:smile002: بداية ....أعتذر عن التأخير في طرح هذا التقرير ....وذلك بسبب انشغالي بتقريري عن ماليزيا
مع اني ماخلصت منه الى الان.....لكن قلت انزل تقريري عن تايلند قبل لاانسى الأحداث
< أخبر العجيز ماتنسى شي :biggrin: وأحب اشكر جميع أعضاء هذا المنتدى ....الي ماقصرو معي بتاتا البته:biggrin:
فلكم كل الشكر :x1: وطبعا من باب رد الجميل لهالمنتدى ....قررت أكتب لكم هالتقرير البسيط ...والخفيف ....
والي مدري وش يبي بعد :biggrin: وان شاء الله ينال اعجابكم يارب
كنا مخططين للرحله من الصيف الي راح ....لكن الله ماكتبها لنا الا بشهر فبراير2007:36_1_13:
وكنا مقررين اذا الله كتبلنا سفرة ماليزيا بنزور تايلند معها ....يعني نضرب عصفورين بحجر
وطبعا الي قرأ تقريري عن ماليزيا ....راح يعرف ضروف السفره المباغته والمفاجئه لسارونه:36_1_19:
وبعد قضاء اسبوعين في ربوع ماليزيا .....قررنا أنا وأبو الشباب:m9: قضاء اسبوعين في تايلند أيضا:36_1_21:
ولكن بقدرة قادر تحولت الأسبوعين ألى أسبوع واحد فقط ....وراح تعرفون السبب بالتقرير:36_1_44:
سفرتنا لتايلند كان الغرض منها العلاج بالدرجه الأولى ....ومن ثم السياحه(متعوب عليها من ثم)
وبخصوص الفيزا زوجي مطلعها من سفارة تايلند بالرياض من الصيفيه الي راحت
:36_3_16: نبدأ الان رحلتنا في ربوع الاراضي التايلنديه :36_3_16: بدأت رحلتنا في الاراضي التايلنديه من مدينة (ستون )التايلنديه
أكيد بتستغربون ليش ستون...؟؟ لاننا كنا بلنكاوي الماليزيه ....والطريقه الوحيده للوصول الي فوكيت ....
هو الذهاب الي ستون التايلنديه بالفيري ومنها الى فوكيت :8888:فذهب زوجي لمحطة الفيري بلنكاوي وحجزنا لستون بقيمة 54 رنقت لشخصين ( يابلاش)
كان موعد الرحله الساعه8 صباحا ....توجهنا للمحطه ...وماشاء الله كانت فل عالاخر ...:bounce8:
ورحنا للكاونتر الخاص برحلتنا ....ختمنا جوازاتنا بكل يسر وسهوله ....ورحنا للفيري حقنا
وهذي بعض الصور قبل انطلاقنا لستون
في الطريق الي الفيري
صوره للفيري من الداخل
بصراحه الفيري كان وصخ بالمره ..... بعكس الفيري حق لنكاوي
انطلقنا بالموعد المحدد واستغرقت الرحله حوالي 40 دقيقه .....وكنا العرب الوحيدين بالرحله
فكنت ملفته بعبائتي السودا الي اخافتهم كثير ..... بصراحه أنحرجت بالبدايه من ردة افعالهم
لكن كل شوي اقولهم ( جهنم وبئس المصير) .....والله يعز الاسلام والمسلمين:x1:
بالفيري شغلو لنا فيلم لتمضية الوقت ....والحمد لله وصلنا بسرعه.....وعلى طول كل واحد ياخذ قشه وبرا:biggrin:
وهذي صوره لمحطة الفيري بستون التايلنديه
أول ماوصلنا المحطه ....وزعو علينا كرت الدخول لتايلند....وحاولت اصوره لكم ....
