ياليت أحد يرد علي الله يعافيكم .. موعد السفر قرب ولازم اخلص حجوزات

السلام عليكم ورحمة الله وبركاته ::
حياك الله اخوي ..والله يسهل لكم سفرتكم ..والمعذرة للتأخر بالرد .
بالنسبة للمخطط لمدة 17 يوم ..وراح تجمع فيها المانيا وايطاليا على النحو التالي :
الوصول الى جنيف والمغادرة من ميلان .
جنيف والريف الفرنسي أربعة ايام
انترلكن خمسة ايام
كونستانس اربعة ايام
لوقانو او ميلان اربعة ايام
(وممكن الروحة والرجعة من ميلان او من جنيف ..على حسب توفر التذاكر واسعارها )
جنيف الوصول والسكن في لوزان يومين
انترلكن خمسة ايام
كونستانس اربعة ايام
لوقانو او ميلان اربعة ايام
جنيف والريف الفرنسي يومين
انصحك بالاطلاع على دليل سويسرا السياحي المثبت في البوابة ..راح يفيدك كثير :
https://artravelers.com/p/re/51030
وفي انتظار رأيك

مشكور اخوي ع الرد
انت وش رايك اي افضل المخطط الاول والا الثاني
لاننا باقي ما حجزنا وعلى اساس ترتيب السفره راح نحجز ان شاء الله طيران وفنادق ..
دخلت دليل سويسرا للاخ ابو عبدالعزيز ماشاء الله عليه وداخ راسي مليان معلومات ويبي له احد فاهم مو احد مايدري وش السالفه
وابي اعرف الله يعافيك وش سالفة يوريل باس وسويس باس ؟
والفرق بينها وبين كرت جنيف وهل يغنينا عن استئجار سياره ؟

رد علي الله يعافيك

هلا اخوي ، المعذرة ما انتبهت لردك.
انا قلت لك ، على حسب توفر التذاكر ، ممكن المناسب لكم من جنيف روحة ورجعة وممكن من ميلان.
والدليل سهل وبسيط ، بس يبيله شوية تركيز.
السويس باس كرت تاخذه لاستعمال القطارات والمواصلات العامة.
واذا اخذت سيارة ما تحتاج تاخذ الكرت.
وفيه موضوع السويس باس للعمدة بو عزيز يفيدك كثير
وبالتوفيق

الف شكر ما قصرت
بس شكلي بتعبك معي بالاسئله ... تحملني

بسألك ياميدو
قدامي شهرين ان شاء الله يمدي ارتب سفرتي والا بتصير حوسه ؟

في ثلاثة اسابيع وانت مشطب كل شي.
خطط على رواقة ، وشوف المدن اللي ودك تزورها ،
احجز التذاكر
احجز الفنادق
احجز السيارة اذا ودك ( ولازم تكون عندك بطاقة فيزا ورخصة دولية )
زبط امور التأشيرة ، وطلباتهم كثيرة بس سهلة جدا. وقبل هذا كله تحجز موعد عند السفارة لتقديم الطلب ،
جهز الشنطة استعدادا للسفر.
التأشيرة لو طلعت ، اعتبر نفسك سافرت خلاص.
واذا ودك بالقطارات ، كنسل موضوع حجز السيارة.
وخذ راحتك اخوي بالاسئلة ، وكلنا ما راح نقصر باذن الله معك.
وبالتوفيق

الله يعطيك العافيه
كلامك طمني بعد ماكنت بأفقد الامل في هالسفره
يعني تشوف السياره صعبه هناك ؟
قد سافرت النمسا والمانيا واستعملنا القطارات والحين ودي نغير بس اذا انظمتهم صعبه بلاها السياره
مشكور اقين والحين باجتهد واروح لمكاتب ان شاء الله واقول لك وش بيصير معنا