السلام عليكم..
ايام معدودة تبقت عن سفرتي لعاصمة فرنسا >باريس<
عندي خلفية بسيطة عن المكان وذلك من مواضيعكم المفيدة..
الحين وصلت لمرحلة بحيث ابغي ارتب جدول سياحي يومي تكون فيه بعض المعلومات واعتمد عليه في سفرتي الاولى..
يبدأ جدول الرحلة من بعد وقت تناول الغذاء يوم الثلاثاء الى صباح يوم الخميس .. ( الرحلة من 7/ فبراير الى 17/ فبراير) الوصول يكون اليوم الثاني اي يوم الثلاثاء كما وضحت مسبقاً..
رسمت مخطط الجدول المطلوب وهذا هو
وحددت بعض الاماكن اللي ناوين نروحها واتمنى تزيدون لي اماكن بعد تحسباً لاي ظروف واستغلالاً لكل الدقائق الباريسية..
دزني لاند
متحف اللوفر
قصر فرساي
هضبة مونامارت
غالاري لافاييت
قوس النصر
برج ايفل
محل عطور
الشانز
الاوت لت فالج
كما تم تحديد وسيلة المواصلات اللي راح تكون الميترو وراح نسوي البطاقة اللي تحمل الصورة الشخصية لكل فرد..
الحين المطلوب منكم اعزتي تساعدوني في تنسيق الجدول حسب الايام لاني ما اعرف اي الاماكن تكون جنب بعض عشان تكون في مشوار يوم واحد.. كما بغيتكم تساعدوني بخصوص المحطات وراح يكون سكنا في منطقة الاديفانس.. وبعد عندي التباس في موضوع الزونز في بطاقة المترو شنو تعني ؟؟ وهل لازم آخذ بطاقة شهرية او اسبوعية لانة رحلتي بتكون 9 ايام تقريبا ؟؟
شاكراً لكم تعاونكم..