رحله موفقه اخوي نصراوي وان شالله ترجع سالم وياليت تكتب الاشياء اللي صارت لك

رحله موفقه
بي انتظارك يا اخوي

انت والسلامة ان شاء الله يالغالي
وبانتظارك وهارد لك هه
هولمز

يالله وفقه في رحلته هذه
وفي انتظار طرح تجربتك وخبرتك
تحياتي لك

تروح وترجع بالسلامة
وبانتظار تقريرك المميز

نحن بانتظارك ورحله سعيده وترجع بالسلامه.الاخطاء في تلك الاماكن غير محسوبه كفايه روعة المكان والاجواء.

الحمد لله على السلامة وش صار عليك اخوي
صراحة انا متحمس لموضوعك لاني رايح ان شاء الله في شهر سته وبرنامجي تماما كبرنامجك وودي استفيد من خبرتك اخوي
فياليت تعطينا خبرتك وماهي السلبيات التي وقعت لك وبخصوص السيارة هل هي اصرف من القطار ؟ وكم اسعار الاجار هناك للسيارات لاني احسن انها اكثر متعة من القطار واكثر حريه وهل فيها نفيقاشن؟
في انتظار ردك على احر من الجمر

موفق يا خوي وانبسط ووسع صدرك حلات السفرة بمشاكلها ياليت توضح لنا الاخطاء والميزانية بارك الله فيك

اهلاً وسهلاً بكم إخواني زوار النمسا ،،أحدثكم الان من مدينة سالزبورج في يوم 27 مارس ومن فندق كراون بلازا تحديداً ، الصور سوف تكون حاضرة أمامكم في حال عودتي للرياض السبت القادم بإذن الله ،،والآن سأشرح لكم برنامجي وإيجابياته وسلبياته :1- وصلت فيينا يوم 22 مارس على الطيران الاماراتي وهو جيد ، ومن يسافر مع المدام من الافضل ان يختار المقاعد مسبقاً ، حيث يكون هناك على الدرجة السياحية مقعدين بجانب بعضهما ولكن أعدادهم محدودة ،،2- عند وصولي لفيينا وصلت الساعة 1 والنصف تقريباً وكنت قد حجزت عن طريق شركة يورب كار سيارة أودي جيب q6 لكن عندما وصلت خيروني بين مرسيدس او أودي بوقس ! واخترت المرسيدس ..مبدئياً تعاملهم روعة والسيارة جداً نظيفة لكن سوف يكون تأكيدي لروعتهم عند التسليم بإذن الله ،،3- سكنت في فندق هيلتون الدانوب فيينا وميزته انه بعيد عن صخب السنتر وقريب جداً من برج الدانوب وملاهي براتر والوصول له من المطار سهل بقيادتك للسيارة ،،4- انتقلت بعدها لفندق neue post zell am see وسكنت بالشقق وليس بالغرف ، على اي حال نصيحة الافضل السكن في كابرون فهي قريبة من زيلامسي وانظف واهدأ ،،5- زرت اثناء تواجدي الثلاثة ايام كلا من (بحيرة زيلامسي،قمة جروس،قمة كابرون غير التمشيات بالسيارة، وقرية هايدي السويسرية 3ساعات ونصف من زيلامسي وعالم كوارفسكي بطريق الذهاب)للأسف كانت الزحليقة كما توقعت لا تعمل الا بداية من شهر 6 مايو ،،للمعلومية قمة جروس روعة لكن سيارتك لازم تنقز في عبارة وهذا الشي لخمني ، كنت مطلع السيارة وراء الناس ولا دريت انها عبارة (قطار طويل) الا بعد ما صكت العالم على سيارتي ههه حسيت أني نص ساعة وأصير بنيجيريا خاصة أني يوم ركبت القطار لقيت شنط كبيرة
وانا قاص تذكرة على بالي مجرد عبور للبوابة ،،قرية هايدي مشوار لكن تستأهل وياليتني ساكن في الفندق الموجود فيها لو يوم واحد لان المطل روعة ..6-انتقلت الان لمدينة سالزبورج حيث لا انصح بالذهاب لها الا في شهر 5 ابريل وطالع لان قصر الهلبورن مقفل والقصر الجليدي مقفل ..الا على طاري القصر او الكهف الجليدي ترى صار لي معه مقلب ، ما ادري من وين أخذت احادثياته لأني بالأخير لقيت نفسي في بيت واحد داخل الريف جالس مع زوجته يوم نزلت أسأله لحقني كلبهم وعينك ما تشوف الا غباري ههه ،، بعطيكم إحداثياته الصح اول ما ارجع للرياض لأني طلعته من القارمن عن طريق اماكن سياحية لكن كما ذكرت طلع مقفل وما يفتح الا في شهر 6 ..اليوم زرت موزارت ومتحفه في شارع المشاة ،، روعة للرومانسيين >>>>طيب انت وش جابك يا ابو الشباب !!! للمعلومية فقط لأني نسيت هناك خطا بسيط في احداثيات الطائرة الشراعية في زيلامسي وسوف انزل لكم الإحداثية 100 بالمائة ،،مطعم البوسنية في كابرون روعة وهي إنسانة جداً ذوق وأكلها رائع جداً ،،اعذروني على استعجالي لأني اكتب الموضوع من الاي باد وحال عودتي لأرض الوطن سوف اكتبها لكم مع الصور عن طريق اللاب توب بإذن الله ،،غداً العودة لفيينا والذهاب للأوت لت عشان المدام واليوم اللي بعده مغارة هتلر ،،اخر شي ،، الجو الان روعة وليس بارد كما يتردد وحتى انه في فيينا كان يميل للحرارة ولكن زيلامسي باردة ، بالعربي فردها في نهاية مارس مثل برد الرياض ،،من لدية استفسار او يبيني أشوف له شي قبل العودة أنا في الخدمة والتفاصيل مع الصور سوف تبهركم ،،