حياكم الله .. نرحب بالعوائل الكريمه بالنمسا والمانيا
كم عددكم ؟؟؟ والافضل لكم استأجر سيارات
اذا كنتو تبون الجمع بين النمسا والمانيا .. يكون مخططكم هكذاميونخ4 ايام سالزبورخ 3 ايام زيلامسي او كابرون 5 ايام فينا4 ايام ...
اذا كنتو تبون بيوت بالريف فأقل مده اسبوع .. وعليه نلغي سالزبورخ ونسكن بكابرون او زيلامسي اسبوع .. اما اذا تحبون شقق نمشي على الجدول الي فوق ..
ملاهي يورب بارك بعيده عن المخطط المذكور كونها تبعد 4 ساعات عن ميونخ .. لكن ممكن تعوضونه بمدينة ليكو لاند ساعه من ميونخ .. وملاهي بارتر بفينا ..
بنتظارج

ali_q8_77
السلام عليكم
اشكرك على الرد السريع و ماقصرت
احنه عددنه 3 عوائل (15 شخص ) و اكثرنه شباب و اطفال... و احنه ناويين نأجر سيارتين عائليه فان ابي اعرف كم تكلفة تأجير السيارات العائليه و من وين نقدر نحجزهم ؟؟!
الانتقال بالنسبة من ميونخ لي النمسا او العكس هل راح يكون بالسياره او بالقطار أي افضل ؟؟! و تكاليف تذاكر القطار بكم راح تكون حق هالانتقال ؟؟!
بالنسبة للتخطيط شلنه فيينا من المخطط لأنها بعيده وايد فراح نروح حق زيلامسي سالزبورغ و عقب المانيا بس أي افضل بنظرك الانتقال من النمسا لي المانيا او من المانيا لي النمسا ؟!
بالنسبة حق مخططك حق خط سير الرحله وايد عجبني بس في كم شغله عدلتها فيها
راح نسكن في زيلامسي مدة اسبوع في البيت اللي قلت لنه عليه و من زيلامسي راح نروح يومين حق سالزبورغ بس راح يكون تمركزنه الرئيسي في زيلامسي ....و بعدها راح نروح المانيا بغيت اسأل في بألمانيا بيوت للإيجار مدة اسبوع ؟! يعني راح يكون البيت مقرنه الرئيسي و ابغي اعرف المناطق القريبة من ميونخ وتكون حلوه عشان نقدر انزورها ؟!
بالنسبة للمجمعات و الشوبنق أي ارخص سوق النمسا او سوق المانيا ؟؟!
بالنسبة حق اسعار تذاكر الملاهي و الحدائق من وين نقدر نحجزها و نقطعها و في حدود كم اسعارهم ؟؟!
و ابغي اسعار الفلل بحدود كم إذا مدة اسبوع في النمسا و اسبوع في المانيا و المانيا فيها سكن في بيوت مثل النمسا ؟؟!
و اقرب مطار حق منطقة زيلامسي او سالزبوغ لأنه يمكن بداية رحلتنه راح تكون بالنمسا وعقب المانيا
و سامحنه بنتعبك معانه في الأسئله لأن ماعنده خبره سابقه في دول أوروبا و شكراً على إجاباتك السابقه

حياج الله اختي..
اولا عددكم كبير ما شاء الله .. ولا يوجد من خلال بحثي بيت يسع ل 15 شخص .. لهذا الخيار الافضل السكن بشقق بكابرون .. وطالما ان عددكم كبير ارشح لكم ان تكون اغلب الفتره بكابرون وبعدها ميونخ ..
الا اذا حابين ادخل سالزبورخ ففيها شقق على هذا الرابط
https://artravelers.com
ميونخ هنا شقق هي الوحيده التي ممكن تستوع عددكم وشقتين طبعا وقريب من سنتر ميونخ
https://artravelers.com
كابرون ارشح لكم هذي الشقق وياريت تحصلون فيها
http://www.ssgkaprun.at/english/pages/anreise.html
او هذي في شقق تسع ل10 اشخاص
https://www.booking.com/hotel/at/kitz-residenz.html?aid=1300939
او هذي روعه وانصحكم بها
https://www.booking.com/hotel/at/avenida-residenz-an-der-burg.html?aid=1300939
مخططكم الوصول الى ميونخ ومنها مباشره الى سالزبورخ 4 ايام ثم كابرون 7 ايام وميونخ 5 ايام ..
اما السياره فأنصحكم اتشوفون اكثر من شركه والافضل مراجعة مكاتبهم في بلدكم او من النت لو عندكم خبره ..
والشركات مثل يورب كار او سيكست او بدجت والخ ..
باقي الاسئله كلها سهله بس ننتهي من السكن والسيارات والمخطط .. انتو تأخرتو كثير بالحجز السكن
تحياتي

