يعطيك الف عافيه اخوي
بدايه الصراحه مشوقه وجميله وايضا مرتبه
والظاهر ان رحلتكم كذا
سجلني متابعه معاك
بس استفسار اخوي بعد اذنك شو بالنسبه لاسعار الرحلات من المطار هل هي ارخص ؟؟
وتسلم تقبل تحيات اختك
بنت زايد

بدايه مشوقه ورائعه
سجلني متابع لتقرير حتى النهايه
تحياتي

لا شك أنه سيكون تقريرا مميزا بمشيئة الله مادمتم من هواة التصوير وفى إنتظار صورك الرائعة يا غالى

ننتظرك بفارغ الصبر ياعزيزي فلا تتأخر علينا
تحياتي

Bnt'Zayed .. الله يعافيج و شكرا لردج المشجع .. بالنسبة لأسعار الرحلات اللي بالمطار أيضا تعتبر مرتفعه ( قليلا ) بالنسبة للمكاتب السياحية الموجودة بالمنطقة نفسها ..
asmk .. تسلم اخوي و تشرفني متابعتك ..
عمار 70 .. ان شاء الله أكون عند حسن ظنك أتمنى و الله .. و أيضا أذكركم نحن نهوى التصوير و ليس محترفين بالتصوير .. مشكور اخوي
الوطواط .. تحياتي لك اخوي .. و ان شاء الله بعد قليل سيبدأ المشوار الطويل !
سمسم2006 .. شكرا لانتظارك و ان شاء الله بحاول أحط لكم صور تشبعكم ..

حياك الله اخوي والحمد لله على السلامه وكيد لكونكم محترفين تصوير سنستمتع بالصور الجميله
بانتظار التقرير
تحياتي لك

1. عدنا ..


2. دندرن يشم الوردة كعادته فهو عاشق للورد ..


3. أصور نفسي لأتأكد ان شكلي غير مضحك .. لكني ضحكت


4. حنطور تايلندي !

عدنا ..

بعد وصولنا لمطار شانغ ماي كان بانتظارنا باص صغير ارسلوه الشركة التي حجزنا منها رحلاتنا في شانغ ماي و كان هذا العرض مجاني بعد ان حجزنا منهم .. و كانت الساعة تشير الى العاشرة مساءا تقريبا .. وصلنا الفندق Park Hotel و كان فندق ممتاز من ناحية النظافة و كان واضح بأنه جديد و غير مستهلك .. و لكن موقعه نوعا ما بعيد عن السوق الليلي و بما أن يومنا كان متعبا جدا نمنا مبكرا حتى نستعد لرحلة الفيلة ..
موعد وصول الباص الساعة 8 و قعدنا الساعة 7 لكن بدت معانا أول مشكلة .. كل واحد يبي يكون آخر واحد ياخذ له شاور ليستغل هذا الوقت للنوم .. و يبدأ كل واحد يخز الثاني و لسان حاله يقول قوم انت قبلي .. قد تأخذت العملية 10 دقايق حتى يستسلم أحدنا و يخسر 10 دقايق من نوم
دندرن يخزني ..
خذينا شاور سريع و انطلقنا الى المطعم ( الافطار على الفندق ) و المطعم كان جيد جدا و يلبي كل ما يحتاجه البطن ..

دندرن يشم الوردة كعادته فهو عاشق للورد ..

الحمد لله وقتنا كان مضبوط يعني ما كان في تأخير .. و هالنقطة مهمة جدا حيث أن الباص الخاص بالرحلة غير مخصص لك فقط فهناك أشخاص سينتظرونك اذا تأخرت و تأخيرك يؤخرهم .. جلسنا خارج الفندق .. قعده حلوة قعدنا نسولف فيها و وصل الباص و انطلقنا الى حديقة الفيلة .. و كان معانا بالجروب 2 اجانب و 2 من مملكة البحرين ( رجل و زوجته ) و واحد من دولة قطر ..
مدخل حديقة الفيلة
أول ما تدخل الحديقة راح تشوف هذا السوق صغير ..
و راح تشوف بالحديقة هذي الفيلة بكل مكان .. منظر عجبني و صدمني .. الفيلة عندهم مثل القطاوة عندنا بكل مكان تشوفهم .. يبيله أشتري لي فيل
تمشينا شوي و قعدنا ناخذ لنا لقطات بالكاميرا و بعدها بدأ عرض الفيلة ..
و بصراحة فاجأوني الفيلة .. كنت اظن الفيل مجرد حيوان عادي يستخدمونه للنقل فقط .. و اكتشفت ان الفيلة كل شي يسوون ! يحتاجون فقط للتدريب ..
..
..
فيل ضارب ويل
..
يوضحون لنا ان الفيلة يستخدمونهم حتى بأصعب الأعمال
الظاهر داخوا !
طبعا الكل كان مستمتع بالعرض .. لكني بديت أحس بحرارة الشمس .. و قلت ليش ما اصير تايلندي اليوم و اريح نفسي ؟!

