om ranem
09-02-2022 - 10:40 am
مساء الخير صباح الخير
انا حابه اسافر ان شالله الصيف الجاي لاوروبا وهذي اول سفره لاوروبا لي انا وزجي وطفلين حابه انزل في البدايه فرنسا-باريس فأبغى استفسر عن بض الأشياء منكم وان شالله مراح تقصرون
1-اول شي كيف طريقة استخراج الشنقن ايش هي الاسعار
2-زوجي ماعنده لغه وانا امشي الحال بس مو باتقان بس مو شينه لغتي تمشي شوي هل نقدر نمشي حالنا ولا صعب
3-ايش هي الاماكن المهمه في باريس نقدر نروح لها بحيث بنجلس فيها 3ايام وبعدها رايحين ديزني لاند
4-ينفع نروح ديزني لاند نهار ونرجع بالليل يعني ماننام فيها وكم المده بالقطار من باريس لديزني ومن وين نحجز التذاكر
5-ايش هو الوقت المناسب اللي نقدر نحجز فيه تذاكر السفر علشان تصير رخيصه واي خطوط افضل
6-كيف نقدر نطلع من باريس لجنيف هل بالقطار او طيران افضل وكيف نحجز التذاكر
7-ينفع في جنيف ناخذ سياره ونروح انترلاكن واللي حواليها ولا لا ومن وين نحجز السياره من السعوديه او اذا وصلنا
8-هل فرنسا وسويسرا والنسا فيزا وحده
ولكم جزيل الشكر معليش طولت عليكم بس عليميه لأن زوجي قاللي عليك التخطيط وعليه هو التنفيذ
om ranem
مساء الخير صباح الخير
انا حابه اسافر ان شالله الصيف الجاي لاوروبا وهذي اول سفره لاوروبا لي انا وزجي وطفلين حابه انزل في البدايه فرنسا-باريس فأبغى استفسر عن بض الأشياء منكم وان شالله مراح تقصرون
هلا فيج اختى الكريمة وحياج الله بس ملاحظه صغيره كل ما قريتى مواضيع كل ما حصلتى معلومات عامة عن كل شي..وبارخص الاسعار من تجارب اخوانا وخواتنا المسافرين..
1-اول شي كيف طريقة استخراج الشنقن ايش هي الاسعار
الشنغن تطلعينها حسب الدوله الى حابه تنزلين فيها مثلا فرنسا تاخذينها من السفاره الفرنسيه، كل جواز تقريبا 370 دهم للشخص،اما الاوراق الطلوبه تدخلين لموقع السفاره وتحصلين كل الاوراق المطلوبه الازمة للاصدار الفيزا..2-زوجي ماعنده لغه وانا امشي الحال بس مو باتقان بس مو شينه لغتي تمشي شوي هل نقدر نمشي حالنا ولا صعب
ان شاء الله مافيها اى مشاكل انتى تحجزنى بالنت وتضبطين الجدول وكل شي يسهل باذن الله..
3-ايش هي الاماكن المهمه في باريس نقدر نروح لها بحيث بنجلس فيها 3ايام وبعدها رايحين ديزني لاند
المواضيع كثيره عن المواقع السياحيه ممكن تختارين الى تحبين تروحين له،مثل برج ايفيل،هضبة المونمارت،لافيت(مركز تسويق)،شارع الشانزليه،متحف اللوفر،قصر فرساي وغيره..
4-ينفع نروح ديزني لاند نهار ونرجع بالليل يعني ماننام فيها وكم المده بالقطار من باريس لديزني ومن وين نحجز التذاكر
اختى ديزنى تبعد 35 دقيقه تقريبا من باريس ،يعنى تقدرين تروحين وترجعن بنفس اليوم،تحجزين من محل في شارع الشانز او من الحديقه نفسها..
5-ايش هو الوقت المناسب اللي نقدر نحجز فيه تذاكر السفر علشان تصير رخيصه واي خطوط افضل
قبل السفرباربع شهور ان اشوف احسن تسوين مقارنه وتحجزين لانه ارخص..الخطوط حسب الافضل والمناسب لج وحسب الواجهه..
6-كيف نقدر نطلع من باريس لجنيف هل بالقطار او طيران افضل وكيف نحجز التذاكر
ممكن بالقطار وممكن بالطيران الاقتصادي،وفيه موضوع للحجز الطيران الاقتصادي فيه كيفيه الحجز..
7-ينفع في جنيف ناخذ سياره ونروح انترلاكن واللي حواليها ولا لا ومن وين نحجز السياره من السعوديه او اذا وصلنا
كل شي ينفع اختى الكريمة،فيه مواقع حجز سيارات تقدرين تحجزين وانتى في المملكة طبعا كل ما حجزتوا بكير طلعت ارخص..
8-هل فرنسا وسويسرا والنسا فيزا وحده
نعم
ولكم جزيل الشكر معليش طولت عليكم بس عليميه لأن زوجي قاللي عليك التخطيط وعليه هو التنفيذ
ربي يوفقج ويسهل امورج ونحن حاضرين في مساعدتج