- السلام عليكم ورحمه الله وبركاته
السلام عليكم ورحمه الله وبركاته
انا بتكلم اليوم عن موضوع الذهاب من المطار الى وسط باريس بافضل تكلفه وراحه.
بعد تفكير طويل بالسؤال الاصعب صراحه بباريس كيف اذهب من المطار الى الشانزليه حيث يقع فندقي عاد تعرفون سعر التاكسي غالي والمترو يتعب اذا كان معك شناط فبالنهايه قررت اني اجرب باصات Air France cars وبالفعل طلعت من مطار باريس تيرمينال 1 وانا طالع منه الا واحصل عده بوابات خروج واحد للتاكسي وواحد للمترو وواحد للباص عاد انا اخترت الخروج من بوابه 32 اللي هي حقت الباص وتكون واضحه فوق كل بوابه ويكون مكتوب على كل بوابه هي مخرج لايش ومكتوب فوق بوابه 32 تيرمينال 1 مخرج للي يبون يستخدمو الباص وتوكلت على الله وطلعت من هناك عاد لما طلعت الا واحصل خريطه سهله وواضحه وتبين للكل كل شي ومبين بالخريطه انه الباص رقم 2 هو الباص المقصود اللي ياخذك الى قوس النصر بالتحديد سعر التذاكر للشخص 17 يورو وانا عمري اقل من 25 فمسوين لي خصم ب14ونص يورو
وفعلا ركبته وكان سهل والباص كبير مثل باصات النقل الجماعي للسعودين ههه يعني الشناط لها مكان مخصص تحت واللي مريحيني اكثر فيهم انه شخص موظف بالشركه هو اللي يحط الشناط لك وهو اللي ينزلها يعني انت بامان ومافي اي سرقه لشناطك باذن الله وبعدها ركبنا طبعا كان الباص جدا مريح وحلاته انه ما وقف الا بمحطتين بس اللي هي وحده قبل قوس النصر وما طول على طول حرك وزي ما قلت قبل شخص موظف بشركهAir France cars هو اللي ينزل الشناط عنك والمحطه الثانيه واللي هي بتكون الاخيره بعد ينزلك على قوس النصر بالظبط وفعلا تجربتها رائعه ومريحه انصح للي عددهم 3 واقل يجربوها واسف على الاطاله
ودمتم بود
بس ياريت تفيدنا بسعر التذكره للشخص الواحد
وهل آخر محطه هي الشانز؟
ولا ممكن يوصل لمنطقه اللاديفانس ^_^
ورحله موفقه يارب