اكرر ما اقوله كل مرة في كل تقرير اسرده لكم

• *((( اللي يعجبني مو شرط يعجبك )))**

والناس اذواق
لكن حبيت تستفيدون من تجربتي في هذا الفندق البائس
وللتنبيه : هذا الفندق وليس الشقق
SWISS GARDEN HOTEL -KUALA LUMPUR
يالله تعالوا معاي اقولكم التفاصيل
واكحل عيونكم بالصور
هذا موقع الفندق المباشر
http://www.swissgarden.com/hotels/sghkl/
المدة 3 ليال
من 10/9 الي 13/9/2012
الحجز مع الفطور
حجزنا عدد 2 غرفه
Family Room
فاميلي روم ( عائلية) عبارة عن غرفنتين نوم وحمام
سعر الغرفة 1464 + 16% ضريبة وخدمة
وعدد 2 غرفة Deluxe Double or Twin Room
سعر الغرفة 774 رينجنت + 16% ضريبة وخدمة
والحجز من موقع بوكينق Booking.com
سلمنا نسخة من حجزنا للأستقبال
التعامل غير جيد بالمرة
بطئ
اهمال كل شوي واحد يسأل الثاني شنو يسوي
اول الصدمات في هذا الفندق
تم خصم مبلغ من الفيزا قبلها ب 4 ايام وصلني فيها مسج من البنك
وعندما طلبنا احتساب المخصوم رفضوا !!!
وانكروا العمليه
مع اني محتفظة بالمسج وشافوها
وهذه المشكلة ما أنحلت الا بعد 3 ايام من مكوثنا بالفندق قبل خروجنا الى المطار
طبعا بعد صيحة ورنه وهواش مع مديرهم
وانا طالعه وانا راجعه من اي مشوار غثيتهم غث
وللأسف العمليه واضحة واتصلنا على بنك الكويت كذا مرة
وتأكد سحب المبلغ واعطونا رقم العمليه
لكن الفندق يصر ان هذا لم يحدث ؟؟؟؟؟؟؟؟؟
تعاملهم غير جيد بالمرة لأنهم صينين ومع الأجانب شي ثاني
عندهم عنصرية للعرب بشكل واضح
ولما دفعنا للغرف طلبوا اكثر من اللازم دفعه
قمه الغباء
اخذنا الاله الحاسبة منهم وحسبنا جدامهم وطلعت الفرقية كبيرة وواضحة
وتم الغاء الوصل اللي دفعنا فيه وتم استرجاع المبلغ الزايد واستلمنا وصل جديد
تلعبوا مع مين يا حلوين ؟؟ احنا ناس عارفين الحسبة عدل
يعني لازم تكون حذر وتدقق لما تدفع
تراهم نصابين
وللعلم
في موقع بوكينق بالتعليقات
قرات نفس مشكلتنا بالضبط بالحرف الواحد
والعايلة سافرت وارجعت ديرتها واللي كاتب التعليق يقول لهذا اليوم لم يسترجع منهم اي فلس
حسبي الله ونعم الوكيل
يعني السالفة مقصودة