فانوس رمضان
16-08-2022 - 10:25 pm
السلام عليكم
الشهر عليكم مبارك
سجلت عندكم علشان أرد لكم جزء من الجميل ,أنتفعت كثير من منتداكم
من أول رمضان وأنا أبحث عن بوفيه افطار وبالأخير رسيت على بوفيه فندق الحياة بلازا *****:11mmer3:
رحت له بالويك اند
أنطباعي عن البوفيه
سئ
سئ
سئ
ما أنصح فيه أبدا"
بعض الأماكن شئ يعوض شئ
ممكن الأكل يكون سئ لكن المعامله تمام
أو العكس
لكن هذا. يفقد الأثنين
أول ماخشينا من البوابه أستقبلنا شاب سعودي بنفسيه خايسه وتكشيره سدّت نفسي عن المكان
قلت ماعليه أهم شئ اللي جوا
دخلنا من عند الأستقبال والا الرسبشينست مصري عليه نفسيه زي وجهه
صعدنا للدور الثامن (مكان البوفيه )
الا قدامنا المشرف المصري نوعا ما أفضل من السابقين
طليت بالأطباق شئ موطبيعي
يقلاوه يابسه ماأدري من وين جايبينها شكلهم يوم يبنون الفندق حصلوها بجوا الأرض
كنافه ما أدري شعيريه (الشكل كنافه والملمس شعيريه مدوده ) وأنا بأقطع منها كنّي أقص لي حجاره
وفيه كم تورته من طقة تورتات بنده
محاشي مافيه
معجنات مافيه الا نوع واحد وهو فطيره كبر أظفري محشيه بلحم مفروم بارد يقلب الكبد اللهم يكرم النعمه
وسبرينق رول محشي بنقطة ملفوف
القهوه العربيه من الأصل مارجينا خير نبيها مقبوله لا أكثر
لو أحلف أنهم ماحطوا فيها حبة بن طعمها طعم خلطة قهوه من نوعية خلطة القصيم والايرانيه
بالأخير ما أنصحكم تروحون له حرام تدفعون 95 ريال على شئ مايوكل
كنافه ما أدري شعيريه (الشكل كنافه والملمس شعيريه مدوده ) وأنا بأقطع منها كنّي أقص لي حجاره
وفيه كم تورته من طقة تورتات بنده
ههه
اخوي اسف اني ضحكت ، بس شكلك عانيت كثير
بس اخوي ليتك رايح لفندق الانتر اللي بالحسا افضلك ونفس القيمه ، اظف لذلك مروش وجونيه مطاعم رهيبه بالحسا واكيد عندها بوفيهات جيده