غـــــــــــاده
29-08-2022 - 09:29 am
السلام عليكم ورحمة الله وبركاته
شكرا لكل اللي سمح لي آخذ من وقته شوي
بدخل في الموضوع على طول وأقولكم الزبده
هذا الصيف بإذن الله بنروح ألمانيا واختي الكبيره اللي كانت قبل تسوي لنا مخططات السفر تزوجت
واهلي حطوا كل شي علي وانا ماعندي سالفه عساني أدري وين الله حاطني فيه
فبليز أتمنى ان أحد يساعدني في اني اسوي خطه لرحله لألمانيا
ليلحين كل اللي سويته ان في مدينه صغيره أو بالأصح ضاحيه جنب ميونخ هي اللي بنسكن فيها بس ماأدري ايش المدن الثانيه اللي لازم نزورها أنا خاطري في هامبورغ بس الناس يقولون انها كئيبه ومافيها أسواق تستاهل
احنا 5 أشخاص والأغلبيه بنات يعني نبي سوق نبي ملاهي ... والأماكن التاريخيه مو مره تجذبنا طفشنا منها مدة السفر : تقريبا شهر
الغرض من السفر : علاج + سياحه الجانب الأكبر سياحه بس أتمنى لو أحد يعرف وين في أي مدينه ممكن نلقى برفسور مختص في القلب يقولون ان المستشفيات الجامعيه أحسن شي هل هذا صحيح ؟؟؟
أتمنى ان احد يساعدني ويرد علي بأسرع وقت
أبي اكشخ على اهلي شوي ساعدوني عشان أرفع خشمي عليهم ويرفعون راسهم فيني بليز وان شاء الله في ميزان حسناتكم واللي بيفيدني بدعي له في صلاتي ثانكس على وقتكم
بالنسبه لهامبورج بالعكس مدينه تشرح الصدر وحلوه وفيها تسوق ومنطقة التسوق فيها حلوه مره وفيها ايضا بحيره اسمها الالستر وفيها كافيه اسمه الكس ايضا حلو في هامبورج
ملاهي في ميونخ فيه اليوروب بارك
اذا دكتور قلب جراح فيه بروقيسور هافاريش مشهور في المستشفى الجامعي بهنوفر واذا معالج مو جراح يمكن الاخوان يفيدونك اكثر