بسم الله الرحمن الرحيم
أختي الفاضلة نرجو منك زيارة الموضوع المثبت في البوابة وبإذن الله تجدين فيه ما يفيدك من ناحية الاماكن في ميلانو وحولها وغيرها من المدن الايطالية ..

بالنسبة للفنادق ..
نرجو زيارة موضوع السكن حول فلورانس وميلانو وروما - مثبت في الاستفسارات -
وهذه فنادق مجربة من أعضاء مختلفين
فنادق مجربة من أعضاء المنتدى :
هذه بعض الفنادق التي جربها أعضاء المنتدى ونصحوا بها ، لكن كل شخص له رأي مختلف وما يعجب شخص قد لا يعجب غيره ، ويجب قبل حجز أي فندق مقارنته بغيره وقراءة آراء أشخاص آخرين من بوكينغ وغيره من مواقع الحجز .
لوقانو
فندق
SPLINDED ROYAL HOTEL
خرافي وتعامل يسحر
ميلانو
https://artravelers.com/p/re/899022
starhotels rosa grand وهو قريب جداً من الدومو وموقعه ممتاز جداً.. الهدف الرئيسي من ميلانو كان التسوق..
روما
السكن في فندق ludovisi Place من فئة أربع نجوم لمدة ليلتين. حجز سيارة فان من الفندق قبل الوصول الى مطار روما وتكلفته 80 يورو لخمس أشخاص.
سعر الغرفة المزدوجة 161 يورو لليلة
غرفة لثلاث أشخاص 240 يورو لليلة
لكن مستوى الفندق أقل من ناحية الغرف والأثاث الخدمة ممتازة، وموقع الفندق جيد مشي خمس دقائق الى الساحة الأسبانية piazza spanga.
قاردا
الفندق روعه
السعر 420 يورو لمدة 4 ليالي يشمل وجبة افطار
Enjoy Garda Hotel
سكنا في فندق Flaminia Hotel، تم حجز غرفتين واحدة مزدوجة والثانية triple لثلاث أشخاص لمدة خمس ليالي.
سعر الغرف كالتالي مع الافطار في الليلة:

• الغرفة المزدوجة 186 يورو
• الغرفة الثلاثية 240 يورو

الفندق أربع نجوم، نظيف وموقعه استراتيجي وخدمته أكثر من ممتازه.. فطور الفندق جيد ومطل على البحيرة.. الغرف واسعة..
جاردا ,, والسكن في فندق كريستال يومين
Booking.com: Hotel Cristal, سيرمِيوني, إيطاليا - 287 آراء النزلاء. احجز فندقك الآن!
فندق جيد ومكانه ممتاز ومطل على البحيرة وسعره 1300 وحجزت عندهم جناح سوبريير مع بلكونة
ويبعد عن حديقة العاب جاردا 10 كم وعن سيرموني 4 كم
البندقية والسكن بالقرب منها في فندق بارك هوتيل جونيور
Booking.com: Park Hotel Junior, كوارتو دالتينو, إيطاليا - 143 آراء النزلاء. احجز فندقك الآن!
,, وفضلت السكن خارج البندقية لاني كنت انوي زيارتها ليوم واحد فقط واليوم الثاني اخصصه للاوت لت القريب منها . ويبعد الفندق عن البندقية 27 كم وعن الاوت لت 18 كم ,,
وتقييمي للفندق جيد جدا ,,فندق هادي ومريح ,, وسعره ل 3 ايام 1800 درهم
فلورانس ,, السكن في فندق هوتيل هوم 4 ايام
Booking.com: Hotel Home, فلورنس, إيطاليا - 262 آراء النزلاء. احجز فندقك الآن!
يبعد عن وسط المدينة 12 دقيقة مشي على الاقدام ,, والفندق جيد جدا وسعره 5000 درهم
عجبني فيه اطلالة البلكونه وماعندهم باركنج ولكن تتوفر عندهم خدمة توقيف السيارة في باركنج
قريب ب 22 يورو في اليوم

السلام عليكم .. حابه اساعدك بأي شي اعرفه .. انا اشوف جدولك كويس .. وتقدرين تزورين فينيسيا من ميلان بالقطار المسافه ساعتين ونص ذهاب .. وعوده مثلها .. ميلان مافيها اماكن كثيره هي مدينه تسوق بالدرجه الاولى عندك الدومو وفيه كمان قلعه سمعت عنها .. تقدرين تخصصين يوم للسياحه داخل ميلان ..وعندك بحيره جاردا وفيه ملاهي جاردا لاند .. تروحين لها بالقطار او بحيره كومو .. تروحين كمان لها بالقطار المسافه اذا مانسيت نص ساعه بالقطار لبحيره كومو .. ومن لوغانو استأجرو سياره وسلموها في جنيف .. في لوغانو فيه مصنع للشوكولاته بالقرب من لوغانو في مدينه اسمها كاسلانو اسمهAlprose وفيه القريه المصغره وفيه عربات معلقه تصعد لقمم جبليه باطلالات جميله جدا وفيه شارع اسمه via nassa شارع الماركات والتسوق والمطاعم وفيه ساحه اسمها ديلا ريفورماdella Riforma ..ويوجد حدائق جدا جميله .. وغيرها من الاماكن الكثيره الموجوده في لوغانو .. وانتقلوا من جنيف لباريس بالقطار او طيران زي ماتحبون .. الاماكن السياحيه في بعض المناطق ماعندي خلفيه صراحه بس حبيت اساعدك باي شي اعرفه وعندي خلفيه عنه من القراءه في هاذا المنتدى .. انا بعد كم يوم رايحه لأوروبا بأذن الله وراح ازور ميلان وفينيسيا ولوغانو وغيرها ... بس ذكرت هاذي لانها في برنامجك وعندي شويت معلومات عنها .. اسفه على الاطاله .. دعواتك

ام عيوني شكرًا جزيلا لك
ام ريمان صالح شكرًا لك حمستيني اكثر به المعلومات وانا سفرتي كمان بعد اسبوع ولااول مره أزور اوروبا ومرره متلخبطه بالترتيبات
سؤال للجميع
سمعت ان روما افضل من ميلان خاصه اننا ما نبحث عن التسوق
ولو غيرنا الى روما هل يتغير خط سير الرحله

اذا ودكم تروحوا روما فالافضل جعلها بداية الرحلة لأنها تبعد حوالي 6 ساعات من ميلانو جنوبا ..
روما أفضل لوجود أماكن تاريخية كثيرة فيها
لكن ميلانو ميزتها المدن الجميلة والبحيرات التي حولها
وللتسوق حتى روما فيها عموما اوت لتات منافسة ...

اختي .. زي ماذكرت الاخت ام عيوني ميلان موقعها مميز جدا لانها قريبه من مناطق جميله وبحيرات رائعه .. خلي ميلان نقطه انطلاق لما حاولها .. روما جميله بس بعيده عن فينيسيا ولوغانو خصوصا انك بتكملين من لوغانو لانترلاكن وبتطول المسافات عليكم .. دعواتك .. وعسى ربي يكتب لكم الخير وسفره سعيده لكم مقدما ..

وش افضل منطقه للسكن في ميلان لاني بصراحه احترت
(1)الدوامو.....السنتر
(2)شارع بونيس ايروس
(3)بجانب محطة القطارات
(4)شارع منتوبليوني....
واذا ممكن ترشيح فنادق عن تجربه للاطلاع عليها