سنغافوره حلوه كثير والطبيعه فيها رائعه ...واذكر عجبني السفاري نايت ..كثير ...بس هي صغيره وتكفيها اربع ايام اكثر شيئ للسياحه ..وهونق كونق ...السنه ان شاء الله ناوي عليها ...مااعرف عنها غير اللي قريت عنه بالمنتدى ..

1. يالله حي التشيز كيك كلهم


2. برنامج كالتالي :

--------------------------------------------------------------------------------
مرحبا
افكر اقضي اجازه 20 يوم بين هونج كونج وسنغافوره .......
كيف اقدر اقسمها بين الدولتين....مع اني افضل اني اقضي فتره اطول في سنغافوره.....
ياليت اللي قد زارهم قبل .....يعطيني رايه.....
ثانكس

يالله حي التشيز كيك كلهم

بأكون معك صريح فأنا مازرت لا هونج كونج ولا سنغافوره بس ناوي اروح لهم هالصيفيه الجايه وابشرك سويت حجوزاتي كلها فعشان كذا انا بأجابوك على ضوء المعلومات الي انا جمعتها من المنتدى
اول شيء 20 يوم كثيره مره على هونج كونج وسنغافوره وانا مثلك كنت ودي اروح لهونج كونج وسنغافوره بس كنت متوهق في المده لأنها بتكون كثيره مره على هونج وسنغافوره لحالهم فإقترحت على نفسي برنامج وانا راح اوضحه لك وتقدر تستفيد منه اذا اعجبك او تستفيد من بعضه او ماتعطيه اي اهتمام

برنامج كالتالي :

انا بأطلع من الرياض الى هونج كونج وبقعد 6 ايام ومن هونج كونج الى سنغافوره على خطوط جت ستار ب400 ريال للشخص ومدة الرحله 3 ساعات وشوي وبقعد في سنغافوره 5 ايام ومن سنغافوره الى بينانج على الخطوط الماليزيه ب250 ريال للشخص ومدة الرحله 1 ساعه طبعاً هذا السعر انا محصله عن طريق موقعهم على الانترنت والا المكاتب السياحيه ب700 للشخص وطبعاً السعر هذا يعتبر اقل سعر وسبب رخصه هو ان ميزاته اقل من ابو 700 يعني ماتقدر تغير الحجز ولا تسترجع التذكره (مثل الطيران الاقتصادي في الميزات فقط والا الخطوط فهي الماليزيه) وبقعد في بينانج 3 ايام ومن بينانج الى كوالالامبور على خطوط اير اسيا ب95 ريال للشخص وبقعد فيها 6 ايام ومن كوالالامبور الى الرياض ولاتنسى اني بأمر في الذهاب والعوده على قطر الشقيقه لأن رحلتي على الخطوط القطريه
هذا هو برنامجي المصون وياليت لو تستفيد منه وعلى فكره مو لازم تطبقه بالضبط يعني مثلاً اذا كنت من الناس الي مايحبون البحر او ودك تقعد اكثر في سنغافوره مثل ماقلت مع انها ماتستاهل اكثر من 6 ايام وبالكثير بعد فتقدر تكنسل بينانج وتكتفي بكوالالامبور وعلى فكره انا قد رحت لماليزيا شهر عسل قبل 5 سنوات وبروح لها هالمره بعد لأني اولاً مضطر اروح لدوله ثانيه لكثر المده على هونج كونج وسنغافوره وثانياً ودي اعيد اللحضات الحلوه الي قضيتها في شهر العسل في ماليزيا
واذا انت قررت على برنامج معين انا مستعد اني اعطيك جدولي السياحي الي انا مسويه لكل مدينه عشان تستفيد منه
انا بإنتظار قرارك

