السلام عليكم ورحمة الله وبركاته ,,,
بعد اللي شفته في رحلتي المتجهة من جدة الى الشارقة بتاريخ 31 يناير والعودة في 5 فبراير على طيران سما احب اقولكم لحد يفكر يسافر عليها .. واليكم التفاصيل :
اولا :رحلة المغادة
الاقلاع من جدة كان المفروض يكون الساعة 6 مساء بتوقيت السعودية وجات الساعة 6 وراحت ولا حس ولا خبر وبعد نص ساعة من موعد الاقلاع يجي مسج على الجوال انه اتأخرت الرحلة الى الساعة 11:30 مساء وبعدها بربع ساعة اعلنو بالميكروفون انه اتأخرت الرحلة وسيتم الاعلان عن الموعد الجديد الساعة 10:00 مساء ...
طبعا ممنوع الخروج من المطار
مافي ولا أحد من موظفين الشركة عشان نسأل او نستفسر
وزعو وجبات خفيفة قالك تعويض عن التأخير
ثانيا : رحلة العودة
الاقلاع من الشارقة الى جدة الساعة 10:15 صباحا وكانت الرحلة على الوقت بدون اي تاخير
لما وصلنا مطار جدة انتظرنا اكثر من ساعة الين جات الشنط على السير فين كانت او ليش التاخير .. ما اعرف
بس اللي اعرفه انها اول رحلة واخر رحلة باذن الله على طيران سما
واللي يبغا اي استفسار عن رحلتي لدبي انا حاضرة
ودمتم