1. وعندي كم سؤال اتمنى انك تجاوبني عليها:


2. او رشح لي مكان من تجربتك ؟ اهم شي مكان كويس امان وحلو ومرتب ^_^


3. 11- اخر سؤال كم تقريبا تكلفة الرحلة كاملة تتوقع مابين كم الى كم ؟

السلام عليكم ورحمة الله وبركاته
الاخوان والاخوات اللي زاروا جنوب افريقيا
طلبتكم تكفى لا تردوني لأني تعبت وأنا أدور على إجابات لأسئلتي
وصحيح انه بدري على السفر بس أتجهز من الحين أحسن من انه يضيق عليا الوقت واحتاس
انا زواجي ان شاء الله في اول شعبان 1431 هجري يعني تقريبا منتصف يوليو 2010م
اول شي زوجي اقترح جنوب افريقيا لشهر العسل وانا وافقت لاني سبق وزرت جوهانسبيرغ صحيح كانت زيارتي بسيطة ووقت بسيط لكن كنت جدا مبسوطة
طبعا ممكن انتو تفكروا ليش انا اللي حاخطط للسفر اول شي خطيبي قال لي شوفي انت وين بنروح وايش حنزور
وثاني شي حتى لو هو ماقال لي انا كنت حاخطط للموضوع لانه لو تركت الموضوع له حتكون الرحله على البركه بدون تخطيط ولا شي يعني زي ماتجي تجي وانا ما ابى زي كدا ابدا عشان لاتضيع علينا ايام

وعندي كم سؤال اتمنى انك تجاوبني عليها:

1- السفر يكون عن طريق طيران الامارات فما هو اقتراحك تكون محطة الوصول يعني نبدا من فين كيب تاون واللا جوهانسبيرغ؟ وهل ينفع يكون الوصول لمحطة والسفر من محطة ثانية مثلا دبي – جوهانسبيرغ – سن سيتي – جاردن روت – كيب تاون – دبي . واللا لازم نرجع لجوهانسبيرغ مره ثانية؟
2- وقت السفر حيكون تقريبا بين شهر يوليو واغسطس ( 7 و 8 ) 2010م برايك دا الوقت كويس واللا ماراح ننسبط؟ لاني شفت درجة الحرارة شوي باردة؟
3- بالنسبة لجوهانسبيرغ برايك ايش ازور حديقة الحيوان او منتزة الاسود؟ بالاضافة الى المتحف الافريقي وهل يكفيهم واحد يوم ؟ لاني ناوية لجوهانسبيرغ يومين بس يوم للزيارة واليوم الثاني يكون لمركز ساندتون وساحة مانديلا والسفر يكون صباح اليوم الثالث الى سن سيتي.
4- في سن سيتي ان شاء الله السكن بيكون في قصر المدينة المفقودة والسؤال متعلق لاماكن الزيارة : القرية التراثية – وادي الامواج – جسر الزمن – ابواب كونج – الحلبة الملكية – عالم الماء(بحيرة سن سيتي ) – مركز المغامرات الخارجية – الانترمنت. ايش الاماكن اللي تحتاج يوم باكمله وايش الاماكن المتقاربة اللي اقدر اجمعهم في زيارة واحده ؟
5- هل من الآمن الخروج في الليل ؟ واين تقترح ان نذهب ؟ ^_^ ادري في اسئلة مالها داعي اتحملني
6- في كيب تاون السكن اكيد بيكون في منطقة V&A Waterfront وشفت فندق عجبني وهو one and only برايك اختيار موفق او لا؟
http://one-and-only-cape-town.hotel-rv.com/
او انك تشوف دي الاثنين ايش رايك فيهم ؟
http://www.capetown-direct.com/va-waterfront/the-portswood-hotel

او رشح لي مكان من تجربتك ؟ اهم شي مكان كويس امان وحلو ومرتب ^_^

7- ونفس السؤال لكيب تاون ايش الاماكن القريبة من بعضها وممكن ازورها في يوم واحد وايش الاماكن اللي تحتاج يوم بأكلمه
جبل الطاولة – راس الرجاء الصالح – عالم الطيور – شاطئ البطاريق – خليج كالك – رحلة الحيتان – مزرعة النعام – خليج هاوت – جزيرة اسود البحر- حديقة المحيطين – ملاهي راتنجا- مجمع كانال ووك – مجمع فكتوريا اند الفريد – قرين ماركت سكوير – سوق الاحد – cape town paint ball – kenilowrth karting – camp bay . ؟
8- بالنسبة للجاردن روت السكن محتاره بين The Dune Guest Lodge و Sea Paradise
http://www.gardenroute-direct.com/wilderness/sea-paradise
9- وبالنسبة لاماكن الزيارة نفس السؤال ايش الاماكن المتقاربة اللي ممكن ازورها في نفس اليوم وايش الاماكن اللي تحتاج يوم باكلمه؟ جنة عدن - راس نايزنا – كانقو كيف – Featherbed Nature Reserve
10- اخر سؤال في نشاطات موجوده في سن سيتي وكيب تاون ومستحيل ازورها في المدينتين الطلب انك تقول لي ايش الاحسن والاكبر والاحلى والاحق بالزيارة في كل مدينة بالنسبة لي:

• عالم الفراشات في المدينتين
• الهلكوبتر في المدينتين
• حدائق البوتنشال في سن سيتي او حديقة الزهور في كيب تاون؟

11- اخر سؤال كم تقريبا تكلفة الرحلة كاملة تتوقع مابين كم الى كم ؟

12- ايوا صح طلع في سؤال كمان السفاري فين احسن سفاري يعني بجد سفاري ونشوف حيوانات مو زي المقلب اللي صار فينا قبل كدا في سفاري سيرلانكا كان جدا سيء مافي الا كم حيوان وبعيد نشوفه كانه حجره مو واضح حتى ايش هو الحيوان دا؟ يعني ابى مكان من جد ممتع نشوف حيوانات بجد سفاري في القمة مو كلام فاضي وكمان يكون امان مو نلقى اسد هاجم علينا واللا شي
ادري طولت ومصختها لكن ايش اعمل مو بيدي كل دا الكلام مو موجود في التقارير
وانا شهر العسل دا بأحلم فيه من زمان وما ابى يكون مخربط ابى كل شي تمام التمام
وجزاكم الله خير مقدما ومشكورين ماقصرتوا