^
^
الف شكر اخوي على الرد......
بس بالنسبه لماليزيا سبق وسافرت مع زوجي واطفالي ......يعني مافكر فيها ابد
بس لو قسمت 20 يوم بين سنغاوره وهونج كونج ...بعد تكون كثيره؟
اللي اعرفه ان سنغافوره فيها جزيره سنتوسا وفيها مراكز ومطاعم واماكن سياحيه كثيره...
وبعد هونج كونج فيها اماكن سياحيه كثيره.....
على العموم انا اعتبر ان الاجازه استرخاء وزياره للاماكن السياحيه بس ماحب تكون مده قليله ومزحومه من الصباح الى الليل ..
الف شكر

ليش ما تزيد عليهم تايلاند؟

1. 2- The peak المطل + متحف الشمع وهذا يوم


2. 3- أوشين بارك وهذا يوم

طيب انا مثل ماقلت لك سبق واني رحت لماليزيا بس ظروف الرحله واعادة الذكريات اجبرتني اروح لها مره ثانيه
على العموم انا بذكر لك الاماكن السياحيه في كل دوله وانتي براحتك قسمي المده زي ماتحبين
سنغافوره
1- حديقة الحيوان + الحي الصيني وهذا يوم واحد
2- حديقة الطيور + حديقة النايت سفاري وهذا يوم
3- عالم تحت الماء + متحف الشمع وهذا يوم
4- Singapore Flyer + مركز سنغافورة الداخلي الأول للجليد (Snow City) وهذا يوم
وبعده ماعاد فيه اماكن سياحيه ماعدا الاسواق والتمشي في المدينه
وعلى فكره 1 , 2 , 3 هذي كلها موجوده في جزيرة سنتوسا
هونج كونج :
1- ديزني لاند وهذا يوم

2- The peak المطل + متحف الشمع وهذا يوم

3- أوشين بارك وهذا يوم

4- تلفريك ngong ping 360 + ال Avenue Of Stars هو مثل الكورنيش في منطقه الكولون حلو تزورها بالمغرب الى العشاء يصير فيه بعض العروض و ناس ترسم وتصورك وقريبه من برج الساعه الي يعتبرونه احد معالمهم وهذا يوم
5- التسوق والتمشي وهذا يوم
6- مكاو قريبه من هونج كونج وتقدرون تروحون لها بالفيري بس مافيها شيء يستاهل ماعدا
أ- برج ماكاو ويوجد به اعلى قفز بنجي في العالم
ب- اكبر جدار في العالم Ruins of Saint Pauls ووبجواره مشياً تجد برج القمار الاعلى بالعالم
وهذا يوم
وبعد كذا مافيه شيء تروحون لها
ولكن يضل الخيار لكم والسفر هو سفركم وبس هذي نصيحه وحبيت اوصلها لأن المده والله كثيره مره على هونج كونج وسنغافوره لحالهم
واي استفسار آخر انا بالإنتظار

^
^
الف شكر......بس هل المجمعات في سغافوره فخمه وكبيره....وهل هي كثيره والا لا؟
هل جزيرة سنتوسا فيها منتجعات فخمه ؟يعني هل الجلوس فيها مدة اسبوع ممل؟؟
شاكره ردودكم.......

الف شكر......بس هل المجمعات في سغافوره فخمه وكبيره....وهل هي كثيره والا لا؟
نعم فيها مجمعات فخمه وكبيره بس العدد ماأعرفه والله
هل جزيرة سنتوسا فيها منتجعات فخمه ؟يعني هل الجلوس فيها مدة اسبوع ممل؟؟
اكيد فيها منتجعات حلوه..
اما من ناحية الملل فمثل ماقلت ووضحت عن الاماكن السياحيه الي موجوده فيها وان الواحد يقدر يلفها كلها في ثلاث ايام بس تفرق من شخص الى آخر من ناحية الملل فممكن انتوا من الناس الي يحبون يجلسون على البحر وفي الفندق ومايهمهم التمشيات فكذا اكيد ماراح تكون ممله اما اذا كنتوا من الناس الي طبعهم ملالين ( مثلي ) فأكيد بتملون من جلسة البحر والفندق
شاكره ردودكم.......
العفو