بادية الشمال
06-11-2022 - 04:25 pm
بأختصار كنت في اسطنبول لمهمة عمل لمدة 5 ايام بدون العائله وحصل لي الموقف المعتاد في منطقة الفنادق بالقرب من ميدان تقسيم ولكن هالمره قلبتها عليهم شوفو التفاصيل :
وانا اتمشى لوحدي ليلا وبالقرب من احد الفنادق القريبه من فندقي كنت اصلا متضايق من شي معين وقرفان ومالي خلق اكلم احد وفجأه جاني واحد من الاتراك الي يتكلم عربي وكالعاده مسكني على جنب وقال تتكلم عربي يا شيخ تفضل انا اخدمك سهرات بنات وانتو عارفين طريقتهم ..المهم انا قافله معاي اصلا وعارف الاعيبهم وفجأه جاتني فكره جهنميه بما اني فاضي ولحالي قلت ابي اطقطق عليه لانه جا بالوقت الغلط وللشخص الغلط ..المهم تبدلت ملامحي وناظرته بشرعه وانا فرحان وقلت له انت تتكلم عربي قال ايوه اي خدمه حبيبي قلت الحمدلله كنت ادور احد عربي يساعدني طبعا هو انفرجت اساريره وحسب انه صاد صيده وماعرف التالي ...المهم قلت له انا سعودي وابي احد عربي يساعدني وش رايك نروح على جنب ونتكلم قال اوكيه واخذته على جنب وقلتله ابي خدمه كبيره منك قال انت يأمر حبيبي قلت انا ضيعت جواز سفري والمحفظه وما معي فلوس ورحت السافره يطلعون لي ورقة سفر مؤقت بس ابي 500 ليره واوعدك ارجعها لك لما اوصل السعوديه وانت تتكلم عربي وقلت تبي اي مساعده انا حاضر ..ارجوك ساعدني ..طبعا الفرحه فجأه طارت من وجه الرجال ومثل المصدوم ما عرف وش يقول ..قلت يلا حبيبي انت قلت اي مساعده وانا ابي مساعده ارجوك ساعدني ..قال انا ما معي فلوس وما اقدر اساعدك وتركني وراح ..واتوقع انه لو بأيده عصا كان صفقني بأمها على راسي ..هاهاهاها...تعابير وجهه تحفه واتوقع راح يحرم يقول تبي مساعده يا شيخ ملاه ثانيه ..وانا ضحكت ضحك بعد ماراح وبصراحه طلعت من حالة الضيق الي فيني بعد الهموقف ...
الشاهد اني ارتحت منه وبنفس الوقت قلبت السحر على الساحر بسرعة بديهه وما كنت مخطط ل هالشي ..
حبيت اشاركم باهالموقف الطريف
ويبعد عنك الهم وضيقة الخلق واهل السوء
ومن جد موقف مضحك جدا .....وياليت كل واحد يسوي مثلك عشان ماحد يشتغلهم من ضعاف النفوس
يارب