وهذي صورته بس مو واضحه مره :icon_scra
بعد ماعبيناه....صفينا طابور...وكانت الاجراءات سهله وسريعه
أول ماطلعنا لقينا اصحاب مكاتب يعرضون علينا خدماتهم ....واتفقنا مع واحد اسمه(عبدون)صاحب مكتب
سياحي بالمحطه .....وطلبنا منه يحجز لنا بالطايره لفوكيت .....قالنا بدري ومالقينا حجز كله فل
قالنا مالكم الا الباص ...قلنا مايخالف بس كم ساعه قالنا 5 ساعات ...وافقنا وحنا متشققين من الوناسه:36_1_33:
سألناه عن سعر التذكره قالنا ب800 بات للشخص ؟؟؟زوجي استغرب لانه سأل بلنكاوي وقالوله ب400 بات
شفتو الحرامي يبي يسرقنا ويلعب علينا ... بس على مين
هاوشه زوجي وأنا تدخلت بالموضوع وقلتله يارجال ترى حنا بتايلند ...تعرف وشهي تايلند :36_1_15:
ألحين هالرجال بيجيب شلته والله يستر علينا ركد زوجي وقاله مانيب دافع الا 400 بات للشخص
قاله اسعار التذاكر ترتفع مع قرب موعد الرحله ؟؟؟؟ وقتها ضحكنا أنا وزوجي عليه ... وقلتله الباص الي معك
ينقلب طياره بنص الطريق والا وش سالفته ..... قعد يرقع الرجال وتخيلو عطانا سعر التذكره ب400 بات
مع التوصيل بعد لمحطة الباصات أخذنا قشنا وركبنا سياره من نوع هايلوكس أبو غمارتين (حبيب الشعب)
وكان معنا شلة بنات دبيات من ايرلندا ....أنا شفتهم وقلت لزوجي هونا مانبي نروح لفوكيت
ديرتنا مافي أزين منها ....طبعا محاولتي لتغير السياره مانفعت وركبنا معهم غصبن عني
بس والله طلعو مرجج ......وانبسطنا معهم ...
بعد مرور ربع ساعه وصلنا لمحطة الباصات وبصراحه شدني شكل الباص ....بناتي
محطة الباصات
لحظة وصولنا للمحطه
وهذي صورة الباص من الخارج
ومثل ماشفتوو ....الباص يتكون من طابقين ...الطابق السفلي للمتجهين الي فوكيت
والطابق العلوي للمتجهين الي كرابي ....بصراحه كان ودنا نركب فوق بس خيرها بغيرها
وهذي صور للباص من الداخل
انطلقنا من ستون وكانت الاجواء مشمسه ومغيمه وممطره بعد يتقلب الجو عندهم بدقيقه؟؟
لحظة الانطلاق
وهالصور اخذتها لكم من شوارع ستون
كان يعيب الباص كثرة توقفاته ....كل عشر دقايق يوقف ...يحمل ركاب وينزل ركاب
ويعيبه بعد اصوات الأغاني العاليه ....الي أزعجت جميع الركاب ....
فطلبنا من مساعد الباص اطفائه أو تخفيف الصوت ....لكن الاخ مفهي ومايفهم انقليش:112:
وبدال مايطفي الاغاني طفى التلفزيون :109 مسوي فاهم)
فجن جنون الدبيات الانفات الذكر ....وكلمو وحده تايلنديه تفهم عليهم وكلمت السواق...ويالله فهم
المهم مرة الساعات علينا وحنا نقول ألحين بنوصل ....وتمر الخمس ساعات والست والسبع
وماوصلنا الا بعد ثمان ساعات:36_3_4:من الساعه 12 الظهر الى الساعه 8 بالليل (تخيلو):112: ....وصلنا وحنا بقمة التعب ....
لا وبعد مو حاجزين فنادق ولاهم يحزنون
وين اقامت سارونه بفوكيت ..... هذا ماسوف تعرفونه بالحلقه المقبله ؟؟؟(اسلوب تشويق)
وبكذا تنتهي حلقتنا الاولى .... ان شاء الله تعجبكم يارب .....تابعونا ترى الجاي احلى :36_3_11:
سجليني متابع ومشارك بالردود ومعلق >> معلق رسمي
بصراحه قمتوا برحلة صعبة ومهلكة مايقوم فيها الا الخواجات >> انا متأكد انها بتبقى ذكرى عزيزة لكم
اسلوبك جدا حلو ومشوق من البداية تابعي وحنا بنتابع