هلا فيج بالدوحة.....وانشاء اللة تنعمين بطيب الأقامة.....بالنسبة لاستفسارج عن أقرب مجمع للمطار أنصحج بمجمع المول...(طريق الدائري الرابع)....أما بالنسبة للفندق يوجد الماريوت // وفندق شرق بس من ناحية الأسعار بيكون الماريوت أرخص...وسعرة معقول كما تودين....وانشاء اللة الأخوان والأخوات مابيقصرون اذا كان لهم رأي ثاني....وتقبلي تحياتي

محتارة من زمان
مرحبا أختي الكريمة
بالنسبة للمولات مثل ماقالت لج اختنا الونه2007 الموقرة
لكن أنا أشوف أن الوقت يكفي أن شاء الله لزيارة مجمع واحد يلبي كل احتياجاتكم من متعه
وتسوق ومطاعم والخ وهو مجمع الستي سنتر0
خصوصا انه على الكورنيش يعني ماتاخذون بالعودة بحدود 10-15 دقيقة من المطار
وبالنسبة للفندق فهي كثيرة والمعروف بفنادقنا بأنها غالية للاسف الشديد00
لكن أرشح لكم فندق بالأضافة للماريوت
وهو حديث ونظيف وقريب من المطار بحدود 7-10 دقائق بالدوحه
وهو فندق رويال قطر بشارع الاصمخ
ولو تفضلتي لموضوع مشرفتنا المثبت بالبوابة لأستفدتي اكثر
على العمووم السعر مناسب ان شاءالله بالنسبة لفنادق قطر
يعني من 600-700 ريال الليلة (حسب نوعية الغرف)
وتفضلي هالرابط
http://www.royalqatarhotel.com/default.html
ملاحظة
متى ماعرفتوا تاريخ السكن بالدوحه احجزوا مباشرة افضل
وحياكم الله
فالج طيب

مشكورة اختي الونة كثير...
ويعطيك العافية اخوي الرايق....
مجمع الستي سنتر سامعة فيه...بس يقولون بعيد
وانا ماعندي فكرة عن الدوحة هل هي زحمة زي الرياض....يعني ممكن نتأخر على الرحلة فحابة شي قريب
واللي قالت عليه الونة اسمه مول؟؟

محتارة من زمان
صح زحمه لكن مو بهالتوقيت عاد
لكن اختي اللي يساعدكم ان وقت سفرتكم الساعه 3 الفجر
وانتم قبلها بساعتين تكونون بالمطار يعني عل الساعه 1 صباحا
وانتوا بتخلصون من الستي قولي الساعه 12 من الليل
صدقيني لو تروحين الاحساء وترجعين يمديج تلحقين على الطيارة
لاتحاتين توكلوا على الله
وبالنسبة للي قالت الاخت نعم صحيح أسمه مجمع (المول) التجاري
فالج طيب

يعطيك العافية الرايق...
ماعليش بغلبك
كيف مطار الدوحة ؟؟
حلو ووسيع صدر؟؟
زي مطار دبي؟

مطار الدوحه بالنسبه لمطار دبي وايد صغير
ومافيه شي
لكن حديث
ويطل عالمدرج
واعتقد ان القطريه تعطيكم فندق اذا فترة الترانزيت طويلة
وهو فندق الموفنمبيك
موفنمبيك الدوحه
وعن الأماكن القريبه للمطار
انا انصح بالستي سنتر
لفه سريعه وغدا حلو وانتوا راجعين المطار
في زحمه لكن زحمتنا لاتقارن بالرياض ابداً
وحياكم الله في دوحة الجميع
في بلاد ابومشعل

ماقصروا الجماعة
وفوا وكفوا ....
واي زيادة ابشر بها ...