ahg55
20-01-2022 - 11:21 pm
السلام عليكم
يقول المثل ... وش حدك على المر قال إللي امر منه
نويت اروح شهر عسل ل ماليزيا
قدر الله علي وحجزت على الخطوط الخليجية
لاني ماحصلت الا هي وباقي الخطوط فل
وكان خط السير
الرياض - مسقط - كوالالمبور
والرجعة
كوالالمبور - البحرين - الرياض
كان المفترض الجلوس في مسقط 3 ساعات لاكن الخطوط المحترمة خلتها 6 ساعات شف القهر :112:
قلنا ماعليه يمكن الخدمة تشفع لهم
لاكن اللي شفته ان الخدمة سيئة والطياره انواع القرقعة
جت الرجعة
الطياره تاخرت عن موعدها ساعة بدل 3 صار 4
اقلعت ( والله من زين الاقلاع ) متوجهه الى البحرين
جاء دور الخدمة ياسلام عليهم المضيفات مستغرب منهن نفوسهن شينه ليش مدري ( يمكن يظنون ان الرحله ابلاش )
ماكنا دافعين فلوس
وصلنا البحرين حول المغرب
كان المفترض الجلوس في البحرين 3 ساعات ثم التوجه الى الرياض لاكن الصدمه كان ان الرحلة تأجلت الى بكره الساعة 2 الظهر :x1:
ماقصروا سكنونا بس وين ؟؟؟؟؟؟؟؟؟
في احلى وافخم فندق في البحرين
وين توقعون !!!!
في فندق بيسان .... تخيلو
يعني انواع العالم المنتهيه تلقاها قدامك مايحتاج اقولكم عن نوعيات الناس اللي هناك
انا شفت الموضوع كذا طلعت من الفندق وسكنت على حسابي
بعد المغامرة الحافلة بالمفاجئات مع خطوط الخليجيه حلفت إني ماعاد اروح معها ابد
نصيحه : اي رحلة ترانزيت انحش عنها .. خص مع الخليجية
آسف على الاطالة
والله تعب ومشالله عليك قدرت
تستحمل كل هالتعب