- ابي اعرف كيف نقسم ال 20 يوم هاذي بين المناطق ؟
- بيكون السفر في شهر 8 اوغست .. كيف الجو في هالفترة ؟
السلام عليكم ورحمة الله وبركاته
اول شي احب اشكركم اخواني واخواتي .. على المعلومات القيمة والمفيدة الي تقدمونها للسائح العربي
انا استفدت كثير من المنتدى هذا .. فنادق واماكن سياحية وكل شي ..
وبإذن الله نويت السفر على تايلند .. انا واختي والوالدة فقط .. يعني احنا ثلاث حريم بلحالنا
.. بما اني المخططة والمنظمة للرحلة حبيت اني اخذ رايكم في كل شي
عدد الأفراد = 3
الهدف من الرحلة : اكتشاف اشياء جديدة وغريبة والتمتع بالطبيعة .. والمغامرة
والتسوق طبعاً ... ( وابي اركب فيل ) :mf_leia:الطيران الي اخترته: الاتحاد
عدد الأيام: 20 يوم
ابي اعرف كيف نقسم ال 20 يوم هاذي بين المناطق ؟
بيكون السفر في شهر 8 اوغست .. كيف الجو في هالفترة ؟
من ناحية الفنادق .. على حسب كلام اخواننا في المنتدى .. اخترت للسكن في بانكوك فندق اماري بوليفارد او جي دبليو ماريوت او لاند مارك .. وانتوا قولوا لي ايش الافضل ؟؟ وايش الاقرب للأسواق والمطاعم الخ الخ ...
وبالنسبة لفوكيت اخترت فندق هوليداي ان على شاطيء الباتونق .. وشرايكم ؟
وابي اروح بتايا .. لا تقولون لي ماتصلح حق عوايل ومدري وشو .. كل مكان في هالدنيا في الشين والزين .. واكيد فيها اماكن سياحية وفنادق راقية .. وانا احب البحر ..
والفندق الذي وقع عليه الاختيار .. هو ماريوت ..
صحيح باقي كثير على موعد السفر .. بس ابي ارتب كل شي من الحين ..
ابي احلل اجازتي ترا دوامي من 8 الصبح الين 6 المغرب .. حسوا بمعاناتي ..
ولا حد يجي يقول لي روحي ماليزيا .. تراني رحت مرتين وزهقت منها ..
في انتظار ردودكم وتفاعلكم
