السلام عليكم اختي وردة بلاك بول جميلة وتستاهل العنوة وفيها من الملاهي الكثيرة ولا تنسين تروحين برج بلاك بول عموما بحط لك الرابط التالي فيه كل شي عن بلاك بول
http://www.blackpooltourism.com/

والله الصراحة مدينة بلاك بول أحلى شئ بالسفر الى لندن أنصحك بالذهاب ليها واستمتعي بالمطاعم واللعب حيث تعتبر أكبر مدينة ألعاب أنصحك عند الدخول تأخذين تذكرة الالعاب من البوابة حيث تكون شاملة جميع الالعاب أرخص من الدخول واللعب كل وحدة على حدة لأن كذا راح تطلعلك أغلى بكثير وإياك وركوب جبل روسيا والله عندما ركبته أنا وأخوي ماتوقعت أنزل حية مطلقاً اللهم ان كنتي تحبين المغامرة وخوذي معك من وقت الدخول كتيب المدينة ( الخريطة ) مذكور فيه كل لعبة وموقعها لان من كبر المدينة راح راسك يدوخ وحتى لاتوفتي عليك ولا لعبة ....وأيضاً مدينة توب بارك قريبة من لندن فظيعة

nala
بصراحة شكراً على التفاعل بس أبي أعرف كم يوم تسوى أقعد فيها وإذا فيها أسواق وبالليل في قهاوي ومطاعم ولا صخة ما كو أحد في الشارع وأي معلومات إضافية
مع تحياتي / وردة الكويت

بلاك بول تذكره الالعاب شامله 30 باوند وبليل مافيها مقاهي طبعا بس في مطعم هندي هناك وناسي اسمه بس اقدر ايب لج اسمه وعندج الشاطيء رهيب عندهم وتقدرين اتروحين من بعد الالعاب برمنقهام تبعد عنها بالقطار ثلاث ساعات وبتحصلين كل شي فيها من اسواق لمقاهي ومطاعم عربيه في شارع كوفتري رود وعندج مدينه الالعاب الثانيه دويترمنر تبعد عن برمنقهام تقريبا ربع ساعه ودخولها ب 23 يواند شامل كل شي ومن ناحيه ثانيه جان فكرتي فبلاك بول تقدرين بعد ما اتخلصين اتروحين مانشستر لانها جريبه منها بعد و اي سؤال اختي نحن تحت الخدمه

Dubai_City
ياحلاتكم يا أهل دبي طول عمركم أهل كرم وما تقصرون بس تسوى أروح لها مع زوجي لأن ما عندي عيال وآحنا نحب night life يعني الحركة بالليل مو مثل لندن الساعة 6 ما قطو بالشارع
وشكراً
وردة الكويت

مب من الساعه 6 اتعرفين الحين الشمس اتغيب متاخر قولي على الساعه 10 او 11 خلاص كل شي يطفي الا البارات عزج الله وبعض المطاعم واهي حلوه للمتزوجين او للعزوبين بشكل عام بس لو انا منج جان رحت بلاك بول ولعبت وشبعت وعلى طول اروح برمنقهام لانها منطقه حلوه وتستاهل الزياره وتستاهل تقعدين فيها يومين او ثلاث
المهم اختي اتمنالج رحله موفقه انتي وريلج اي سؤال نحن تحت الخدمه