هذا هو موقعهم الرسمي
والسعر مش شامل الفطور

مشكور يالحبيب............
بس مشفيت غليلي ولا جاوبت على باقي الا سئلة
شباب وش احسن بالنسبة للفندق 4 بوينت شيراتون والا روتانا مروج

اول شي بالنسبه للفندق انا اعتقد ان رويال ميراج افضل
وبالنسبه للوقت من الشارقة إلى دبي فعلى حسب الزحمه وحسب الوقت اللي بتوصل فيه
اذا كا كان فيه زخمه راح تاخذ ساعه (أقل من ساعه يمكن 40 إلى 45 دقيقه)
اما اذا زحمه فأكثر من ساعه
وبالنسبه لسعر التكسي فما عندي فكره
بس اعتقد انه راح يكون قريب للمئة درهم
وبالنسبه للبرنامج
اقترح عليك الذهاب إلى الأماكن التاليه (بحكم قربها من شارع الشيخ زايد)
مول الإمارات
مارينا دبي (مرسى دبي)
ابن بطوطه سنتر
سوق جميرا (فندق مينا السلام)
مركز ميركاتو
الوايلد وادي (حديقه مائيه)
حديقه زعبيل ايضا قريبه (ولكن الجو ما يساعد)
اذا كان معاك اطفال فمدينة مدهش خيار مثالي وهي تقع في قاعات مركز معارض مطار دبي
دبي فيستسفال ستي
اشوف هذا البرنامج كافي واذا احتجت اي شي انا حاضر

ولد زايد........مرةةةةةةةةةةة ماقصرت ومش غريبة عليكم ياعيال زايد
بس ممكن اعرف الفرق بين مرسى دبي والجميرة بيتش.........
ماادري جميرة بيتش كيف ندخله يعني في شاطئ والا منتجع ندخل من عنده؟؟؟؟؟
ومرسي دبي عبارة عن ايش ووشو الخدمات اللي فيه.......لان مرة انا كنت معزوم في منطقة ماادري وش
اسمها....بس عبارة عن مجمع كان فيه ثلاث مطاعم مختلفة وبرا كان في بواخر وسفن على الرصيف بس
كانت واقفة ماادرى ليش......... كان وقتها المغرب في رمضان......وكان هناك برضو عمائر او شقق حوليها
يعني وش راح القى فيها..........؟؟؟
ومركز ميركانو وش هذا عبارة عن سوق مجمع بس.....اذا كان كذا ........يكفي مجمعات اللي ذكرتهم
مدينة مدهش وين محلها بالضبط...........
شكرا لك ولد زايد

مرسى دبي هي منطقة جديده تقع بالقرب من منطقة جميرا بدبي
ويوجد بها مرسى للقوارب وحولها مطاعم وكوفييات المكان جميل للتمشي واللي يحبون المطاعم والكوفييات
والعديد من المباني السكنية الجديده والعديد من المباني قيد الإنشاء
ويوجد في المنطقة فنادق عديده منها حبتور قراند
اما بالنسبه للجميرا بيتش فهو فندق يقع في منطقة جميرا
وبجاني الفند يقع الوايلد وادي وبرج العرب
والفندق تستطيعين الدخول له في اي وقت والذهاب إلى الشاطئ للتمشي
اما بالنسبه لسوق جميرا فهو يقع بين عدة فنادق وهي القصر ومينا السلام
ويوجد به قنوات مائية بها قوارب ولكن لا يسمح بإستخدام القوارب إلا للقاطنين في أحد الفنادق
ويوجد العديد من المحلات والمطاعم
وبصراحه ما يميز السوق هو طابعه التراثي الجميل
وهو يقع بالقرب من برج العرب وجميرا بيتش وعلى بعد مسافة بسيطة من مرسى دبي
ومركز ميركاتو ايضا يقع في جميرا وليس بعيدا عن برج العرب
وما يميزه هو تصميمه الإيطالي فقط
مدينة مدهش موقعها في مركز معارض مطار دبي وهي بعيده عن جميرا
واي استفسار انا حاضر

يسلمو كتير ولد زايد......
كلامك واضح لاهنت..........طيب وش المواقع اللي فيها تزلج او جليد غير اللي في مول الامارات
اللي فيي مول الامارات مايدخلون الاطفال ابو سنتين تفريبا والا؟؟؟؟
بعدين انا خلاص حجزت عن طريق النت في فندق four points by sheraton
شرايك خاصة ان سعره حلو 600 درهم شامل الضرائب والرسوم.......يعني 1800 درهم ثلاث ليال
ولد زايد بيض الله وجهك

السلام عليكم
إن شاء الله هالرابط يفيدك ، في معلومات عن الأماكن السياحية
وإذا معكم أطفال عرض الدلافين جداً ممتع للكبار والصغار في حديقة الخور(يفضل يوم الأثنين الأسعار تكون أرخص بكثير)
ارجو المساعده الي يعرف شي عن الامارات يدخل https://artravelers.com/p/re/191790
.

والله ماعندي فكره عن اماكن التزلج في دبي اتمنى الاخوان يفيدونك
و بالنسبه للأطفال اللي عمرهم اقل من ثلاث سنين
دخولهم ممنوع منعا باتا والأمر هذا صادر من بلدية دبي
اما بالنسبه لعرض الدلافين في دبي فهو ممتاز ايضا
ولكن اعتقد ان يوم الاثنين واللي هو يوم التخفيض راح يكون زحمه
ولكن العرض يستاهل العنوه
وسعر الفندق ممتاز مقارنة بأسعار فنادق دبي الغاليه
ورحلة موفقة ان شا الله
وما اوصيج بالتقرير بعد الرحله ^_^

يسلموو بنت الامارات
ولاهنت ولد زايد وابشر في التقرير المصغر البسيط