سلام
أنا الصراحة أول مرة أروح ألمانيا
بس في ناس راح يستقبلونا هناك
يمكن نشوفج بالصدفة هناك
إذا اشتقتي حق العيوش مري علينا, الوالدة راح تكون معانا

1. maha-ah


2. بعدبن راح اسكن فندق لاتيني شلون اوصله ؟ تاكسي والا قريب من المحطه ؟


3. وشلون مستوى الفندق حلو ولا يعني ؟

maha-ah

انا اخترت طيران الاتحاد اوصل الى ميونخ في الساعة 6.45 صباحا راح آخذ قطار الى زلمسي ودي اسال شلون احجز القطار مباشرة من المطار ؟ وكم يكلف ؟ وشنو احسن سيارة والا القطار علما ان معاي طفلين 3 سنوات وسنتين
بالنسبه لما يخص زيلامسي فبوابه النمسا أدرى مع احترامي للاخوان هنا
عموما
يا طويلة العمر تروحين من المطار وتاخذين تاكسي (200ريال ممكن يكلفك) وتقولين له محطة القطار (ترين ستيشن)
وتاخذين تذكرة من ميونخ الى زيلامسي راح تغيرون القطار في سالزبورغ ( المسافه ساعتين وثلث تقريبا)
حسب العام الماضي كانت الرحلة من ميونخ الى سالزبورغ ( كبينه كامله لعدد 5 اشخاص ) تكلف 17 يورو
ومن سالزبورغ الى زيلامسي 17 يورو للشخص الواحد
طبعا القطار احسن بمليون مرة بسبب الغلاء الفاحش لكل شي اسمه تاكسي
انا اخترت طيران الاتحاد
هل حجزتي او لا .؟
اذا ما حجزتي انصحك يكون الذهاب لميونخ والعودة من فيينا , اما الاتحاد ما ترجع من فيينا
اذا انتي من السعودية الحين (السعودية الله يعيينا عليها )تروح فيينا وميونخ

بعدبن راح اسكن فندق لاتيني شلون اوصله ؟ تاكسي والا قريب من المحطه ؟

وشلون مستوى الفندق حلو ولا يعني ؟

اذا يمديك تغيرين حاولي تغيريه بسبب انه يبعد ربع ساعه مشي عن البحيره , الفندق جيد جدا ولكن عيبه البعد عن البحيره الا اذا كان معكم سيارة , وتروحون له غالبا بالتاكسي ويكلف 8 يورو مع انه 2 كيلو يبعد عنكم بس وش تقولي بالتكاسي عاد
بعدين ابي اعرف وين اهم واحلى الاماكن في زلامسي ؟ ووين اروح في العطله الرسميه يوم الاحد شنو مبطل هناك؟؟ وشرايكم ااجر سياره والا الباصات افضل؟؟ و السيارة ااجرها من اهناك والا من بلدي افضل
اكون شاكره لو استعجلتو بالرد لان سفرتي قريبه وتوني اتعرف على هذا الموقع الجبار
احلى الاماكن
البحيره , الكابرون (الثلج) , شلالات كريمل , الزحليقه الصيفيه , ركوب الطائرة الشراعيه اذا تحبين المغامرة ,قرية فوش , جبل قروس فلوكنر
يوم الاحد ما عندك مشكلة اصلا هي قرية , الباصات افضل شي وتعتمد على ميزانيتكم ولو تروحين بوابه النمسا شوفي موضوع رجل شرقي وهو مثبت فيه ارقام الباصات اللي تطلع لأي مكان ذكرته لك
والسيارة ممكن تاخذينها من ميونخ وترجعينها من مكان ثاني
تحياتي

شكرا جزيلا على الرد الوافي
بس بالنسبه للقطار في ناس قالو لي ان محطة القطار في المطار بالسرداب؟؟ هل هل المعلومه صحيحه والا لا؟؟ وبعدين السيارة ما اقدر اخذها من ميونخ لاني ابي اركب قطار فشنو افضل لي اخذها من زلمسي والا ااجرها من ديرتي واستلمها في زلامسي ؟؟
الله يخليكم ردو علي انا معاي ما ابي اتوه في محطات القطار ياليت اللي مجرب ينقل لي تجربته

مشكور جدا على الرد الوافي
بالنسبه للقطار انا في ناس قالو لي ان محطة القطار في مطار ميونخ بالسرداب ؟؟؟ هل هذا صحيح ؟؟ ياليت اعرف اذا في احد مجرب التنقل بالقطار شلون بالضبط اروح حق زلامسي وكم قطار اركب ؟؟بعدين بالنسبة للسياره انا ما اقدر اخذها من المانيا لاني راح اروح بقطار الى زلامسي فااجر السياره من زلامسي والا من ديرتي واستلمها في زلامسي اوفر؟؟
الرجاء الرد معي اطفال ما ابي اتوه
شكرا

maha-ah
لا سرداب ولا شي لا تخافين
انا جربت القطار وزي ما قلت لك من ميونخ الى زيلامسي ساعتين ونص تقريبا , وتغيرين القطار في سالزبورغ
بالنسبه للسياره ممكن تحجزينها من النت وتستلمينها من المطار او نفس المدينة اللي تبينها فيها , وممكن تاخذينها من المانيا بس تاكدي انه يكون فيها نفقيشن حتى ما تضيعين ولا تحالجين تسالين احد

اهلين تنقلاتك خليها بالقطار افضل وارخص
وفندق لاتيني بعيد شوي عن وسط البلد لو تشوفين فنادق وسط البلد
تقدرين تستفيدين من موضوعي في الرابط تحت
واي معلومات ثانية انا حاضرة

مشكورين على تعاونكم في الرد وحبيت استفسر انا حجزت 10 ايام في زلامسي تعتقدون انها وايد ؟ خصوصا اني دايما اقرا المسافرين يقعدون فيها 3 - 4 ايام بالكثير؟

ام فرح قريت موضوعك حلو ووايد مفيد بس حبيت اسال الثلج( كابرون ) يسمحون في دخول الاطفال 3 سنوات وسنتين ؟وانا سمعت ان التنقل بالتلفريك فهل هو آمن والا صعب على الاطفال؟ وياليت تفيديني بالرحلات الخطره اللي ما تنفع مع الاطفال عشان اتجنبها

maha-ah
يا ليت تقولين لنا مخطط سفرتك كامل ممكن نفيدك بكذا , وحسب ليش انتم رايحين , وعدد الاشخاص