السلام عليكم ورحمة الله وبركاته،
لايخفى عليكم الفاعلية الكبرى في المنطقة والتي تفام كل سنة..
وهي الجنادرية
طبعاً بكرة آخر يوم للعوائل وهذا افضل مافي الجنادرية لهذه السنة وهو أن الدخول للعوائل.
طبعاً انا كنت اليوم متواجد هناك وكان الجو معقول
وقت الزيارة غدا من 9 صباحاً وحتى 6 مساءً
زرت عدد من الاجنحة الممتازة هناك بذكر بعض المميز فيها بالنسبة لي
طبعا للأسف الكاميرا كانت معي بس مافيها بطارية...
جناح القصيم ===== (لايفوتكم الكليجا اللي بالتوفي والبساكيت والمعمول)
جناح المنطقة الجنوبية =====(العسل وبعض الملبوسات الشعبية والالعاب الخشبية القديمة)
جناح المدينة ===== ( أحب جناح على قلبي مدري ليه طبعا البليلة والنعناع و المخبوزات والافطار عموما )
جناح حايل====(فيه زاوية فيها الاكلات الشعبية كلها وفيه بعض اشكال البسكوت اللي جاي معه شكولاته بس خطير غمس وذوق)
جناح (نسيت والله) ==== بس كوكتيل تذكرت اسمه السوق الشعبي
فيه البحرين وبعض الدول الاخرى (الطيران أو الدفوف حقات الطقاقات في العروس-العود المبسوس-الفخار حصالات من الفخار يعني اللي يبي يجمع ولين خلص يكسرها)
طبعا هذا بعض الاشياء المميزة وليس كلها لأن الزيارة ماتوصف بصراحة
طبعا بعد العصر هو وقت الذروة يعني زحمة موت
ولا يفوتكم الحجات اللي برا وفيه سوق برا للي يحس نفسه مازال نشيط..
اللي ماقد راح لايفوت الفرصة بكرة آخر يوم
(3 ساعات كحد ادنى الوقت المقترح)
واللي يبي أي شي لايرده الالسانه.
أتمنى ان اكون اضفت شي
سلام
طبعا شريت العد