وانا كذلك اخواني مسافر للمرة الاولى لبومباي وللمره الثانيه للهند حيث كانت المره الاولى قبل شهر لبنغلور
والان نحطط لزيارة بومباي بتاريخ 25 يونيه 25/6/2008
بغيت ولاعليكم امر يااخواني الغاليين افضل الفنادق العائليه وانظفها واقربها للسوق واكثرها امانا
الله يجعلها في ميزان حسناتكم ان شاء الله
اخوكم المحب بوعبدالله

بهارستان
شلونك أخي بهارستان , الحمدلله على سلامتك , أنا شاكر لردودك علي يوم كنت في بنغلور ,
أخوي الله يرحم والديك أنا ناوي ان شاء الله أسافر بنغلور مع العائلة في شهر أغسطس , وأبي بصراحة وبرايك هل تسوى الروحة لها , أقصد من ناحية النظافة والجو والتسوق وهل الاسواق ممتعة وأسعارها شلون , وهل المولات كبيرة ويستطيع الواحد أن يقضي وقتا طويلا و ممتعا فيها , وهل عندك فكرة عن الفنادق وخصوصا القريبة من الاسواق وتكون أسعارها مناسبة لأني محتاج غرفتين, وأنت ذكرت لي انك سكنت في شقة في مجمع دايموند , هل الشقة فخمة لو عادية وهل هناك شقق فندقية فخمة وموقعها ممتاز , وشنو أحسن المناطق اللي فيها حركة وممتعة في التمشي ,
أخوي لا تتضايق من كثر أسئلتي لأني محتار وبصراحة ما ودي أوهق الأهل وتطلع مملة ولغاية الأن ماحصلت معلومات تريحني لأن البعض أذاوقهم ومزاجهم يختلف عني ,
تكفا يا أخوي لا تبخل علي بأي معلومة , والله يجزيك خير على كل حال

ha101061
مساك الله بالخير اخوي الغالي
توني لقيت الموضوع كنت ادور عليه ولااحصله وسامحني يالشيخ والله كنا في الشغل 4 ايام ماطلعنا ولاعندنا نت
بالنسبه لبانغلور اعتقد والله انها انظف منطقه بالهند ويسمونها المدينه الحديقه garden city
الزحمه قليله جدا شوارع واسعه والصراحه المجمعات التجاريه المولات كثيره وكبيره جدا تدوخ الراس
ماعتقد تكمل المجمع في يوم واحد لكن اقل مستوى من ماليزيا وتايلند
بس في بنغلور تحس براحه وطمأنينه والشوارع خضراء والشعب طيب لكن ابعد عن اصحاب الركشه
التكاسي لصغيره حراميه واستغلاليين جدا وعليك باستأجار سياره مع سائق في اليوم كامل 1500 روبيه
يعني 150 ريال سياره كبيره تيوتا نوفا اما لصغيره ب 800 ربيه يعني 80 ريال
افخم فندق ليلى بلاس وهو مقابل لدايموند دستركتز الليه 550 دولار وفي ب400 دولار اذا كانت الاقامه طويله
بس هل تسوى الروحه او لا صدقني مادري واصارحك القول لولا الوالده ماكانت محتاجه الروحه للعلاج
كان مارحت الصراحه بس كفايه احساسك انك في الهند يبعث على الراحه والطمأنينه لاني كانت
امنيتي اروح الهند وهذي اول مره اروح لها
دايموند والله عجيبه شقق واسعه ومفروشه ونظيفه وانترنت مجاني ودش للقنوات العربيه
وتحت في مطعم كبير وسوق بسيط واحواض سباحه والامن والسيكيروتيه محاوطينك من كل مكان
في فندق اسمه امباير هوتيل حق واحد مسلم من كيرالا فيه سويتات وشقق وغر ف مفرده
والعرب كلهم فيه وفاتح ثمان افرع في بانغلور والاكل كله اسلامي من لحم ودجاج وبرى يسوون شوارمه
واسكريم وغيرها واكله لذيذ جدا وخالي من الفلفل تماما
الله يوفقك وتوكل على الله هي تجربه ان شاء الله ماراح تندمون عليها
وان ماعجبتكم ماراح تخسرون شي ان شاء الله واسمكم طلعتوا من الخليج في هالحر

ha101061
الجو عندهم بشهر ثمانيه جدا روعه امطارهم اصلا تبتدي شهر ثمانيه وتسعه وعشره
حنا يوم جينا بشهر 5 كان الوقت صيف عندهم وحر لكن مع ذلك الليل بارد وفي الاسبوع مره يجينا مطر يستمر 4 ساعات متواصله هذا بشهر 5 فمابالك بشهر اغسطس
النظافه جدا نظيفه سواء الشوارع الخارجيه او المطاعم او الفنادق
التسوق في كل مكان خصوصا امجي رود والمجمعات المنتشره
لكن الاسعار مثل الخليج وربما اغلى للاسف :112:

بهارستان
يعطيك العافية أخوي وماقصرت وجزاك الله خير

بهارستان
السلام عليكم اخي بهارستان ...... ممكن اذا سمحت تعطيني عنوان شقق دايموند في بنجالور وكوتشين وكذلك شقق امباير ................. ولك تحياتي