شكرا على الرد
م احنه قررنه نقعد في كابرون مدة مابين 7 إلى 10 ايام و قررنه نختار ثاني رابط حاطه لنه الشقتين بس سؤال كم تبعد زيلامسي عن هذي المنطقة اعتقد انها جريبه فراح نزور مناطقها السياحيه من خلال هذي المنطقة و سالزبوغ راح نروح لها يوم كامل من الصبح لي الليل او يومين رايحين و رادين بس مقرنه الرئيسي راح يكون في كابرون إن شاء الله
و بالنسبه حق ميونخ شنو المناطق السياحيه و الترفيهيه اللي نقدر نزورها من ملاهي و متاحف و قصور و قلاع و هالاشياء الحلوه ياليت إذا عندكم جدول سياحي يومي حق منطقة ميونخ تفيدوني فيه و راح نقعد في ميونخ اسبوع إن شاء الله
اما بالنسبه حق تأجير السيارات إن شاء الله راح نأجر من النت قبل موعد سفرنه إن شاء الله
و سامحنه راح انتعبك معانه

اخترتي أي وحده بالظبط ..
كابرون تبعد عن زيلامسي بحدود 13 دقيقه ..
ميونخ
ملاهي ليكو لاند ساعه تقريبا من ميونخ .. وايضا زيارة غارمش الجميله وركوب التلفريك للثلوج .. وبحيرة ابسي .. وسنتر المدينه ..
اما بوسط ميونخ هذي نبذه
الحديقة الالومبيه وفيها البرج وفيها معرضbmw وبالقرب منه مجمع الالومبيك
ساحة مارينا بلاتر واسواقها
الحديقة الانجليزية English Garden
ماكسيملين ستراشا maximilian STR شارع الماركات
كارلتز بلاتز شارع التسوق
والقصر هذا Nymphenburg Palace
مشابه لقصر فرساي بباريس من حيث الفعاليات والمكان
زيارة بحيرة Tegernsee والتي تبعد حوالي 50كم

ali_q8_77
خ السموحه دوختك معانه
اخترنه كابرون إن شاء الله و ميونخ
بس سؤال احنه خاطرنه نروح يوروب بارك مانقدر نروحها و نقعد فيها يومين و نرجع مره ثانيه ميونخ ؟؟ لأن اليهال جافوها في النت و عجبتهم إلا يبون يروحون لها فمادري اشلون إذا نبي نروح لها من ميونخ في قطارات تودي لي هذي المنطقه و كم ساعه تبعد إذا رحنا لها بالسياره او بالقطار ؟؟!
وايد عجبتني الاماكن اللي ذاكرها بميونخ مشكور على هالمعلومات المفيده ^_^

ممكن بس لازم تغيرون المخطط .. وللعلم بينها وبين ميونخ بحدود 4 ساعات الا 10 دقائق .. الملاهي بمدينة روشت الالمانيه ..
ادخالها بيكون هكذا من مطار ميونخ الى زيلامسي مباشره 7 ايام ميونخ راحه يومين ثم روشت الالمانيه 3 ايام ثم العوده الى ميونخ 4 ايام ..
ممكن تكون يومين فقط للملاهي . لكن 3 ايام افضل لكم لراحه وزيارة مدن قريبه من الملاهي ,, مثل بادن بادن او الغابات السوداء او حتى ستراسبورخ الفرنسيه .. الافضل بالسياره