أكثر من يومين ولا رد !!!
اللي عنده علم أرجو أنه يتكرم بشوي من وقته ..

مخططك رائع يا غالي
لو تستلم السياره من بعد ما تخلص من باريس بس احسب تكلفه الضريبه للتسليم من بلد اخر

شكرا عزيزي فيصل على مرورك
يبدو أني بكنسل زيورخ من الخطة بسبب: لا يوجد رحلات للخطوط السعودية
ما يمدحها أغلب الأعضاء كوجهة سياحية
تكلفة إرجاع السيارة بتكون أعلى
مافيه وقت (بضيف أيامها لجنيف وتكون هي خط الرجعة)
وحيكون الخطة بعد التعديل كالتالي:
لندن - 5 ليالي
باريس - 3 ليالي
انترلاكن - 4 ليالي
جنيف - 3 ليالي
الطيران :
الذهاب: الرياض - لندن
العودة: جنيف- الرياض
التنقلات:
لندن - باريس (القطار)
باريس - انترلاكن (سيارة خاصة)
انترلاكن - جنيف (سيارة خاصة)
سعر السيارة اذا استلمتها من باريس ورجعتها في مطار جنيف (الجانب الفرنسي) بيكون في حدود 70 دولار يوميا واشوفها معقولة
أسئلتي:هل المخطط بعد التعديل مناسب؟ خصوصا الانطلاق من باريس إلى انترلاكن بالسيارة مباشرة؟ المسافة تقريبا (640 كلم)
هل فيه مكان يستحق الزيارة والتوقف في الطريق من باريس إلى انترلاكن؟
هل أحتاج السيارة كل فترة المكوث في جنيف؟
هل أقدر أرجع السيارة من الجانب الفرنسي في مطار جنيف في يوم الرجعة بدون ما يأخرني عن رحلتي؟
وشكرا

وينكم؟
انتظر إجاباتكم لأسألتي لو تكرمتم..

السلام عليكم ..ما شاء الله عليك اخوي ترتيب ممتاز..الله يوفقك وييسرلك سفرتك.المخطط مناسب جدا...وايجار السيارة من فرنسا ارخص من ايجارها في سويسرا.
القيادة في اوروبا لها متعتها الخاصة ...وباذن الله ما ارح تحس ب 600 كيلو ..
انا اقترح انك ترتاح في مدينة ديجون الفرنسية ..تبعد 300 كيلو عن باريس ..وفيها معلومات بسيطة في النت قريت عنها...وخلي فترة الغدا تكون فيها.
بالنسبة للسيارة في جنيف..ما تحتاجها...لأن الفندق يعطيك بطاقة تنقلات للمواصلات مجانا.
فاذا كان الفندق يوفر الشتل (باص ) من والى المطار.. سلمها من بدري وتوفر على نفسك يوم.. في الجانب الفرنسي طبعا.
اما عن التأخير ...لا تأخير ولا حاجة ..تعطيهم المفتاح وخلاص...وخذ في بالك انك مثلا لو اخذت السيارة الساعة 11 لازم ترجعها قبل الساعة 11 عشان لا يحسب عليك يوم اضافي بعد الساعة اللي استأجرت فيها.
الله يوفقك اخوي ..وبالسلامة ان شاء الله

الله يعطيك العافية أخوي ميدو
كفيت ووفيت
بالنسبة لجنيف أنا في بالي أخلي السيارة معي عشان اقدر اروح القرى المجاورة مثل انسي وغيرها
هل فيه مشكلة لو خليتها مثلا اول يومين معي؟ غير القرى يمكن اروح الاوتلت والبحيرة.

الله يعافيك اخوي..انا ردي السابق عن جنيف كان بناءا على انك راح تجلس فيها يوم واحد مثل ما خططت لها فوق...لكن اذا ودك تخلي السيارة معاك طوال فترة اقامتك في جنيف..يومين او اكثر ..لا بأس ..لكن اهم شي ان الفندق اللي بتنزل فيه يوفر مواقف للسيارة وبسعر معقول طبعا.
وسط جنيف مرة ما تحتاج السيارة ..لأنها زحمة ..وتخيل لو لقيت اصلاحات للطرق ..أزحم وازحم.
واقترح عليك انك تسكن في تواريه المدينة الفرنسية وتبعد 15 كيلو عن جنيف وفيها مجمعات حلوة مذكورة في تقرير ابو عزيز عن هذه المدينة..ومنها تزور الريف الفرنسي والاوتلت واللي ودك اياه.
الامر من سعة ..استخير الله وتوكل ولا تتردد.

بيض الله وجهك ماقصرت
بس بما انك ما قريت الخطة بعد التعديل ما قلت لي ايش رايك فيها؟ (حذف زيورخ من الخطة)

ما شاء الله عليك ...تمام كذا..والله ييسرلك امورك
يبقالك ألحين تشتغل على الانشطة ..وبالتوفيق