40 الف ريال جم شخص ؟ يشمل السكن ؟
لندن طبعا انصحج فيها .. كل اللي تبينه بلندن .. طبعا بالصيف زحمه بس ما يمنع ان تستمتعون فيها
جم تاريخ السفر ان شاء الله ؟ الحين الاسعار دبلات بسبب الصيف و ماكو وقت ..
لكن اللي تبينه بتلقينه بلندن .. سوق .. طبيعه .. ترفيه .. استرخاء .. رحلات .. تاريخ .. كل شي
بالنسبه للجدول اخذيلج فره في تقارير الاعضاء و بتلقين كل اللي تبين و ما قصرو المشرفين هالمواضيع بتفيدج ان شاء الله
https://artravelers.com/p/re/257584
و 20 يوم مده كافيه انج تقدرين تطلعين برا لندن سواءا رحلات تروحين الصبح و تردين بالليل او مناطق تقعدين فيها ليله ليلتين
و تقدرين بالقطار تروحين باريس يومين ثلاثه او بلجيكا ..
عزمي ان شاء الله و محنا مقصرين معاج

مسافره جدييده ،،
اكره يكون تعليقي سلبي ،، بس حقّ النصيحه لازم نأدّيه ،،
مع احترامي لرأي صديقتنا الكويتيه ،، مبلغ 40 ألف ريال لمدة 20 يوم صعب جداً في لندن ،، خصوصاً في هالصيف ،،
الناس مو لاقيه سكن ملائم ،، واللي لقوا سكن يمكن دفعوا ال 40 ألف بس على السكن ،،
انتي تكلمين عن 2000 ريال في اليوم ،، والمفترض ان هالألفين تغطي السكن والمواصلات والنزهه ،، مدري بس من معلوماتي البسيطه احس انها معادله صعبه ،،
نصيحتي لكم مادام انكم فكرتوا بدول الشنقن ،، شوفوا النمسا ،، بتلقون بلد من ناحية الطبيعه اجمل من بريطانيا وارخص ،، ومنها تقدرون تزورون التشيك او سويسرا بالقطار ،،
مجرّد رأي ،،
بالتوفيق ،،
اورفوار ،،

voucher
انا افترض ان ال 40 الف مصرف بدون سكن و بدون تذاكر .. 40 الف بالطبع ماراح توفي مصرف 20 يوم مع سكن :|

aLKuwaitia
ههه ،،
واحد مننا فهم غلط ياكويتيه ،، وانشالله انتي اللي يطلع كلامك صح عشان يسافرون لندن ولا تصيح "مسافره"
،،
اورفوار ،،

كم ناويه تدفعين بالسكن طيب الميزانيه حقتك بالاسبوع ؟
لان وسط لندن مستحييل بتلاقين اقل من 2000 باوند بالاسبوع
المانيا بالاخص برلين كثير حلوه بتنبسطين فيها
النمسا تروحون فينا اذا بتسكنون بالسنتر احلى واحلى ومره تونس وارخص من لندن بالسكن وتقدرون بعدها تروحون لزلامسي بنفس النمسا وبيكون فيها ثلج غالبا

nouf khaled
أخت نوف المعلومة اللي فوق غلط ........ شلون 2000 باوند ماتكفي سكن ....... إلا تكفي وزيادة حيل بعد

تسلمون يخليكم ربي اخت كويتيه وفوتشر ونوف خالد
انا فعلا تخطيطي ميونخ زيلامسي سالزبورغ فيينا الرياض
بس زميلتي لعبت براسي وخلتني شوي واصيح من كثر مامدحت لي لندن وهزأت النمسا
وتخطيطها لي كان لندن باريس الرياض
اجل اخليها السنه الجايه ان شاءالله
وال40 بدون تذاكر وسكن
اذا كويسه اخليها اجل ع الصيفيه الجايه

الأخت مسافرة جديدة ......... ليش ما فكرتوا بالنمسا أو حتى سويسراً ........ طبيعة أحلى وتطلع أرخص من لندن بعد.

alkuwaitia
يعطيك العافيه حبيبتي جد انا مبسوطه بتفاعلك معي ولكن نصايحك باخذها ان عطانا الله عمر للصيفيه الجايه
احنا 3 اشخاص والمبلغ مايشمل السكن والتذاكر فقط مصروف
يعني اذا كان كافي فانا فكرت تفكير جاد بالروحه هناك
تحياتي لك