DANAH85
08-03-2022 - 06:27 pm
السلام عليكم و رحمة الله و بركاته
يسعدني ان اقتحم البوابه الاسبانيه
اخواني لدي استفسار اتمنى تساعدوني فيه
هالصيف راح تتوجه عائلتي المكونه من
والدتي
اخواتي البنات
اخي الصغير
الى اسبانيا بأذن الله بعد تردد و شيل و حط
و في العاده اكون انا معهم و انسق السفره و ارتبها
و لكن بسبب ظروف الدراسه بيكونون لحالهم
و كانو حاطين مصر في بالهم و لكن حسوفه يروحون مصر و يحطون فلوسهم
ما دام العالم كله مفتوح و بعذر ان يمكن ما يعرفون يتصرفون بدون احد معاهم
عائلتي يجيدون اللغه الانجليزيه
و يريدون شواطئ يعني يجب ان تتضمن السفره يا اما ماربيا او جزر الكناري و ممكن الاثنين
لان بعد ودنا نستفيد من التايم شير اللي عندنا في احد هالمدينتين
فا ارجو ان تساعدوني و تساعدوهم بتنسيق السفره بمده تتراوح من اسبوعين الى 3 اسابيع
تشتمل على مدن فيها سواحل
بالاضافه الى مدن كبيره يمكن فيها التسوق و زيارة معالم سياحيه و مدن ملاهي و غيرها
و تكون شامله قدر الممكن بحيث ان يكونون زارو اسبانيا بمعنى الكلمه
هل يطلعون الرياض مدريد
ام الرياض مالقا
و العوده؟هل مثلا يروحون الى مدريد
و يرجعون من مطار مالقا؟لان شينه يرجعون نفس المدينه علشان الرجعه
المهم نسقوها لي رجائن
و اهم نقطه
هي ان لا يكون التنقل كثير و بوسائل مواصلات مختلفه و غير مضمونه
لانهم عائله و عقدتهم تسحيب الشناط و الشيل و الحط مالهم خلقه
سؤال اضافي لي انا:
لو حبيت اطلع لهم من بيرطانيا اي مدينه هي الاسهل زيارتها و هم موجودين فيها بنفس الوقت؟
و شفت مواضيع الشاب و lord sa تحمست لموضوع ماربيا
يجلسون فيها عالاقل اسبوعين او الفتره كلها تكفي اهم شي سياحه ولا؟
و يطلعون لو حبو في نفس اليوم برشلونه او ملقا شوي و يرجعون و ممكن لو يكملون اسبوع في الكناري
المهم
يفضل يسكنون في شقق في ماربيا
مع ان الفندق اللي هو BENABOLA شكله جدا ممتاز لكن ما ادري كيف اسعاره بالنسبه للشقق
و من وين اقدر القى عروض كويسه؟
شاكر لكم
و ايه هل في تخفيض لموظفين الخطوط في هالفندق؟