الأجودي999
31-07-2022 - 08:34 pm
السلام عليكم:
تحية طيبة لكم جميعا والشهر مبارك عليكم ولو انها متأخره
انا مسافر في اخر رمضان انشالله ماليزيا وعندي بعض الاستفسارات وياليت تنوروني الله ينور قبوركم امين
الاول:حنا شخصين وبنجلس اسبوع وميزانيتنا من غير التذاكر والسكن 6000 ريال هل تكفي والا لا؟
الثاني : هل الفنادق كلها هناك ياخذون تأمين؟ وكم يكون عادة وهل ينفع اعطيهم مبلغ التأمين بالريال؟
الثالث : وش الافضل اصرف الفلوس دولارات من هنا والا عملتهم والا اصرف من هناك وكم ياخذون على عملية الصرف الواحده من الصراف الالي؟
الرابع : حجزنا في فندق ويستن بكوالا لمبور وفندق بي فيو بيتش في بينانج وش رايكم فيهاا ( وطمنوني انشالله ما يكون فيها ملاهي ليليه وبارات ) لان حنا ملتزمين والحمد الله
وتقبلو تحياتي واحترامي:
اخوكم الاجودي من الرياض
بنسبه لسوال الاول فالمبلغ كويس ومعقول نوعن ما اذا انت منت متقضي كثير ولا انا بصراحه صرفت اقل وانا جالس 14 يوم
الفنادق لابد لهم من تامين بس انت منت خسران شي يعنيانت تعطيه 100 اوميتين دولار ويرجعونها لك بس انت اذا جيت تسكن اسالهم وش الاشيا اللي ياخذون منها فلوس والاشيا اللي ببلاش وطبعن لا تاخذ اللي بفلوس لانه اضعاف اضعاف السوق
اما بنسبه للفلوس فما عندك مشكله من السعوديه او من ماليزيا ماتفرق هذا اللي اشوفه انا وكل واحد له رايه
فندق كوالا ما اعرفه ولا سكنت فيه بصراحه
اما بيفيو بتش مستوه مو بطال السوق الليلي مو بعيد وجنبه فندق الهولدي ان شاطيه نشيط مو بطال اتمنا اني قدرت افيدك باللي عندي والله يوفقك وعقبال ما ترجع بسلامه