السلام عليكم ورحمة الله وبركاته..
بصراحه من زمان عاجبني المنتدى بمواضيعه واقسامه المميزه لكن يوم فكرة بالزواج وان شاء الله ربي يتمم على خير كان همي بالسفره لثلاث اماكن واللي هي جزر المالديف - وماليزيا - والنمسا
طبعا الكل يقول ياطول المشوار بس مافي بعد بطيران يمكن تكون فكرتي بالسفره هي صعبه شوي في التنقل من قاره الى قاره بس الحل من ربي وبعده مساعدتكم لي بالنصائح والتجارب من بداية الرحله الى العوده باذن الله
يمكن اكثر كلامي بس لا تقصرون معاي بليز
بتكون السفره تقريبا نهايه شهر 2 من السنه الجديده
ودي اقضي تقريبا 5 ليالي في المالديف
و7 ليالي في ماليزيا
و7 في النمسا ومنكم النصائح احسن بعد
بتكون المغادره من مطار البحرين ان شاء الله
ودي منكم تقارير ونصائح بالمنتجعات والاماكن السياحيه ومن وين ابتدي وانتهي وكم تقريبا تكلف السفره هذي بين منتجعات وفنادق وسياحه مو لازم خمس نجوم واسعارها مرتفعه يعني بالمعقول النظيف والمكان الرومنسي والراقي بمنظره وخدماته وتعامله وكيف طريقة الحجز الافضل حتى لو فيه طريقه للتنزه هناك كيف بتكون ادري كثرت عليكم بس تحملوني
عندي اللغه شوي تعبانه العنقليزيه (الانجليزي) متعبه ادري بس تمشي الحال
واذا عندكم شي حلو اكثر لاتبخلون علينا ياحلوين
بانتظر ردوردكم ولكم مني الشكر والتقدير
مودتي واحترامي لكم..
احساس جديد