اخي العزيز بالنسبة لمدة ساعتين وربع ما يمديك تطلع برا المطار
بامكانك تتجول داخل السوق الحرة فيها بعض المحلات الجيدة
رح تلاحظ انها مكررة نوعا ما بس لا باس بها وفي بعض المطاعم والمقاهي
فيها مسجد بامكنك تصلي في حسب الوقت
في واي فاي انترنت مجاني عند ستار بكس باخر المطار ولا يشترط ان تشتري كي تفتح النت فقط اسال احد العاملين عن كلمة المرور وتجلس وتتصفح
اما بخصوص المدة اللي حوالي خمس ساعات بامكانك تاخذ فيزا ب 20 دولار وتدخل اسطنبول وتركب المترو من المطار او تاخذ باص او تاكسي وتروح للمولات القريبة بس انتبه من اوقات الذروة عشان زحمة الشوارع

يسلمو اخي ابو المجد .. وايد فرحتني الصراحه والفيزا اسويها بالمطار نفسه ولا اسويها قبل لا اسافر ..
وفي سؤال ثاني تتوقع راح انغير الطيارة .. واشلون على الحقائب ( الجناط) اهم يهتمون فيهم ولا احنا ناخذهم واندخلهم مره ثانية بالشحن
سامحني اول مرة اسافر ترانزيت
والله يعطيك الف عافيه

ولا يهمك عزيزي انا في الخدمة
اولا عزيزي الفيزا تاخذها من المطار بعد ما تنزل من الطيارة وتروح مع الركاب لاتنزل مكان الترانزيت تجد بجانبه لوحة مكتوب عليها فيزا visa وقف واطلب فيزا ورح ياخذو منك 20 دولار ويعطونك فيزا لعدة سفرات مدتها 90 يوم (يمكن تختلف حسب الجنسية) ورح تشوف على الشاشات كل جنسية وعلمها وكم القيمة بثلاث عملات مع المدة وبعدها تطلع وتروح للشباك اللي جمبه وتوقف بطابور ثاني للجوازات ويختمولك على الطابع حق الفيزا
ثانيا اخوي اذا كل رحلاتك على الخطوط التركية ففي مطار مدرير رح يشيكولك حجزك وشناطك للكويت او للمحطة النهائية ويعطونك عدد 2 بوردنغ باس يعني كرتين لصعود الطائرة الاول مدريد اسطنبول والثاني اسطنبول الكويت ولا تشيل همها ابدا
ثالثا اكيد رح تتغير الطيارة اخوي
بس احب انبهك اذا انت حاجز درجة رجال اعمال فانها نفس السياحية بس الفرق المقعد اللي بالنص مسوينه طاولة والا حجم الكرسي واحد
وتوصل بالسلامة

ما يمديك تطلع من المطار (زين لو تلحق على طيارة اسبانيا)
بالتوفيق (رايح تحضر مبارة كرة قدم أو كشته) ؟

ابو امجد الشامي
تسلم خيو الله يعطيك الف عافيه ... ما قصرت ..
الله يسلمك .. غرض حاجه ما يرد الا كيبوردك

madubai5933
الله كريم .. والله ودي احضر مباراة بس مامتفق مع التواريخ .. فبتصير كشته