حمدلله اللي ربي كتب لنا الحج هالسنه الله يتقبل منا ومن المسلمين
بس اللي صار لنا بحج هالسنه مع حملة الركن الخامس شي لا يوصف وغش بغش كذبوا علينا ويخشون بعيونا حنا ماقررنا نحج الا متاخر ولما رحنا
لاغلب الحملات مقفله المهم رحنا للركن الخامس قالوا فئة أ مقفله فل قالوا عندنا فئة د ب6000 الاف وماتفرق عن فئة أ الا بالموقع انها بعيده عن
الجمرات والمشكله محلوله بوجود قطار المشاعر والشئ الثاني الاكل مو بوفيه مفتوح نظام وجبات قلنا مو مشكله اهم شئ نحج ماهمنا الاكل اهم
شئ الترتيب والنظافه والراحه المهم يوم وصلنا للمخيم وننصدم تخيلوا مكان سئ جدا قايلين لنا الخيمه فيها 10 خيمتنا طلع فيها 26 ومو هنا مربط
الفرس تخيلوا من بكرا اكتشفنا انهم حاطينا مع حمله خيريه بعضهم مرضى سرطان الله يشفيهم وجايين معهم اطباءهم (مو تبع الحمله تبع الدوله
طبعا ) وانجنوا من الوضع خافوا على مرضى السرطان لا ينتكسون من الوضع المزري وقل النظافه وتكدس الناس والانفاس تخيلوا كل ال180 بخيمه
وحده كبيره وفيه ناس محججتهم جمعيات خيريه وطبعا هم دافعين 3600 بس و كلنا نتشارك نفس المكان ونفس الاكل ونفس الحمامات الطامه الكبرى انها
5حمامات بس وحقين الخيريه حول 180 حرمه غيرنا حنا 26 والنظافه معدومه الى ابعد حد الحمامات تطفح كل شوي والناس تترك وصاختها
بالحمام ماتنظف الصراحه هم ناس مساكين ماعندهم ادنى اساسيات النظافه اغلبهم جايين من قرى ماقد سمعت فيها من الجنوب والشمال من جد
تازمنا نفسيا صرنا ما ناكل ولا نشرب عشان ماندخل الحمام وانتم بكرامه كلمنا صاحب الحمله يوم عرفه وقال ابشروا بعزكم ولا شفنا شي حسبي الله
عليه وين ماراح الوضع ما يهيئ للعباده من جد تمرمطنا وكنهم متصدقين علينا ماكننا جينا بفلوسنا واكلهم
عاد يارب لك الحمد لا شكل ولا طعم خانس شكل هالطباخ يتعلم اكلنا اول يومين وبس رحنا تقضينا من بن دادود كروسان وبسكويت وكله كوم والمويه
كوم ثاني تخيلوا هالامه كلها على ثلاجه وحده صغيره بثلاث رفوف المويه مافيه امل تبرد والله انها حاره هذا اذا بقى وحصلت لك وحده من جد الوضع
مزري طبعنا قايلين لنا فيه اطباء وفيه برامج ثقافيه ولا شفنا شئ لا اطباء ولامشايخ ولا داعيات عشان يفتون حتى يوم العيد كان كئيب ولا سووا لنا ولا
نشاط او احتفال مر كانه يوم عادي لنا لا حد يقول لانكم فئة د ترى كان جنبنا حملات فئة د مرفهين الا ابعد درجه لو تشوفون مخيمهم من برى
يس شلون مزبطينه ومغيرين ديكوره ومن القهر رحنا سالنهم بكم قالوا 6900 يعني مو ذاك الفرق عنا حنا دخلنا وقلنا بنشوف مخيكم ماشاء الله بوفيه
مفتوح وسرر مو مثلنا اسفنج غير حمامتهم اللي تفتح النفس طبعا غير الاحتفال اللي بيوم العيد وحنا طالعين نرمي اشوفهم يدورون عليهم بالقاتوه
والبقلاوه والعصيرات الطازجه والبخوربس ماقول الا حسبي الله ونعم الوكيل انا ماراح اسكت بقدم شكوى لوزارة الحج وكل شئ مثبتته بالصور عشان
لاحد يقول اتبلى عليهم وانا ماحطيته الا عشان ابري ذمتي واحذر غيري
اكمل مع الصور
هذا مدخل حملتنا الموقره
يسمعون بالمخرج مخرج طوارئ مسدود
الملابس هذي الناس حقين الجمعيه الله يهديهم يغسلون وينشرون بكل مكان
هذا الحوش ومكان الترفيه الوحيد
الطاوله اللي يحطون عليها ترامس القهوه ونسيت اقولكم انه العامله لما تغسل الفناجيل تغسلهم بماء بس من دون صابون ولما سالتها ليش قالت مافيه صابون
دليل بسيط على الاهتمام بنظافة الحمامات كان نفسي اصورهم لك وهم طافحين بس صراحه ماتحملت اني اصور المنظر المقرف
فراشي طبعا نسيت اقولكم انه هالمرتبه الاسفنج هي الفرق الوحيد بين فئة (د) وبين حقين الجمعية الي ينامون على اسفنج عادي (فراش)بسالكم هالمرتبه تستاهل ندفع فرق 3000 ريال
وللمعلوميه و للامانه ان زوجتي صاحبة الموضوع وهي من قامت بتحرير وتوثيق المخالفات الصريحه لهذه الحمله