أصور نفسي لأتأكد ان شكلي غير مضحك .. لكني ضحكت

و رديت للعرض و بصراحة تركت الكاميرا شوي و بديت اشاهد العرض و لو انقل لكم كل صغيرة و كبيرة راح تستغربون و تقولون الفيل يسوي كل هذا ؟! فيل يرقص .. و فيل يرسم .. و فيل رأس حربة بكرة القدم .. و اعتقد عندهم الدكاترة و المهندسين و العلماء !!
هذا الحمادي أحد ابطال الرحلة .. و لو ما ابتعد بعد هالصورة لتغيرت تسريحته من الفيل .. اعتقد هالفيل حلاق ! قلت لكم كل شي يشتغلون :x1: .. و باللي بالصورة مو غيوم هذا دخان زقارتي
و هذا اخونا من قطر و كان نعم الرجل و للاسف ان ما التقينا فيه بيوم ثاني لكن استمتعنا معاه صج صج و النعم فيه ..
و قبل لا نسافر اتفقنا انا و الربع ان سفرتنا راح نمليها بالمغامرات .. و راح نجرب كل شي بدون تردد .. لكن يوم صارت الصجية ترددت بيني و بين نفسي أن أركب الفيل !! افا يا مشعل لا ما اتفقنا على جذيه !! و كانوا كل 2 يركبون مع بعض .. لكن عدة الكاميرا ( الشنطة ) أكيد راح تضايقنا و اتفقنا معاهم ان كل واحد فينا راح يركب الفيل بروحه .. و ركبوا ربعي فيلة محترمين كبار بالسن و عطوني فيل ياهل ما يفهم !! مع اني امتنهم مو ظلم ؟! مو مشكلة .. و ركبت الفيل :x1:
و بدت الرحلة ..
الحمادي يصورني و انا اصوره .. طبعا حدي خايف و انا ألف جسمي
الظاهر بدت الحرب و احنا ما ندري !!
الأغلبية يصورون .. الذكريات جميلة
شوفوا فيل الحمادي شلون مرتفع عن فيلي !!
و أثناء الرحلة سايق فيلي قال لي عطني الكاميرا أصورك .. قلت له و ليش لأ تفضل .. و لا الحبيب ينزل و يهدني بروحي بالفيل !! تعال يا الحبيب مو وقت غشمره كلش !! :112:
الحمد لله رجع و ركب الفيل .. و وصلني لبر الأمان
و بعدها ركبنا الحنطور التايلندي !

حنطور تايلندي !

و قعدنا نسولف بالحنطور عن رحلة الفيلة و ضحكنا على موقف معين .. و لا نشوف السايق يقهقه من الضحك !! فصلنا عليه ضحك .. شكله عجيب و اهو ميت من الضحك .. و الحبيب مو راضي يسكت طول الرحلة و اهو بس يضحك و الناس كلها تطالعنا .. فضحنا الله يفضحه .. هذي صورته و اهو يضحك ..
فديتك :*
بعد ما خلصنا حان وقت الغداء .. يم يم يم ..
و طبعا أول شي نبحث عنه بلحظه دخولنا أي مطعم هو هذه اللافته
بعدها ما يبيله هجوم ..
بالعافيه يا الربع
المطعم من الخارج ..
هذا الرد وضعت فيه نصف رحلة اليوم الأول .. و باقي الرحلة سأكملها بوقت لاحق ان شاء الله .. و ان شاء الله البداية تكون مرضية لكم ..
الحلقة القادمة ( البامبو و عرض الثعابين و القردة )
انتظروني

مسعد المرشد
اشكرك عالثقة لكتابة تقريرك في بوابتنا الحبيبة وسجلني متبايعنك لباقي التقرير بس اخوي عندي ملاحظة لك بخصوص الصور علشان تضمن استمراريتها بتقريرك تنزلها على هذا المنتدي ومن ثم تزلها بتقريرك حتى تحتفظ باسمك .
مع تحياتي
اخوك بوراشد