الكل يفضل يسير دبي --فيينا --- ميونخ --- دبي
لأن المشترى في ميونخ أرخص

من أي مكتب حجزت؟؟؟؟

سالزبروغ مدينة جميلة ،، و تقريبا ساعه بالسياره من زيلامسي ،،
اتمنى ان تضعها ضمن جدولك ،،
من رايي الشخصي ،، سالزبورغ اجمل من فيينا بكثير

و هذا رد قديم لي في احد مواضيع الاخوان يسأل عن هذه المدينة
انا شفت سالزبورج اروع من فيينا بكثير
قعدت فيها 3 ايام و ما كفتني
ممكن تروح في يوم لقمة ‌untersberg
في هناك تلفريك
و اطاله جميله لمدينة سالزبورج من فوق
و انت راجع ممكن تمر حديقة الحيوانات اذا معك اطفال
و اذا لا مالها داعي ،، لانها كبيره ووممكن تاخذ وقت معك
و بعد الحديقه ممكن تمر على قصر الهلبرون لان قريب من الحديقه
المكان جميل و مشوق ،، و راح يتمتعون الاطفال فيه كثير
و بعدها ممكن تروح النهر تتمشى ،، و في جلسات حلوه
و اذا ظل معك وقت يعني مثلا قبل السبع
ممكن تاخذلك جوله نهريه
لانه اخر وقت للمركب الساعه سبعه اظن
وعلى فكره انا اخذت بطاقه سالزبورغ و رحت هالاماكن الاربعه مجاني
يعني استفدت منها
فأنصحك بها اذا ودك تروح
طبعا على حسب الايام
لانه البطاقة فيها يوم او يومين او 3 ايام
،، البحيرات الثلاث انا عن نفسي قضيت فيها نصف يوم ،، و كان ممكن اكثر
بس الظروف ماساعدتني
ورحتها عن طريق تكسي