fadooya
25-11-2022 - 12:45 am
السلام عليكم ورحمه الله وبركاته
انا انشالله رايحه على بلجيكا بعد 10 ايام تقريبا و انا اللي بودي اهلي
وكلهم يا كباار حيل والا يهال فا انا اللي راح اكون مسؤوله
انا حطيت جم مكان في بالي ... بس المشكله اني مادري شلون اقسمهم
يعني احنا ناوين نروح فرنسا و سوسيسرا والمانيا والدول القراب
لان احنا مدتنا طويله بنقعد وبنروح كل دوله يوم واحد
فا يريت احد يقدر يفهمني او يعلمني الطريقه شلون اقدر اروح حق هالدول
و الاماكن الي تناسب اني اروحها مع اهلي و يستانسون
واسفه على الاطاله:$مشكورين
الله يكون بعونج..
بس ان شاء الله قدها وقدود..
اسكنوا في بروكسل قريب من محطة القطار الرئيسية وكل يوم روحوا مكان بالقطار
السكن في باريس غالي حيل بلجيكا ارخص بكثير حتى من ناحية الاكل بلجيكا ارخصهم... يعني العصير في باريس 15 يورو وفي بلجيكا 5 يورو والحسابة بتحسب.
ان شاء الله الاخوة والاخوات ما يقصرون معاج انتي حطي الاسئلة اللي ببالج وتخيلي الوضع من الحين علشان تقدرين تخططين صح..الله يعينج على الكبار صعب ارضاؤهم...هذيلا خليهم بالحديقة في بروكسل يشربون قهوة الساعة 10 الصبح وانتي روحي مع الصغار لباريس ديزني لاند وترجعين العصر الساعة 10 وهم في نفس مكانهم ونفس السالفة يتهاوشون عليها.
الله يحفظكم كلكم ويوفقكم وتكوم رحلتكم سعيدة وترجعون سالمين غانمين