بخصوص الطيران الخطوط الجويه السعوديه ماتروح تايلند عندك الاماراتيه والقطريه والتايلنديه وطيران الخليج واخر اختيار والاسوأ الكويتيه
والسكن بتايلند اغلب شى الفنادق واكثر شيئ لاكن الشقق ما انصحك فيها
والمده 16 يوم تقدر تروح فيها 3 مدن بتايلند (بوكيت و شانغ ماى و بانكوك و بتايا اذى السفره شباب)
اما موضوع سياره مع سائق هذى وقت الى تبى تطلع رحلات تختلف الاسعار من مكان الى مكان وهذى تشوف مكاتب السياحيه الى بتايلند وتختار السعر الى يعجبك او تتفق مع اصحاب التكاسي وهذى ما انصحك فيها الافضل انك تتعامل مع شركات سياحيه افضلك
عموما انته شوف المواضيع الى بالبوابه واخذلك فكره عن تايلند والمدن الى ذكرتها لك
بس قرر انت وين المدن الى تبى تروحلها ومايصير خاطرك الا طيب

مشكور يالغالي (ياخي افهم)
والله انا ودي بجو حلو وطبيعه لواجلس فيها كل المده
وسمعت ان بوكيت الاجمل طبعا انا معي الاميره والحبوبه يارا

اخي الكريم
ممكن تقسم المدة بين بوكت وchiang mai وتخلي يومين حق تسوق في بانكوك
يعني ترتيب الرحلة كالاتي
كونك لديك عائلة نخلي اول ليلة في بانكوك وتتفق مع مكتب سياحي يرتب لك الفنادق المطلوبة للمناطق المطلوبة وحجز جميع تذاكر الطيران الداخلية
التوجة اليوم التالي الى chiang mai لمدة 5 ليالي
التوجة الى بوكت والمكوث فيها 4ليالي
التوجة الى كوساموي والمكوث فيها 3 ليالي
التوجة الى بانكوك والمكوث ليلتين والعودة الى ارض الوطن
اذا الاطفال الموجودين معك صغار في السن فالافضل هو الاتي
ليلة بانكوك
التوجة اليوم التالي الى chiang mai لمدة 5 ليالي
التوجة الى بوكت والمكوث فيها6ليالي
التوجة الى بانكوك والمكوث 3 ليالي للتسوق وايضا اخذ الاطفال الى دريم ورد و سفاري(حدسقة حيوانات مع عروض) والعودة الى ارض الوطن
تحياتي

مشكور ياريشة المسك
لوتكرمت ممكن تعطيني احد المكاتب السياحيه التي تعاملت معهم....التلفون او موقعهم على النت
واكرر شكري يالغالي
والله يوفق بالدنيا والاخره

ابو ياراوريما مثل ماقالك اخوى ريشه المسك بوكيت وشانغ ماى والجدول الى حطه لك
وبخصوص المكاتب السياحيه الى فى تايلند فهم كثر ولاتحاتى من هالموضوع
اما ارقامهم او مواقعهم بالنت انا ما اعرف والله وان شاء الله الى عنده يساعدك

بخصوص المكاتب السياحية بصراحة لم اتعامل معهم لكن المكاتب موجودة وبكثرة وافظل طريقة اخي العزيز انك ماتعتمد على مكتب واحد يعني اعمل برنامجك وروح اكثر من مكتب وقارن الاسعار وخذ المناسب لك بس على شرط انك تعرف مستوى الخدمة (على سبيل المثال لما تاخذ لك بكج بالسياحة في بوكت وقال لك ان بي بي ايلاند اعطيك ايااها ب 2500 بات ورحت مكتب اخر وقال لك 1500 بات شفت الفرق لكن لازم تسأل عن مستوى الرحلة يعني ممكن الي ب 2500 يعطيك speed boat وممكن بو 1500 يعطيك قارب عادي ..فهمت علي )
تحياتي لك

ياخي افهم وريشة المسك
لكم فائق احترامي وتقديري
والله يوفقكم بالدنيا والاخره