عليكم السلام ,,
1- هل يختم على جوازي اذا كنت لن اخرج من المطار
لا ,,
2- ما هي الاجراءات الي اسويها عند وصولي سنغفورا
مجرد إنتظار للطائرة القادمة , يعني ياتضيع وقتك بالمطار من تسلية أو غيره..
أو تسكن في فندق المطار ..
3- هل يصرف لي غرفة فندق مجاني اذا كان ترانزليتي 10 ساعات
المفروض , وتقدر تطلب حجز الفندق قبل لا تسافر من وكيل الطيران أو من نفس الطيران ..
بالتوفيق..

يعطيك العافيه اخوي احمد وما قصرت
وبيض الله وجهك

الترانزيت حتى لو كنت 10 ساعات ما راح يصرفون لك سكن انا كان 11 ساعة وقضيتها في المسجد وهنا وهناك
بس اذا تبي نصيحتي ماضيع الفرصة واطلع للسفارة السنغافورية في الرياض وطلع لك فيزا سياحية لسنغافورة ولما توصل هناك في باصات تطلع كل ساعتين من المطار نفسه ... مجانية طبعا تاخذ بك كم فرة للأسواق او غيرها وتشوف البلد وتاخذ صور تذكارية وترجع لكن بدون هالفيزا ما راح يطلعونك لا السعودي ولا الخليجي بشكل عام
الاجراءات بالضبط ...
اول شغلة مثل ماذكرت في السابق اطلب الشنط دايركت الى اخر مدينة اريح لك
واول ما تنزل في مطار سنغافورة بتشوف ثلاث مباني طبعا مكتوب على الذكرة طيارة الأقلاع في اي مبنى
واذا تبي تنتقل من مبنى الى اخر هناك مثل القاطرة تنقلك اسئل عنها وبتشوفها ماتضيع
واول ما تدخل المبنى المحدد راح تشوف شاشات في كل مكان وبما ان فترة انتظارك طويلة لازم تنتظر رقم بوابة رحلتك يطلع على الشاشة في اخر كم ساعة يعني مش على طول راح تشوفه عشان تلتزم بالموعد
وبعد ما يتحدد رقم بوابتك اطلع عند البوابة اللي تحددت لك على الشاشة وانتظر دخولك للطيارة
رحلة موفقة اخوي ... بالسلامة

فرة في سنغافورة ما تفوت ، عندهم باصات سياحية بأربع ساعات وأنت فار(ن) الدولة مهب الديرة ، لانها small country ، وتقدر بزيادة ساعة تزور جزيرة سنتوسا ،
هذا وانت مروق ، بعدين ارجع للمطار وتغد ولا تعش حسب الوقت ، ونم بالطيارة الى اقلعت ،،
استخراج الفيزا اسهل من الموية ،
الجواز + خطاب من العمل اي صيغة باي شكل من دون تصديق - شكلي - + وارفق صورة التذكرة الى اوكلاند وصورة شمسية + 72 ريال ، 5 أيام وأنت مستلمها .
والميزة انها سنة ومتعددة الزيارات ،،
رحلة موفقة