها موقع وادخل وسو حجز وهمي وعبي البيانات وشوف النهاية كم تطلع معك.
من لنكاوي الى بينانغ فيري او طيارة
قبل اكثر من شهر كنت هناك ووجدت ان فايرفلاي رحلتهم الظهر وسعرهم قريب من سعر الفيري فحجزتهم وطنشت الفيري
لانها ثلاث ساعات وطفش وبعض الاحيان لو يهب الهواء راح تكره اليوم اللي رحت فيه ماليزيا.
من بيانغ الى بكاميرون لازم ياباص ياتكسي والطريق اربع ساعات.طريق حلو ولاهو مثل مايقولون متعرج مجرد عقبه صغيره
لكنه طويل والباصات فخمه ومريحه جدا ونوم ياعمي الين توصل.
بالامكان حجز الباص من النت ..راجع تقريري لاهنت (عائدون مغرمون وعاشقون)ذكرت فيه هالشي.
من كاميرون الى كوالا باص او تكسي..
فكر وشوف..
كازامي

السلام عليكم
جيت بسوي حجز في لنكاوي في الوستن
لقيت أغلب الحجوزات غير مسترده
والسعر تقريبا 4500 لي 4 ليالي أو 6000 مسترد !!
وش تنصحوني
الفرق واضح وكبير
وهل فيه فنادق أفضل منه

الوستن حلو.. وموقعه جميل. وكل ناس لهم ذوق خاص. يعني فيناس يقولو الوستن ماله منافس واخرين يقولو بالعكس عادي.
بقترح عليك هالفنادق وانت شوفها واحد واحد..
اغلى فنادق لنكاوي وافخمها فورسيزن وهوالاول في نظري.وموقعه بشمال الجزيرة وحوله بعض الخدمات والانشطة.
ثم الدانا وهو الثاني وموقعه عند التلفريك وحولة بضع مطاعم وخدمات بسيطة لكنه قريب من المطار ومن شاطي سينانغ الحيوي.
وبعدها ذاداتاي والاندمان ممكن يكون الثالث والرابع. يتميزون بالخصوصية والشاطي الكثر من رائع لكن موقعها منزوي ولايوجد حولك اي خدمات
وهما بشمال غرب الجزيرة ووسط الغابات يعني الحشرات والقوراض والزواحف يمكن تشاهدها.
الوستن وهو قد يكون الرابع او الخامس .وموقعه عند محطة الفيري وحوله الكثير من الخدمات والمنطقة حقته حيويه.
في نفس مرتبة الوستن والاندمان تقريبا عندك فرينجباني وبلانجي بيش وكاسا ديل وموقعها ياجهة الفيري ياانها على الشاطي الحيوي سينانغ.
بعد كذا بيجيك في المرتبه السادسة فندق لاقون وموقعه حلو وبصراحة اشوفه مناسب وسعره وسط ولكن اثاثه قديم والان الاعضاء يقولون فيه قسم جديد وفلل جديده فشوفها.
وكذلك في نفس المرتبه بيرجايا وهو قريب من التلفريك ومشكلته بعد الفلل عن الرسبشن وصعبة التنقل بداخله الا بسيارة القولف وكذلك وجود القرود والحشرات.
وفي نفس المرتبه يجيك فوربوينت شيرتون حلو ولكن موقعه جنب المطار ولاخدمات ولحاله في الموقع.ورخيص.
المرتبه اللي بعدها فندق بيست بسار وفندق اوانا ومواقعها جيده لكنها اقل خدمة وافطار ونظافة..
شاهد هذا الرابط وانزل لخرايط لنكاوي ومتع ناظريك
هدية العام الجديد : خرائط سياحية مفصلة لأهم المدن الماليزية .... خذ نسختك ! https://artravelers.com/p/re/778977
كازامي

ماقصرت كازامي
لقيت في سلانقور فندق الصن واي
غرفه و جناح جونير و غرفة نادي
وش الافضل
وهل مطل على المنتزه يعني مطل على الالعاب
وأبي أختار الادوار الي فوق فيه أمكانيه

اللي اعرفه ان غرفة النادي هي الافخم ثم الجونيور وبامكانك التاكد من السعر.الاطلاله كما اتذكر انها على المنتزة والالعاب هي وحده.ولافي اختلاف.
الادوار العلوية تسوي لهم طلب فقط.. اذا بتحجز من بوكنق بتلاقي مربع نص اسفل شي اكتب فبه انك جاي لشهر عسل وانك تبي ادوار علوية
ثم اتصل على بوكنق وكلمهم قول تواصلوا مع الفندق ووصلوا له رغبتي ف الادوار العلوية.
سويت كذا في سفرتي الاخيرة ونجحت باغلب الفنادق وجيت فوق والحمدلله.
او اذا عن طريق مراسلة الفندق مباشرة اذا بتحجز منه مباشرة,
كازامي