السلام عليكم
اخوي سلطان اول شي انحش عن اوكلاند تجنبها ثاني شي المعهد الاول abc معهد معروف والعرب فيه اكثير
اما بخصوص السكن . المعهد يسكنك مع عائلة
تكاليف الدراسة والسكن تقريباً 5800 ريال شهرياً (ممكن يزود المبلغ خمس مية وممكن ينقص خمس ميه) طبعاً العائلة مسؤله عن وجبة الفطور والعشاء وفي الويكند جميع الوجبات
بالتوفيق يا الغالي

الله يعطيك الف عافية يالغالي
والله ماقصرت
اشكرك من اعماق قلبي على مجهودك
طيب ياريت اللي عنده معلومات اكثر يحطها
او اللي عنده معهد ثاني
واكون شاكر له

اهلا وسهلا اخي
بالنسبة للمعاهد التالية ما اعرفها ...
لكن حدد المنطقة اللي تبيها ...والمدينة
حتى نعرف وش المعاهد ...
وثاني شيء ...اكثر المعاهد عندها living space
سكن طلاب ...انا ما دخلته لكن بعض الزملاء اللي كانوا
يدرسوا معي يقولوا انو في ازعاج بعض الاحيان بالليل ...
يعني تحصل اصوات الاغاني مفتوحه عند بعض الطلاب
وثاني شيء ملل ملل ملل ملل ...كان فيه واحد خويي
الماني كل يوم طفشان ...ما يبي يروح للسكن ...يقول
طفش وملل ...
احسن تحصل لك عائلة وترى الفرق امكن 50 دولار او حولها
والله يوفقك

اهلا اخوي زعيم الاحساس
الله يعطيك العافية
لاكن اخوي
انا ما اعرف نظام السكن مع العائلات
وهل المعهد نفسه ينسق لي مع العائلة
انا يالغالي ابي معهد مايكون فيه عرب
ياريت اذا عندك معلومات عنه تفيدني
والمدينة اهم شي تكون ساحلية

.wysiwyg { BACKGROUND: #f5f5ff; FONT: 12px Tahoma; COLOR: #000000 } P { MARGIN: 0px } .inlineimg { VERTICAL-ALIGN: middle }
شموخ فتى
اهلا بك مجدداً
نظام السكن مع عائلة عن طريق المعهد اللي ينسق
لك مع العائلات على الطريقة اللي تبيها ...
يعني انت تخاف من كلاب اكرمك الله ********مو انا اللي يخاف
او قطط ما تبيها
مثل هالكلام ...وبالنسبة للمدينة اتمنى تاخذ فرة
على تقارير الاعضاء والمدينة اللي ترتاح لها ...
توكل على الله وتوجه اليها ...
والمعاهد فيها عرب كلها ...يعني لا تتفاجأ ...
وفي الاخير والله ان نسبة 80% عليك انت في تعلم
اللغة وليس لها دخل بالعرب والهنود وغيرهم...
اعرف ناس عمرها ما طلعت من السعودية قسم بالله
انه يتكلم احسن من شخص له سنتين ببريطانيا او ثلاث
انت توكل على الله وانطلق
تحياتي لك

انا يالغالي ابي معهد مايكون فيه عرب
والمعاهد فيها عرب كلها ...يعني لا تتفاجأ ...
هذي من أهم النقاط في الموضوع
حط في بالك وجود العرب في معظم معاهد نيوزلند وبكثرة في بعض المدن
وبالتوفيق أخي الكريم

أخوي العرب أو السعوديين خاصه في هالفتره ما يتواجدون بكثره .. لأن الإجازه على وشك تنتهي وأغلب الطلاب رجعوا
رمضان وعيد . . .
بالنسبه للسكن . . أسكن مع عائله أفضل لك
بالنسبه لمعهد ABC College of English, Queenstown
مكان المعهد في مدينة كوينزتاون
أسعارهم
الفل تايم
من الاثنين للجمعه من الساعه 9 ص - 12ظ ومن الساعه 1 ظ - 3 ع
2—5 weeks: $370.00/week
6—12 weeks: $360.00/week
13+ weeks: $330.00/week
البارت تايم
ويكون من الاثنين للجمعه من الساعه 9ص - 12 ظ
$260.00/week
رسوم التسجيل 200 $
الدولار النيوزيلندي = 2.6 SAR
وهذا رابط الاسعار
http://www.abc.ac.nz/fees.htm
× × ×
وبالنسبه لمعهد Unique New Zealand
مكان المعهد في مدينة أوكلاند
الفل تايم نفس التواقيت السابقه
0$ فالإسبوع
البارت تايم
0$ فالاسبوع
رسوم التسجيل 200 $
رسوم العائله 150$
رسوم السكن مع العائله اسبوعياً 220$
وهذا رابط الأسعار
http://www.unz.co.nz/default.aspx?PageId=34

• - -

أرجو أن أكون أفدتك . . لا تنساني من خالص الدعاء

شموخ فتى
وعليكم السلام ورحمة الله وبركاته
هلا فيك أخوي سلطان
ورحلة موفقة باذن الله
بالنسبة للسكن .. زي ماذكروا الاخوان
المعهد ينسق لك العائله الي تكون متوفره ومناسبه لشروطك
مثلا يكون العائله فيها شايب .. او شايب وعجوز ,. او عجوز
او عجوز وبناتها او ا وا او ...
ممكن تطلب مايكون عندهم حيوانات
ممكن تشترط وجود انترنت
ممكن تشترط حمام خاص
يعني من هالامور
بعض العوائل يكون فيها طالين وانت ثالثهم او اقل او اكثر
وكل واحد بغرفه
( ممكن يكون الطلاب من نفس المعهد .. بس مو شرط يكونون بنفس المستوى او الفصل )
بالنسبة للعمر.. مااعتقد انه محددود
بس الاغلب من عمر 18- 35
وفيه واحد من الشباب والده راح لينوزلندا وحصل معهد ودرس فيها .. الرجال في الاربعينات او نهاية الثلاثينات تقريبا والله اعلم
قيمة المعاهد تختلف باختلاف المدينه وقوة المعهد وحجمه واستيعابه للطلاب
لكل اغلب المعاهد من 320 - 400 دولار نيوزلندي بالاسبوع
والاغلب 350
( ممكن تحجز عند معهد لمدة اسبوعين .. وبعد كذا اذا ناسبك المعهد تكمل فيه .. واذا ماناسبك ممكن تاخذ لك جوله بسيطه على المعاهد الي قريبه من المعهد وتختار لك واحد منهم وتسجل فيه ) وكلها توافيق من الله
بالنسبه للمعاهد ... والله ماعندي اي خلفيه عنها.. لاني ماافكرت بأوكلاند
ختاما.. عسى الله يوفقك ويسهل امرك
ورحلة موفقه
ولاتنسانا من الدعاء
اخوك