اولا قبل لا ادخل بالتفاصيل ..
في اشياء ناقصه جدا ..
كم شخص معاكم اطفال ..؟؟ متى السفر ؟؟ معاكم سياره .؟؟ شنو المدينه التي ممكن نستغني عنها بحال تم تغيرر الجدول ؟؟ مثلا استبدال لوزان بانترلاكن
بالانتظار

الله يعطيك العافيه يابوعمر والله تمنيتك ترد وماشالله عليك دائما من اوائل الناس ..
انشالله بنكون شخصين وبدون اطفال .. ومعانا سايره .. السفر بيكون تاريخ 28 -6 الى 12-7
والصراحه قرأت تقرير عن لوزان وماعجبتني كثير بس اعتقد انها اقرب مدينه الى بادن بعد زيورخ .. وانا نفسي اروح سويسرا ..

هلا فيج .. والله يحفظكم
اذا نفسج بسويسرا .. فأجمل ما في سويسرا هي انترلاكن .. وهي اقرب من لوزان واجمل بمراحل
اختاري انترلاكن وشوفيه بتقارير سويسرا .. وما راح تندمين ابدا ..
واذا كنتي مصممه على لوزان بدليه بمونترو احلى بوجهة نظري .. وادخلي انترلاكن بالمخطط والغي دوسلدروف ..
ويكون المخطط من مطار فرانكفورت الى هالديبرغ مباشره ثم ستراسبورخ ثم مونترو ثم انترلاكن ثم بادن بادن ثم فرانكفورت للتسوق والعوده منها
بالانتظار .. ودمتم بخير

شورك وهداية الله .. جميل ..
بلغي لوزان وبخلي بدالها انتر لاكن ..
ويكون المخطط مثل ماقلت .. تسلم يابوعمر ..

اشلون المخطط
كالاتي
فرانكفورت يومين ثم ستراسبورغ ثم انترلاكن ثم بادن بادن ثم هالديبرغ ثم دوسلدروف والنهايه منها
او الي كتبته فوق بدون دوسلدروف ..
وعلى فكره ممكن تلغين هالديبرغ وتتطلعين من بادن بادن الى دوسلدروف بس المسافه بتكون اطول .. اذا ما تحبون تنقلات كثير.. ونأخذ يومين هالديبرغ ونضيفهم يوم بفرانكفورت ويوم بانترلاكن
بالانتظار

المخطط ان شاء الله يكون اول يومين اما هالديبيرغ او فيس بادن .. ايهما افضل برايك وكم يوم يستأهل ..
ثم ستراسبورغ يومين ثم انترلاكن .ثلاث ايام .. بس شو الفنادق الي ترشحها في انترلاكن ويكون سعرها بين 600 الىً700 يورو ..
الرجوع الى بادن بادن والجلوس 3 ايام وثم الذهاب الى فرانكفورت والعوده منها ..
راح الغي دوسلدورف ولوزان ..
بس كيف يتم توزيع 14 يوم على هذي المناطق .. اذا تشوف أني وزعت الايام غلط او عطيت مكان ايام اكثر ، صحح لي ..
وكل الشكر لك يابوعمر ..

اقصد السعر 600 الى 700 لمدة 3 ايام ..

اولا بوضح لج
بين بادن بادن وستراسبورخ ساعه فقط ...
عموما اذكر لج المخطط وبعدين اشرح
من مطار فرانكفورت الى هالديبرغ يومين
8/ 6 الى 29 و30 والخروج منها 1 / 7
ثم 1 / 7 الى 2 و3 والخروج منها 4 ستارسبورخ
ثم 4 /7 الى 5 6 7 والخروج منها 8 .. انترلاكن
8 / 7 الى 9 والخروج منها 10 ..
من 10 / 7 الى 11 ثم الخروج منها 12 / 7 للوطن
تفصيل هذا المخطط ..
اولا الراحه والاستمتاع بهالديبرغ الجميله ممكن زيارة ما حولها .. ( طابع مدينه )
ثم ستارسبورخ الفرنسيه نخصص يوم لها كامل من غير يوم الوصول . ثم اليوم الي بعده انروح روشت ملاهي يوربا بارك ... ( طابع مدينه نهريه .. مع زيارة الملاهي الجميله )
انترلاكن الاستمتاع بالريف السويسري والجبال الثلجيه والبحيرات .. ( الريف الحقيقي )
بادن بادن الوصول لها والاستمتاع بهدوئها وممكن ركوب التلفريك وزيارة معالمها .. اليوم الي بعده اما ترتاحون فيها او تزورت فرايبورغ او بحيرة تيتسي .. ( منطقه هادئه وراقيه )
ثم الخروج من بادن بادن باكر للوصول الى فرانكفورت وتسليم السياره .. والاستمتاع بتسوقها في هذا اليوم والذي بعده للتسوق ايضا ممكن زيارة اشهر المجمعات والماركات او حتى الحدائق ... ( مدينه وتسوق )
شوفي تقرير هالديبرغ وفرانكفورت بالموسوعه مع تقرير مختصر لستراسبورخ الفرنسيه مع السكن ( مهم ) وايضا تقرير بادن بادن للسكن الجزء الثالث
يبقى لدينا انترلاكن والسكن غالي بها وهذي مجموعة 4 نجوم
Hotel Metropole 4 نحوم بقلب انترلاكن
Hotel Interlaken قلب انترلاكن 4 نجوم
HOTEL KREBS قلب انترلاكن 4 نجوم
وهذوله 3 نجوم
3نجوم وموقعه على النهر وقريب من السنتر Hotel Bellevue
3نجوم على النهرGoldey Swiss Quality Hotel
وفي فنادق اخرى متنوعه لكن شوفي هذوله بالاول
طولت علييكم بالكتابه .. دمتم بود

سلمت يداك يابوعمر ..
اخجلتني الصراحه بالرد المفصل ..
احيي فيك روح المساعده للأخرين .. ^^
جزاك الله خير .