انتم شكلكم بتروحون عشان تقولون رحنا لأوربا
عندكم 16 يوم لو تخلونها في دولة واحدة أو دولتين بالكثير
أقترح أولا إلغاء انترلاكن وميلان وتغيير تذكرة العودة من ميلان والاكتفاء بأسبانيا 12 يوم أو 11 والباقي باريس ومنها العودة

انتم شكلكم بتروحون عشان تقولون رحنا لأوربا
ايه ايه صح كانك فاهمني
ولا لا ابيهم كلهم وبروح لهم كلهم ان شاءالله ماحوشت كل هالفتره عشان بس اروح لثنتين اروح لابها اصرف اجل

برشلونة - باريس بالطائرة
باريس - زيوريخ بالطائرة ثم الانتقال لإنترلاكن بسيارة مستأجرة - وهو الأفضل - أو بالقطار
زيوريخ ميلان بالطائرة

طيب ماينفع نروح لبعض هالمدن بالقطار مثل من برشلونه الى باريس
او اي دولتين قريبه من بعض
والي معاي رافض ياخذ سياره مره مايبي يوهق عمره بشيء
ويعطيك العافيه يارب

ما أدري ليش التخوف من السيارة الأمر عادي وفيه متعة كبيرة
عموما أنا ما أنصح بالقطار أبدا لأنه يأخذ وقت طويل

بعد مشاورات رسينا عالاتي برشلونه 4 ايام وباريس 4 ايام وميلان 4 ايام
حذفنا انترلاكن لان الوقت جدا ضيق وبيضيع بالطيران
والتذاكر مع السكن والشنقن والطيران الداخلي مابين برشلونه وباريس وميلان كلها كلفتنا 19 الف
يعني لازم يكون معاي هناك كم ؟؟
والشيء الاهم هل المترو يكفي بالغرض من حيث التنقلات ؟
وهل عدد الايام الي حطيناها كافيه لكل مدينه ؟
وافضل مدينه من هذول للتسوق وسعرها حلو
شكرا يعطيك العافيه ياررب

كل المدن المذكورة جيدة للتسوق بس الأشهر باريس
التنقلات بالمترو والباصات سهلة جدا ومريحة في باريس وبرشلونة أما ميلان فما أدري ( لأني ما زرتها قبل )
المصاريف على حسب قدرتكم وطريقتكم لكن أعتقد 1000 ريال يوميا كفاية

اذا مخططة ونفسك بهذي الدول اجل لازم تروحينها مهما كان الثمن والله بيوفقك
بس لوفيها سفرطيران او قطار طويل فطبعا بيكون مش منطقي وتعب وهلاك عليك
انا نصيحتي لك تطلعين من برشلونه على باريس ومن باريس اطلعي على ميلانو ومن ميلانو اتقدرين تروحين بالقطار للاماكن القريبه منها وترجعين بنفس اليوم وبكذا تشوفين شي من سويسرا واماكن اكثر بايطاليا
يعني روحي فينيسيا لانها ساحره مثل الحلم ورحي يوم ثاني لكومو الايطالية تشبة جنيف مره وروحي للوقانو السويسرية واذا تبين شوبينق روحي لاوت لت
وبباريس روحي يزنيلازم
وباريس الشوبينق فيها غالي
الماركات بميلانو سعرها احلى
ولاتنسين التاكس فري
برشلونه للحين مارحت لها بس كثير يمدحون الشوبينق فيها ويقولون عندهم محلات اسبانيه مش عندنا واسعارهم افضل من باقي اوروبا والاهم ان عندهم بريمارك زي اللي بلندن يعني كواليتي يجنن وسعر يابلاش
وترا 4 ايام شوي على باريس مايمديك تشوفين ديزني وفرساي شالفايده تروحين البلد وترجعين منقهره ماشفتيه زين وماتمتعتي
والتنقل افضل شي ميترو وميلانو نفسها حدها يومين فقط الباقي خلية للطلهه منها للاماكن الثانيه بالقطار
الله يوفقك ويسهل امرك

شكرا لك الله يعطيك العافيه والله يرضى عليك ويعطيك لين يرضيك لانك فرجت هم كبير بالنسبه لي شكرا جزيلا