السلام عليكم
حدد موعد سفرك والمناطق وعدد المسافرين وان شاء الله اعضاء البوابة ما يقصرون معاك

الله يعطيك العافية على االرد
المغادره يوم 28-7-2009 العوده 12-8-2009
باتيا - بانج كوك . بوكت ، تشانج ماي
واستفسار بخصوص فيزة المطار لازم يكون معاي حجز على فندق ولا مو شرط
ومشكور مقدمنا على الرد

1. السلام عليكم

السلام عليكم

شوف اخوي روح الحجاز انا من رايي تاخذ الاسرة معاك :bounce8:او على الاقل المدام:mf_leia: ترى الرحلة حلوة بصحبتهم(مجرد رأي)
الفنادق: شوف موقع sawadee او booking ,واختار الفنادق اللي تناسب ميزانتيتك واذا كنت تحب تسكن جنب المنطقة العربية اختار فندق في شارع سكومفيت وا1ا كنت تحب فندق جنب الاسواق خذ لك فندق بمنطقة الباتونام مثل بايوسكاي وهكذا
في بوكيت اذا كنت تبغي شاطئ حيوي ونشيط وملئ بالناس عليك بفندق على شاطئ البتونج اما اذا كنت تقصد الهدوء خذ لك فندق على شاطئ الكمالا
بالنسبة للرحلة اسكن ليلة في بانكوك لما توصل واخذ لك لفة فيها وزور نانا عشان تتعرف على المنطقة وفي نانا المطاعم العربية الحلال اللي بجانب فندق غريس>>>(هذا الفندق لا تسكنه)راح تلاقي مكاتب حجز وشحن وكل اللي تبغيه.
5ايام في بوكيت بتكون حلوة وهناك راح تلاقي كل البرامج مثل بي بي ايلاند وجيمس بوند وسفاري وغيرها الكثير متوفرة عند الاكشاك المتناثرة على طول الشاطئ اجلس عند اكثر من واحد وشوف البرامج اللي على مزاجك والاسعار وتوكل على الله.
4 ايام في شنغماي(وصراحة انا ماعندي خبرة كبيرة في شنغماي لكن الاخوان ما راح يقصرون).
4 ايام في بانكوك عشان التسوق وخصوصا اذا كانت المدام معاك وترى التسوق في بانكوك له متعته الخاصة ويمكنك من بانكوك الذهاب الى بتايا رايح راد بالسيارة وكذلك زيارة سفاري او السوق العائم.
وانا ارشح لك تقرير الاخ خالد محمد راح تلقاه بصفحة التاقارير الخاصة بتايلند ومتاكد انه راح يفيدك
مع تحياتي وحاضر لك بمعلوماتي المتواضعة