sa7ab_q8t
07-08-2022 - 10:57 am
مرحبا
بصراحه سمعت عن تركيا كثير وانطاليا قالولي روعه
ومفكرين نعيد هناك انا وزوجي واليهال
تنصحوني ؟ وشلون الجو ب شهر 9 ؟
و شكثر يبيلها انطاليا ؟ وهل تنصحوني اقعد باسطنبول؟ و جم يوم ؟ قبل والا بعد انطاليا ؟
وشنو الفنادق المقترحه خصوصا ان معانا اليهال نبيهم يستانسون
واسطنبول افضل مكان يم السوق ؟ وجم يوم يبيلها اسطنبول ؟
وشلون طيرانهم ؟ تركيا زين ؟ في بديل ؟
بعد عندكم اي اضافات تقترحونها علي ؟
وفتره السفره انا افضل ماتعدي 10 ايام زين ؟
شاكرتلكم
وبانتظاركم على عجل
بالنسبه لانطاليا بالتأكيد هي رائعه وجميله .. وتقارير الاخوان اكبر دليل على ذلك
الجو بشهر 9 لطيف جدا في انطاليا لان درجة الحراره ماتتعدى 25
وانصحك يكون برنامجكم كالتالي :
اول ماتوصلون اسطنبول تكون ( ترانزيت ) ومنها تتجهون الى انطاليا لمدة 4 ايام
ثم العوده الى اسطنبول لمده 6 ايام وممكن تتخلها رحلة الى بورصه والعوده اخر اليوم
بالنسبة لاسطنبول اذا انتي حابة السوق اسكنوا بمنطقة تقسيم
والمجمعات كثير جدا افضلها ( برأيي )
فورم اسطنبول .. مناسب للاطفال لوجود الاكواريوم
جواهر مول
استينيا بارك
وطبعا لابد من تخصيص يومين لزيارة متاحف اسطنبول الجميله
والاسواق الشعبيه ( السوق المصري والقراند بازار )
اما بالنسبة للطيران التركي .. للامانه طائراتهم دائما صغيره وغالبا قديمه
وميزتها ان اسعارها مناسبه ومواعيدها مضبوطه .. لكن ممكن تقارنين مع باقي الخطوط وتختارين الافضل
وموفقه ان شاء الله ,,,