- وهذا الشخص قال لي إن السيارة مع السائق ب 55 دولار ، والبنزين عليك
ذكرت في مشاركة سابقة هذا الكلام: حصلت مكاتب في شمال لبنان من خلال الصفحات الصفراء ..
وهي على هذا الرابط ..
http://www.pagesjaunes.com.lb/do_adv.php
وحتى الآن مستقر على مكتب:Lydia Rent a Car
في منطقة سير الضنية
Sir el Denniyeh
Tel:+961-6-240203
Mobile:+961-3-825216
وصاحب المكتب بدوره أعطاني رقم شخص اسمه: الحاج خالد ،،
وهذا الشخص قال لي إن السيارة مع السائق ب 55 دولار ، والبنزين عليك
الحاج خالد هذا اسم شركته على ما يقول ( كبوت ) .. واتفاقي معاه على ما ذكرت لكم ..
ويوم وصلت المطار ( وأنا جاي على طيران الجزيرة ) حصل لي ظرف وهو إن إحدى الشنطات ضاعت وقعدت أنطر الشنط تنزل والناس راحت وأنا أنطر وأدور .. وبالأخير دلوني على مكتب بالمطار أحط عنده المعلومات وإذا لقوها يدقون علي ..
طبعا هذا كله أخذ من وقتي ساعة كاملة .. واتفاقي مع الشركة إنه يكون بالمطار الساعة 12 .. وأنا ما طلعت إلا الساعة 1 .. وقعدت أدور صاحب السيارة ما لقيته :112:
مع إني لقيت كثير من السواق معاهم لوحات فيها أسامي .. وقاعدين ينطرون مع إن أغلب الناس راحت ..
المهم دقيت على صاحب الشركة وكلمته عطاني رقم السواق .. كلمت السواق قال أنا نطرتك وإنت ما جيت وأنا ألحين أبعد عنك ساعة تقريبا ( حبل الكذب قصير ) قلت معنى كلامك إنك طلعت من المطار قبل ساعة يعني طلعت الساعة 12 !!! وموعدنا أصلا الساعة 12 !!
وان شاء الله تفاعل الجميع في ذكر مايواجهه من مشاكل أثناء السفر وينقل تجربته لغيره من خلال هذا المنتدى يرفع مستوى الوعي أكثر وأكثر عند السائح الخليجي