no body ???

محتاجه خبرتكم يا اهل الخبره
تم رفع الموضوع للاعلى لانتظار الردود

والا اقولكم احذفوا الموضوع خلاص

وعليكم السلام ورحمة الله وبركاته
هلا وغلا ام مياري
اولاً احنا اسفين على التاخير
وان شاءالله وعدنا بعد الصلاه..توا المغرب امأذن ..بنصلي وراجعين ان شاءالله
وحقكم علينا

عدنا من جديد
راح اتكلم عن فنادق سويسرا لان فنادق المانيا ماعندي خبره فيها للأسف
صحيح اني في المانيا حالياً ولكن مازلت جديد وخصوصاً ان المدينه الي احنا فيها تعتبر بعيده عن المدن الكبيره
الفندق الي في انترلاكن عن طريق المكتب يعتبر افضل واقرب من الفندق الي ناوين تاخذونه ..
فندق لوزيرن حلو
فندق زيوريخ على شارع حيوي ويمكن ايعيبه انه بعيد عن السوق اشوي ولكن مع وجود الباصات فكل شي اوكي
واي خدمه احنا في الخدمه
والمعذره على التأخير

تسلم الاقطري هالكلام اللي يريح البال والواحد يتفاءل بكم
مب نشوف زيارات بدون ردود
في انتظاركم ان شالله خير
واعذروني على سرعتي واستعجالي
وعلى الكلام ولكن ابا كل شي زاهب لان مابقى غير شهر و اسبوعين بيكونن لتجهيز الاغراض والمشتريات للسفر و عندي هالاسبوعين اخلص فيهم كل شي

القطري السموحه ولكن غيرت المخطط و صار كالتالي الوصول من دبي الى زيورخ و بتوجه دايركت الى انترلاكن و ببيت فها 7 ايام و بعدها بتوجه الى يوروب بارك و بتم لمدة يومين ومن ثم بتوجه الى زيورخ وببيت فيها ليله ومن ثم العوده
اقترحوا عليي الاخوان والخوات ان اخلي انترلاكن مركزي الرئيسي لباقي الاماكن واروح زياره للاماكن السياحيه منها وارجع فالليل وبما ان خاطري من قلبي في يوروب بارك فبروح يوروب بارك يومين ومن ثم زيورخ لكي اعود للوطن
وانا كنت بنزل في ميونخ وبتم ليله قالو ما يحتاي ميونخ ما يبالها يوم ما يمديلي استانس فيها و بعدها قلت بروح يوروب بارك ولكن تبعد يوروب بارك عن ميونخ 4 ساعات وتبديل قطارات فيها يعني بيتطلب وقت زايد عشان جيه لغيت ميونخ و خليت الوصول والمغادره من زيورخ ولوسيرن كذلك لغيتها لانها قريبه من انترلاكن وبقوم بزيارتها من انترلاكن لان بياخذ علي وقت فالتنقلات فشو رايك ؟؟

مؤيد ميه بالميه
احنا 3 سنين ورا بعض انخلي مقرنا الرئيسي في انترلاكن وبعدها ننطلق للمناطق المجاوره ..نطلع من الصبح لين المغرب ..
التنقل من مكان الى مكان الواحد ايحس بعدم الأستقرار ..ماحلاته امبطل الشناط الا هو امسكرها
الأستقرار هو اهم شي في السفر :8888:
وفعلاً زيوريخ لما سكنا فيها ماأعجبتنا ..يمكن عشان احنا جيناها بعد انترلاكن