1. بالنسبة للمسافة من باريس الى انترلكن 644 كم ..ستة ساعات وربع .


2. وهذا الموضوع مفيد لكم لمعرفة المسافات :

السلام عليكم ورحمة الله وبركاته ::
حياك الله اختي.

بالنسبة للمسافة من باريس الى انترلكن 644 كم ..ستة ساعات وربع .

وهذا الموضوع مفيد لكم لمعرفة المسافات :

أسهل طريقة لمعرفة المسافات بين المدن والاحداثيات عن طريقة قوقل https://artravelers.com/p/re/545100">https://artravelers.com/p/re/545100
وهل الافضل اخلي انترلاكن في وسط الرحلة بحيث اطلع 3 ايام باريس وبعدها انترلاكن وبعدها ارجع باريس لانى حاجزة طيران دمام - باريس والعكس او ممكن اغير الحجز وارجع من سويسرا الى الدمام
وين افضل واسهل واريح وبعد يهمنى ما اضيع وقت ؟
الوصول باريس والمغادرة من جنيف .
وبيني وبينكم انترلكن في وسط الرحلة مثل ما تفضلتم ..فكرة غير حسنة .
وابي اسماء فنادق حلوة ومطلة على البحيرة والميزانية من 1000 الى 1500 في الليلةوايش الاماكن المهمة والحلوة الا ممكن اروح له
وبعد الجو هل بيكون برد عادى او ثلوج يعيق عن الحركة
ياليت تفيدونى ماعندى فكرة عن الموضوع ومحتارة وين نروح بثلاثة الايم الباقية
وشكرا جزيلا لكم
موقع بوكنج فيه كل اللي تبونه ..انصحكم بالاطلاع عليه .
بالنسبة للاماكن ..الرجاء الاطلاع على هذا الموضوع ..لمعرفة مواعيد العمل :
https://artravelers.com
ومن رأيي ان ثلاثة ايام قليلة على سويسرا ..وخاصة ان اليوم الاول ضايع في التنقل من باريس الى انترلكن .
لكن عندكم خيار انكم تروحون بالسيارة او بالقطار الى جنيف والسكن في مونترو طيلة ثلاثة او اربعة ايام .
والامر راجع لكم .
وبالتوفيق

شكرا ماقصرت الله يجزاك خير
والله جنيف كانت من الخيارات الاولى بس اشوف التقارير كلها انترلاكن
طيب ممكن انقص يوم من باريس واخليها خمس ايام واخلي انترلكن اربعة ايام
مدرى الحيرة متعبة ومافيه وقت المفروض نقرر علشان يمدينا نغير الحجز اذا بنرجع من جنيف
الف شكر لك

هو طريق الرجعة من انترلكن راح يكون طويل ...والا ليس بالمستحيل..
يعني اذا كانت تغيير الرحلة صعب ..فالله يكون بعونكم ..يا تروحو بالقطار ..او بالسيارة .
فتكون باريس اربعة ايام
ثم انترلكن اربعة
ثم باريس يوم واحد
وكان الله بعونكم .

حلو كذ بس افكر آخر يوم بدل ما ارجع الى باريس نروح الى جنيف وتكون العودة
جنيف -دمام
يعنى تخطيط الرحلة
5 ليالي باريس من يوم الاربعاء 20/3 الى الاثنين 25 /3
وبعدها نطلع انترلاكن يوم الاثنين الصباح وتكون 3 ليالي يعنى الى الخميس
والخميس الصباح نطلع جنيف
والجمعة نرجع الى الدمام
انترلكن تكفيها 3 ايام كثير من النشاطات مقفلة في شهر 3
طيب السؤال الحين
نروح من باريس الى انترلكن بالسيارة او القطار ؟
طيب لو استاجرنا سيارة الافضل نستاجرها من باريس او نروح بالقطار ونستاجرها في انترلكن
ما ادرى سمعت فيه ضريبة اذا بناخذها من دولة ونرجعها في دولة ثانية
والضريبة تفرق عن سعر القطار اذا فرق بسيط نستاجرها مرة وحدة من باريس
مشكور اخوى ما قصرت تعبتك معاى

او ايش رايك نعكس الرحلة ونبدا بجنيف - انترلكن - واخر شئ باريس علشان الشوبنق بدل مايكون عندنا عفش كثير بس اذا بنروح بالسيارة مافيه مشكلة صح ؟
اكرر شكري

السلام عليكم ورحمة الله وبركاته ::
جمعة مباركة عليكم .
كل الطرق تؤدي الى روما .
على حسب حجزكم ..وممكن الوصول الى جنيف واستئجار السيارة من مطار جنيف القسم الفرنسي ..وارجاعها في باريس .
والمخطط مثل ماهو ...ترتيبكم حلو .
والمشوار بالسيارة ارخص بكلا الاحوال .
وترى اذا اخذتوها ايضا من باريس ممكن ترجعونها في مطار جنيف القسم الفرنسي ..عشان تتفادو ضريبة الاستلام والتسليم في دول مختلفة .
وبالتوفيق

ربي يسعدك دنيا وآخرة وجمعة مباركة على الجميع
باقي شغلة بسيطة
الفيزا ان شاء الله قدمنا عليها من السفارة الفرنسية في اي مشكلة لو رحنا الى جنيف وبعدها باريس ؟
لانى لما شيكت على رحلات الطيران ناسبتنى رحلة باريس - دمام
جنيف -دمام متاخرة شوى ورانا مدارس ودوام
غير كذا التذاكر اقل في السعر تقريبا فرق 700 ريال واكثر بعد
الف شكر لك

اللهم واياكم ..
بالنسبة للفيزا ..ما عندكم مشكلة لو طلعتوها من الفرنسية ونزلتم في مطار جنيف .
الامور ان شاء الله متيسرة .
ما عليكم خلاف ان شاء الله .
والله ييسرلكم السفرة .
واي استفسار اخر نحن حاضرين .
وبالتوفيق

تشكر وما قصرت واكيد بنطمع وما راح تخلص الاستفسارات بس خلنا نمشى خطوة بخطوة
اول شئ لازم اعمله الحين اغير حجز الطيران وبعدها احجز فنادق
وبعدها الاستفسارات
اكرر شكرى