بتجوالك في ساحة لندن ستجدين كل ماسألتي عنه
واذا فيه استفسار ابشري بسعدك
وفالك طيب

غصن تفاح
وعليكم السلام ورحمة الله وبركاته
الجو برد ولازم أتكثرين الملابس الشتويه ..
بالنسبه للاماكن السياحيه متوفره ولوا خذيتي لفه على التقارير المصوره مثل ماقالت بنت ديرتي راح اتعرفين أكثر الأماكن ..
أما المطاعم فعندج شارع أجول رود ..فيه مالذا وطاب من الأكل ..وأنا عن نفسي ماأحب اللحم ولكن إذا رحت لندن ماأقصر فيه

بإذن الله اول شي تسوينه بلندن تنزلين بالفندق وتريحين شوي وبعدين اطلبي من الكونسيرج تذكرة الباص الكبير ( البيغ بص) واساليهم عن اقرب محطة توقف واطلعي بالباص وخذي فيه لفه كامله ( فيه مرشد سياحي يتكلم كثير). بعدين اركبي الباص مره ثانية وانزلي في المحطات الي تناسبك ( ميدان ترافلجار، البيكاديلي، ساعة بيغ بن، شاركي بمظاهره قدام البرلمان، او انزلي عند عين لندن وخذي فيها لفه) الجوله تاخذ تقريبا ساعتين بالباص وينتهي الجولات الساعة اربه العصر والتذكره صالحة للاستخدام لمدة 48 ساعة متعددة الاستخدام وهي افضل طريقة لرؤية معالم لندن السياحية.
شارع العرب من بعد المغرب تمشي فيه وتعشي فيه
زوري هارولدز وسوق السبت ويالله من فضلك

يسلمو وما قصرتووا بصراحه
وانا بآخذ افكار بعد من المواضيع السابقه
ويعطيكم العافية