للرفع رفع الله درجتكم ....

وعليكم السلام ورحمة الله وبركاته
هلا وغلا اختي
ولا اتحاتين وكل شي بيترتب ان شاءالله وماراح انخليكم اتروحون الا وانتوا مرتاحين نفسياً من ناحية الترتيب وكل شي ..
اول نقطه ..زيلامسي وانترلاكن تقريباً طبيعتها متشابهه مع افضليه لأنترلاكن ..فهل ممكن تقليل عدد ايام زيلامسي وتعويضها في جنيف ! على اساس نبي اندخل انسي وديقون وشامونيه ..
والفنادق على حسب ميزانيتكم ..فكم امحددينها ..!

موفقه يارب
مافي احلى من تجدييد شهر العسل و الهروب من ضغوطات الحياة شوي و الراحه و الاستجمام
انا بعدني فالمخطط ههه رحلتنا بتكون ان شاءالله من 22 /9 الى 7/10
موفقه اختي بس ممكن اعرف على كم خذتو التذاكر؟؟

اولا اسمحي لي اختي ابصير قاسي شوي في ردي عليك يعني تخطيط سنه ونص وتختارين اول محطه فينا وانتي ماتبين تجلسين فيها الا يوم واحد اجل ليش اخترتيها ؟؟؟ فينا تحتاج اقل شيء 4 ايام المفروض بداية رحلتكم تكون من ميونخ لسببين الاول قريبة جدا من سالزبيرق اللي اخترتيها ثانيها علشانكم تبون تستاجرون سياره من المانيا مع اني اشوف ان المفروض الواحد ما يلعوز عمره علشان اجار سياره من المانيا وبالاخير يوفر 100 يورو هو اصلا ضيع كثرها مرتين بسبب خط السير ثانيا بالنسبه لبرنامجك انا شايف اغلبة مناطق ريفية وهادئه جدا ومتشابهه يعني دامك مخططه تروحين انترلاكن ما له داعي زل امسي الموجود هناك يغطي عليها وزياده لذلك اول سؤال هل يمكن تغيير محطة الوصول ؟؟؟ اذا كان الجواب نعم فعندك خيارين الاول تبدئين من ميونخ ليلتين ثم زل امسي 4 او 3 ليالي وتستطيعون اثناء الانتقال التوقف في سالزبيرق نصف نهار لان المسافات متقاربه اصبح المجموع 6 ليالي باقي 11 او 10 ليالي تقسمونها على مناطق سويسرا
الخيار الثاني وهو غريب شوي ولكن جديد ومناطق مختلفه وهو تبدئون من فينيسيا 2 ليلتين مدينة حالمه وغريبة عجيبه ومختلفه تنطلقون بعدها الى لوقانو بالقطار اقل من 4 ساعات ويفضل البقاء في ميلان ليلة واحده يبقى لديكم 13 ليله في سويسرا تبداء من لوقانوا وتوزع على مناطق سويسرا والسياره طبعا تستاجرونها من لوقانوا بكذا تكون ارخص لكم وحصلتم على برنامج من وجهة نظري منوع ومختلف ويحقق المطلوب والامنيات
اذا كنتم لا تستطيعون تغيير الحجز فعندك خيارين الاول بعد الوصول الى فينا البقاء ليلتين ثم الانتقال بالقطار الى فينيسيا وتطبقين نفس البرنامج المذكور اعلاه ولكن المشكله في الرحلة من فينا الى فينيسيا بالقطار طويله 7 ساعات ونصف
الخيار الثاني نفس برنامجك ولكن مع بعض التعديلات3 ليالي فينا 3 ليالي زل امسي 10 ليالي توزع على مناطق سويسرا وتقبلي ملاحظاتي وتحياتي

القطري
مشكور اخوي ما قصرت ,, الله يعطيك العافيه طيب ابي رايك انا غيرت شوي ...
راح يكون جدولي كالآتي :-
فيينا (( يومين )) 5/9 الى 7/9
سالزبورغ ((يومين)) 7/9 الى 9/9
زيلامسي(( 4 ايام )) 9/9 الى 13/9
انترلاكن (( 4 ايام )) 13/9 الى 17/9
جنيف وضواحيها ((4 اياام )) 17/9 الى 21/9
طيب الحين خلينا جنيف 4 ايام .. رتبها بمزاجك
بليز ابي مساعدتك بالنسبه للسكن و اهم شي عندي الأطلاله تكون حلوه...
بالنسبه للميزانيه 25 الف ,,, وشكراً مره ثانيه على مرورك

sako0onah
الله يسهل ان شاء الله و تكون سفره لا تنسى ,,
بالنسبه للتذاكر ب 3600 ...

daayem1
شكراً اخوي كانت في شغلات غايبه عني و نبهتني لها ..
ثانيا بالنسبه لبرنامجك انا شايف اغلبة مناطق ريفية وهادئه جدا
هذا المطلوب و المقصد من الرحله اساساً ..
فينيسيا 2 ليلتين مدينة حالمه وغريبة عجيبه ومختلفه تنطلقون بعدها الى لوقانو بالقطار اقل من 4 ساعات ويفضل البقاء في ميلان ليلة واحده يبقى لديكم
ماهي بالبال و لا عندي رغبه اني ازورها ....
طيب اخوي انا ابيك تشوف مخططي الجديد و تعطيني رايك :
فيينا (( يومين )) 5/9 الى 7/9
سالزبورغ (( يومين)) 7/9 الى 9/9
زيلامسي(( 4 ايام )) 9/9 الى 13/9
انترلاكن (( 4 ايام )) 13/9 الى 17/9
جنيف وضواحيها ((4 اياام )) 17/9 الى 21/

حلو ..
طبعاً لوا علي اقضي كل المده في انترلاكن من حبنا لها
وبما ان المقصد طبيعه فخلاص ماراح انغير في زيلامسي وانترلاكن وماراح تندمون لأن طبيعتهم روعه
الميزانيه حلوه للفنادق وبنبدا فيها ان شاءالله ..
دقايق ..

فنادق فيينا :
الراديسون ساس او الانتركوننتال او هيلتون شتاد بارك او الماريوت ..
فنادق سالزبورغ :
فندق ساخر او بريستول او راديسون ساس
زيلامسي :
فندق قراند او سي هوتيل وكلهم جنب بعض وايطلون على البحيره ..
انترلاكن :
عن نفسي معجب بفندق بيليفيو وممكن تاخذون الغرفه الي على النهر ..وفيه فندق قولدي ..
جنيف :
فندق بريستول او الوور ويك ..
اتمنى انكون قدمنا لكم شي يستاهل وان شاءالله كل سنه اتكررون هالسفره الخاصه والله ايحفظكم وايخليكم البعض وايبرونكم عيالكم ان شاءالله
واي خدمه احنا في الخدمه