مرحبا الف .. اولا وقبل كل شي انا فخورة بانضمامي بالبوابه .. ومن جد شاكرة لكل الردود لانكم حقيقة ترفعون معنوياتي وتخلوني استرسل بالاحداث ...
طبعاا احنا وصلنا للتفله اقصد المحو الي مطرنا ابوي فيهفجلسنا نناظر على قولة اخواننا العراقين شيلمهن شيلمهن يعني بتفوتنا الطيارة واحنا ماجمعنا قراشيعنا وقرابيعنا الله يفشلنا المهم ابوي الحين يبي يبين للناس ان الموضوع هو يدري عنه وان الوضع طبيعي معليش وعدنا قدام قالي اسمعي انتي وامك تجمعون ذا القربعه بسرعه والا والله ماتلومون الا انفسكم ... مسيكينه امي خذت الوصاة من جارتها بقوة جلست افكر بلحظه قلت لامي شوي واجيك طبعا من عند الاغراض يحرسهم ؟؟؟ شين وقوي عين مخلين الهنود الي بالمطار عند السوبرماركت ورحت دااخل المطاار وشريت شنطه مرتبه وسط ورحت وبديت احط الاغراض بس على خفيف واول شي شلته من الشنطه قطمة رز جارتنا ان شالله عمرها ماكلت رز من بقية العيلة على غفله وحياتكم في عشر دقايق رتبت الشنطه شفاحة سفر ,,,, ورحت لابوي وهو جالس قلت يبى الاغراض جمعناها ورجعناها مع السواق مايكون خاطرك الا طيب مادرى عن الشنطه الي شريتها . رحنا عند الكونتر بنقص البوردينق وابوي مازال يسب ويهزأ بس من غير محو ههه . وكل شوي يلتفت علي ويقول الا ماتقولولي وش دبرتكم في ذا الشنطه ومن الي شقلها من البيت الله يشقل راسه وانا اقوله خلاص يبى الشنطه ورجعت ولاتعصب علي وعلى امي ترى كل الي صار من جارتنا ام فلان قال والله اني داري ان ذي علومها بس والله يان ادخلت بيتي بمصر لاتلومون الا انفسكم خبركم معصب ومايهذ ري المهذ ري الا من حر الصخونه الله يلوم الي يلومه جينا عند الكونتر قال عندكم عفش زايد وزايد وزايد !!!!! التفت ابوي قال وش في الشناط على هالثقل قلت ملابس فديتك قال وش انا قايل لكم ماقلت امنعوني من كثرة الخلاقين انتو بتسافرون والا بتهاجرون لاكن احنا فيها ماعاد ني قايل الا حسبي الله ونعم الوكيل ... المهم حاولنا فيهم لين اخصموا الي اخصموه وذاك الوقت ابوي ماعنده مانع يدفع بس ينتهي من الموقف وكل شوي واحنا عالكونتر التفت عليه ويلف راسه يمين ويسار ويهوجس ويكلم نفسه واسمع كل شوي ان لله حسبي الله ونعم الوكيل طبعا انا كل شوي اقوله وش تقول يبى ملقوفه مانطميت ابرك ليي قالي ماقول الا وجع زين نقطيني بسكاتك ابرك جاء دوري انا اتلفت لايكون احد سمعه وخرب برستيجي الله يعافيكم اي بريستيج عندي وانا مساعدة امي بشنطة جدتي بس يقالي بسويلي برستيج بالمطار لان الشنطه بالعفش محد شايفها معي خ ... ايه على فكرة ابي اعترف لكم اعتراف بس مستحيه بس يالله بقوله الشكوى لله جارة امي الله لايعيدها قالت ترى لبنهم وحليبهم مهوب زين واذا طلبتي لبن عطوك حليب واذا طلبتي روب عطوك لبن ماقلت لكم قصتنا قصه رددوا ياليل ماطولك ليه انا جبت لكم طاري اللبن والحليب لان للاسف الشديد الناس يشقلون معاهم تروللي للمجوهرات والاشياء الثمينه واحنا ابشركم شاقلين تروليتين وحده لبن ووحدة حليب المراعي ليه تقولون انا اقولكم ليه امي بسم الله عليها يجيها حرقان بمعدتها ومايطفي الحرقان الا حليب المراعي عرفتو ليه ؟؟؟؟ واللبن نحب نشربه مع التمر مسيكينه امي تبي ترضي الكل ماعلينا خلصنا من الكونتر وابوي مازال معصب دخلنا الصاله وباقي عالرحله واحنا وحياتكم جالسين زي الالف من الخوف مانبي نضيق صدر شايب الرحمن جيت واستأذنته ندور بالمطار نطلق رجولنا شوي والحمد الله رحمنا قال طسو اقصد قال الله معاكم حبايبي خ معليش على هالموقف يقول حبايبي كثرو منها بس ابي ابين لكم ان ابوي كول على طول رحنا للسوق الي بالمطار الله واكبر السوق الحرة على غفلة كلها محلين واحد حلويات والثاني العاب بزارين لا بعد ويبيعون الالعاب من غير بطاريه بس معليه شعب سعودي نحب المقاضي مانتوب شرينا حلويات وشوكولاتات تكفي قبيله مدري وش نحس فيه الله والعالم نفكر مصر لبى قلبها مافيها حلويات وننحرم منها بالسفر اعلنو عن اقلاع الرحله وجينا عند البوابه ركض من يحلس اول خ وهذي كل السالفه ,,, سالفة المطار بس سالفة المقاضي ماخلصت باقي احداثها الى وصلنا مصر ولنا لقاء اخرر خ وحدة مصدقه نفسها انها كاتبه هذي مو كتابه هذي فضايح من جد واستأذنكم في موضوع مشوق اقصد هباب جديد تحياتي